Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Cronicas 18:1-34

18  Ket naaddaan ni Jehosafat iti naruay a kinabaknang ken dayag;+ ngem nangbukel iti pannakiasawa nga aliansa+ ken Acab.+  Gapuna tawtawen kalpasanna simmalog a napan ken Acab idiay Samaria;+ ket nagisakripisio ni Acab iti naruay a karkarnero+ ken bakbaka maipaay kenkuana ken maipaay kadagiti umili a naikuyog kenkuana. Ket rinugianna a guyugoyen+ a sumang-at a maibusor iti Ramot-galaad.+  Ket ni Acab nga ari ti Israel kinunana ken Jehosafat nga ari ti Juda: “Kumuyogkanto kadi kaniak a mapan idiay Ramot-galaad?”+ Gapu itoy kinunana kenkuana: “Siak ket kasla met laeng kenka, ket ti ilik kasla iti ilim ken kumuyog kenka iti gubat.”+  Nupay kasta, kinuna ni Jehosafat iti ari ti Israel: “Pangngaasim, agimtuodka+ umuna iti amin maipaay iti sao ni Jehova.”  Gapuna ti ari ti Israel inummongna a sangsangkamaysa dagiti mammadto,+ uppat a gasut a lallaki, ket kinunana kadakuada: “Mapankaminto kadi a bumusor iti Ramot-galaad iti gubat, wenno idiakto kadi?”+ Ket rinugianda a kunaen: “Sumang-atka, ket ti pudno a Dios itednanto dayta iti ima ti ari.”  Ngem kinuna ni Jehosafat: “Awan kadi ditoyen ti maysa a mammadto ni Jehova?+ Agimtuodtayo koma ngarud babaen kenkuana.”+  Iti kasta ti ari ti Israel kinunana ken Jehosafat:+ “Adda pay maysa a lalaki+ a babaen kenkuana makapagimtuodtayo ken Jehova, ngem siak pudno unay a kagurak,+ ta agipadpadto maipapan kaniak, saan a pagimbagan, no di ket, iti amin nga al-aldawna, pagdaksan.+ Isu ni Mikaias nga anak ni Imla.”+ Nupay kasta, kinuna ni Jehosafat: “Saan koma a sawen ti ari ti banag a kas iti dayta.”+  Iti kasta nangayab ti ari ti Israel iti maysa nga opisial ti palasio+ ket kinunana: “Darasem nga iyeg ni Mikaias nga anak ni Imla.”+  Ita ti ari ti Israel ken ni Jehosafat nga ari ti Juda situtugawda idi tunggal maysa iti tronona, nakawesanda kadagiti pagan-anay,+ ken situtugawda iti pagirikan idiay pagserkan ti ruangan ti Samaria; ket amin dagiti mammadto agak-akemda idi kas mammadto iti sanguananda.+ 10  Idin ni Zedekias nga anak ni Kenaana inyaramidanna ti bagina iti sarsara+ a landok ket kinunana: “Daytoy ti kinuna ni Jehova,+ ‘Babaen kadagitoy iduronmonto dagiti Sirio agingga a matalipuposmo ida.’”+ 11  Ket amin dagiti dadduma a mammadto nagipadpadtoda iti kas met laeng iti dayta, a kunkunada: “Sumang-atka idiay Ramot-galaad ket agballigika,+ ket sigurado nga itedto dayta ni Jehova iti ima ti ari.”+ 12  Ket nagsao kenkuana ti mensahero a napan mangayab ken Mikaias, a kunkunana: “Adtoy! Ti sasao dagiti mammadto sangsangkamaysada a naimbag iti ari; ket ti saom, pangngaasim, agbalin koma a kas iti maysa kadakuada+ ket masapul a sawem ti naimbag.”+ 13  Ngem kinuna ni Mikaias: “Kas sibibiag ni Jehova,+ no ania ti sawento ti Diosko, dayta ti sawek.”+ 14  Idin simrek a napan iti ari, ket kinuna kenkuana ti ari: “Mikaias, mapankaminto kadi idiay Ramot-galaad iti gubat, wenno idiakto kadi?” Dagus a kinunana: “Sumang-atka ket agballigika; ket mayawatdanto ita imayo.”+ 15  Iti kasta kinuna kenkuana ti ari: “Mamin-ano a daras a pagsapataenka+ a rebbeng a saanmo a sawen kaniak ti aniaman no di ti kinapudno iti nagan ni Jehova?”+ 16  Gapuna kinunana: “Pudno unay a makitak dagiti amin nga Israelita a naiwarawara iti rabaw ti bambantay, kas karkarnero nga awanan iti pastor.+ Ket kinuna ni Jehova: ‘Awanan dagitoy iti appo.+ Agsublida koma a sitatalna tunggal maysa iti balayna.’”+ 17  Idin ti ari ti Israel kinunana ken Jehosafat: “Saan aya a kinunak kenka, ‘Agipadtonto maipapan kaniak, saan nga iti naimbag a bambanag, no di ket dakes’?”