Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 2:1-18

2  Inted ita ni Solomon ti bilin a panangibangon iti balay+ a maipaay iti nagan ni Jehova+ ken iti balay a maipaay iti kinaarina.+  Gapuna nangbilang ni Solomon iti pitopulo a ribu a lallaki kas agbumbunag iti awit ken walopulo a ribu a lallaki kas agtagtaga idiay bantay,+ ken tallo ribu innem a gasut kas manangaywan kadakuada.+  Kanayonanna, ni Solomon nagbaon ken Hiram+ nga ari ti Tiro, a kunkunana: “No kasano a nakilangenka ken David+ nga amak ken pinatpatulodam iti sedro a kayo tapno ibangonanna ti bagina iti balay a pagnaedan,—  adtoy mangibangonak+ iti balay a maipaay iti nagan+ ni Jehova a Diosko tapno santipikarek+ dayta kenkuana, tapno mangpuorak iti napabanglo nga insienso+ iti sanguananna, agraman ti kankanayon a tinapay nga agtutuon+ ken mapuoran a datdaton iti bigat ken iti rabii,+ kadagiti sabbath+ ken kadagiti baro a bulan+ ken kadagiti panawen ti piesta+ ni Jehova a Diosmi. Addanto daytoy iti Israel agingga iti tiempo a di nakedngan.+  Ket ti balay nga ibangonko dakkelto,+ ta ti Diosmi dakdakkel ngem kadagiti amin a sabali a didios.+  Ket siasino ti addaan iti pannakabalin tapno isu ibangonanna iti balay?+ Ta isu saan a malaon ti langlangit ken ti langit ti langlangit,+ ket siasinoak+ tapno isu ibangonak iti balay malaksid no maipaay iti panangpataud iti asuk a sakripisio iti sanguananna?+  Ket ita mangibaonka kaniak iti maysa a nasigo a lalaki nga agtrabaho iti balitok ken iti pirak ken iti gambang+ ken iti landok ken iti delana a natinaan iti lumabaga a purpura ken carmesi ken asul a sinulid, ken makaammo no kasano ti agtaga kadagiti kitikit, a maikuyog kadagidiay nasigo nga adda kaniak idiay Juda ken idiay Jerusalem, isuda nga insagana ni David nga amak.+  Ket ipatulodannak iti kaykayo ti sedro,+ parwa+ ken algum+ manipud Libano,+ ta siak pagaammok unay nga aduan kapadasan dagiti adipenmo iti panagpukan iti kaykayo ti Libano,+ (ket adtoy ti ad-adipenko maikuyogda iti ad-adipenmo,)  maipaay a mismo iti panangisagana iti dakkel a bilang ti kaykayo nga agpaay kaniak, ta ti balay nga ibangonko dakkelto, wen, iti nakaskasdaaw a pamay-an. 10  Ket, adtoy! kadagiti agur-urnong iti kayo, kadagiti agpukpukan iti kaykayo, mangtedak iti trigo kas taraon maipaay kadagiti adipenmo, duapulo a ribu a cor,+ ken sebada a duapulo a ribu a cor, ken arak+ a duapulo a ribu a bat, ken lana a duapulo a ribu a bat.” 11  Iti kasta ni Hiram nga ari ti Tiro+ sinaona ti sao babaen ti surat ket impatulodna dayta ken Solomon: “Agsipud ta inayat ni Jehova+ ti ilina tinudingannaka nga ari kadakuada.”+ 12  Ket kinuna ni Hiram: “Bendito koma ni Jehova a Dios ti Israel,+ a nangaramid iti langlangit ken iti daga,+ agsipud ta inikkanna ni David nga ari iti masirib nga anak, aduan kapadasan iti kinamasirib ken pannakaawat,+ a mangibangonto iti balay a maipaay ken Jehova ken iti balay a maipaay iti kinaarina.+ 13  Ket ita mangibaonak iti nasigo a lalaki, aduan kapadasan iti pannakaawat, naikameng ken Hiram-abi,+ 14  ti anak ti maysa a babai manipud annak ni Dan ngem ti amana maysa a lalaki ti Tiro, aduan kapadasan, tapno agtrabaho iti balitok ken iti pirak, iti gambang,+ iti landok, iti batbato+ ken iti kaykayo, iti delana a natinaan iti lumabaga a purpura,+ iti asul a sinulid+ ken iti napino+ nga abel ken iti carmesi+ ken iti panagtaga iti tunggal kita ti kitikit+ ken iti panagdisenio iti tunggal kita ti alikamen+ a maited kenkuana a maikuyog kadagiti bukodmo a nasigo a lallaki ken kadagiti nasigo a lallaki ni apok a David nga amam. 15  Ket ita ti trigo ken ti sebada, ti lana ken ti arak nga inkari ni apok, ipatulodna koma kadagiti adipenna.+ 16  No maipapan kadakami, agpukankaminto iti kaykayo+ manipud Libano sigun iti isuamin a kasapulam,+ ket iyegminto ida kenka kas balbalsa iti baybay+ agingga idiay Joppe,+ ket sika, iti biangmo, isang-atmonto ida agingga idiay Jerusalem.” 17  Kalpasanna binilang ni Solomon dagiti amin a lallaki a ganggannaet nga agnanaed, nga adda idi iti daga ti Israel,+ kalpasan ti panangsensus kadakuada ni David nga amana;+ ket nasarakan nga adda sangagasut limapulo ket tallo a ribu innem a gasut. 18  Gapuna ti pitopulo a ribu kadakuada pinagbalinna nga agbumbunag iti awit+ ket ti walopulo a ribu agtagtaga+ idiay bantay ket ti tallo ribu innem a gasut manangaywan iti panamagtalinaed kadagiti umili nga agserbi.+

Footnotes