Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Cronicas 19:1-11

19  Kalpasanna ni Jehosafat nga ari ti Juda nagsubli a sitatalna+ iti bukodna a balay idiay Jerusalem.  Ni Jehu+ nga anak ni Hanani+ a managsirmata+ napan ita iti sanguananna ket kinunana ken Ari Jehosafat: “Iti aya nadangkes ti pakaitedan ti tulong,+ ket kadagidiay aya manggurgura+ ken Jehova a rebbeng a maaddaanka iti ayat?+ Ket gapu itoy adda rurod+ maibusor kenka manipud persona ni Jehova.  Nupay kasta, adda naimbag+ a bambanag a nasarakan kenka, agsipud ta inikkatmo dagiti sagrado a teddek manipud iti daga+ ken insaganam ti pusom tapno birokem ti pudno a Dios.”+  Ket nagtultuloy ni Jehosafat a nagnaed idiay Jerusalem; ket rinugianna ti mapan manen iti tengnga dagiti umili manipud Beer-seba+ agingga iti nakabambantay a rehion ti Efraim,+ tapno mapasublina ida ken Jehova a Dios dagidi ammada.+  Ket nangisaad iti uk-ukom iti intero a daga kadagiti amin a nasarikedkedan a siudad ti Juda, iti siniudansiudad.+  Ket kinunana iti uk-ukom: “Kitaenyo no ania ti ar-aramidenyo,+ agsipud ta saan nga agpaay iti tao a mangukomkayo no di ket agpaay ken Jehova;+ ket isu adda kadakayo no maipapan iti panangukom.+  Ket ita maadda koma kadakayo+ ti panagalinggaget+ ken Jehova. Agannadkayo ket agtignaykayo,+ ta ken Jehova a Diostayo awan kinakillo+ wenno panangidumduma+ wenno panangala iti pasuksok.”+  Ket idiay Jerusalem met nangisaad ni Jehosafat iti sumagmamano kadagiti Levita+ ken iti papadi+ ken sumagmamano kadagiti pannakaulo ti balbalay dagiti amma+ ti Israel maipaay iti panangukom+ ni Jehova ken maipaay iti legal a kaskaso+ dagiti agnanaed iti Jerusalem.  Kanayonanna, nangipasdek kadakuada iti bilin, a kunkunana: “Kastoy ti rebbeng nga aramidenyo iti panagbuteng+ ken Jehova buyogen ti kinamatalek ken buyogen ti naan-anay a puso. 10  No maipapan iti tunggal legal a kaso a dumtengto kadakayo manipud iti kakabsatyo nga agnanaed kadagiti siudadda, a pakairamanan ti panangibukbok iti dara,+ a pakairamanan ti linteg+ ken bilin+ ken al-alagaden+ ken hudisial a pangpangngeddeng,+ masapul a pakdaaranyo ida tapno saanda a makaaramid iti dakes maibusor ken Jehova ket ti rurod+ saan a kasapulan a mapasamak maibusor kadakayo ken maibusor iti kakabsatyo. Kastoy ti rebbeng nga aramidenyo tapno saankayo a makaaramid iti basol. 11  Ket adtoy ni Amarias a panguluen a padi a mamangulo kadakayo maipaay iti tunggal banag ni Jehova;+ ken ni Zebadias nga anak ni Ismael a panguluen ti balay ni Juda maipaay iti tunggal banag ti ari; ket kas opisial mabalinyo nga usaren dagiti Levita. Bumilegkayo+ ken agtignaykayo, ket ni Jehova+ maadda koma iti aniaman a naimbag.”+

Footnotes