+ 18  Ket kinunana: “Gapuna denggenyo ti sao ni Jehova:+ Pudno unay a makitak ni Jehova a situtugaw iti tronona+ ken ti isuamin a buyot+ ti langlangit a sitatakder iti makannawanna ken iti makannigidna.+ 19  Ket kinuna ni Jehova, ‘Siasinonto ti mangsikap ken Acab nga ari ti Israel tapno sumang-at koma ket mapasag idiay Ramot-galaad?’ Ket adda idi panagsasarita, daytoy sasawenna ti maysa a banag a kas itoy, ket daydiay sasawenna ti maysa a banag a kas iti dayta.+ 20  Kamaudiananna rimmuar ti maysa nga espiritu+ ket nagtakder iti sanguanan ni Jehova ket kinunana, ‘Siak sikapakto.’ Iti kasta kinuna kenkuana ni Jehova, ‘Iti ania a pamay-an?’+ 21  Iti daytoy kinunana, ‘Mapanakto ket pudno unay nga agbalinak a makaallilaw nga espiritu iti ngiwat dagiti amin a mammadtona.’+ Gapuna kinunana, ‘Isu sikapamto, ken, kanayonanna, sikanto ti rummuar a nangabak.+ Rummuarka ket aramidem ti kasta.’+ 22  Ket ita adtoy nangikabil ni Jehova iti makaallilaw nga espiritu iti ngiwat dagitoy a mammadtom;+ ngem ni met laeng Jehova nangisao iti didigra maipapan kenka.”+ 23  Immasideg ita ni Zedekias+ nga anak ni Kenaana+ ket kinabilna ni Mikaias+ iti pingping+ ket kinunana: “Iti ania koma a dalan a limmasat manipud kaniak ti espiritu ni Jehova tapno makisao kenka?”+ 24  Iti kasta kinuna ni Mikaias: “Adtoy! Makitam no ania a dalan iti dayta nga aldaw+ inton sumrekka iti kaunggan a siled tapno aglemmengka.”+ 25  Idin kinuna ti ari ti Israel: “Alaenyo ni Mikaias ket isubliyo ken Amon a panguluen ti siudad ken ni Joas nga anak ti ari.+ 26  Ket masapul a kunaenyo, ‘Daytoy ti kinuna ti ari: “Ikabilyo daytoy a tao iti balay a pagikulongan+ ket taraonanyo iti napabassit a sustento a tinapay+ ken napabassit a sustento a danum agingga nga agsubliak a sitatalna.”’”+ 27  Kalpasan dayta kinuna ni Mikaias: “No ngarud agsublika a sitatalna, ni Jehova saan a nagsao babaen kaniak.”+ Ket innayonna: “Denggenyo, dakayo amin nga umili.”+ 28  Ket ti ari ti Israel ken ni Jehosafat nga ari ti Juda simmang-atda nga agturong idiay Ramot-galaad.+ 29  Ti ari ti Israel kinunana ita ken Jehosafat: “Addanto pananglimlimo+ ken iseserrek iti bakal maipaay kaniak, ngem sika, iti biangmo, ikawesmo dagiti pagan-anaymo.”+ Iti kasta nanglimlimo ti ari ti Israel, a kalpasan dayta simrekda iti bakal.+ 30  No maipapan iti ari ti Siria, binilinna dagiti panguluen ti karkaruahe a kukuana, a kunkunana: “Masapul a makirupakkayo, saan nga iti bassit wenno iti dakkel, no di ket iti ari ti Israel laeng.”+ 31  Ket naaramid nga, apaman a dagiti panguluen ti karkaruahe nakitada ni Jehosafat, isuda, iti biangda, kinunada iti bagbagida: “Dayta ti ari ti Israel.”+ Gapuna bimmaw-ingda a bumusor kenkuana a makirupak; ket nangrugi nga agpukkaw ni Jehosafat maipaay iti tulong,+ ket tinulongan ni Jehova a mismo,+ ket ti Dios dagus a ginuyugoyna ida a pumanaw kenkuana.+ 32  Ket naaramid nga apaman a nakita dagiti panguluen ti karkaruahe a saan idi nga isu ti ari ti Israel, dagus a nagsublida manipud panangsurot kenkuana.+ 33  Ket adda idi maysa a lalaki a nangballok iti bai a nangipaspasarak, ngem napuntaanna+ ti ari ti Israel iti nagbaetan dagiti kanayonan a kabal ken ti nagsasaip a kabal, iti kasta kinunana iti kumakaruahe:+ “Ibaw-ingmo ta imam, ket masapul nga iruarnak manipud iti pakarso, agsipud ta nakaro unay ti pannakasugatko.”+ 34  Ket nagtultuloy a kimmaro ti kinabara ti panagbabakal iti dayta nga aldaw, ket ti met laeng ari ti Israel kinasapulan a mapagtalinaed a sitatakder iti karuahe a sumangsango kadagiti Sirio agingga iti rabii; ket nagin-inut a natay iti tiempo ti ilelennek ti init.+

Footnotes