Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 14:1-15

14  Kamaudiananna nakikaidda ni Abias kadagidi ammana,+ ket intabonda idiay Siudad ni David;+ ket ni Asa+ nga anakna nangrugi nga agturay a mangsandi kenkuana. Idi kaaldawanna ti daga awanan pannakasinga+ iti sangapulo a tawen.  Ket inaramid ni Asa no ania ti naimbag ken umiso kadagiti mata ni Jehova a Diosna.  Gapuna inikkatna dagiti ganggannaet nga altar+ ken dagiti nangato a disso+ ket rinumekna dagiti sagrado a munmon+ ket pinukanna dagiti sagrado a teddek.+  Kanayonanna, kinunana iti Juda a birokenda+ ni Jehova a Dios dagidi ammada ken tungpalenda ti linteg+ ken ti bilin.+  Iti kasta inikkatna kadagiti amin a siudad ti Juda dagiti nangato a disso ken dagiti pagsaadan ti insienso;+ ket nagtultuloy ti pagarian nga awanan pannakasinga+ iti sanguananna.  Ket nangbangon kadagiti nasarikedkedan a siudad idiay Juda,+ ta ti daga awanan pannakasinga idi; ket awan ti gubat maibusor kenkuana bayat dagitoy a tawen, ta impaayan ni Jehova iti inana.+  Gapuna kinunana iti Juda: “Bangonentayo dagitoy a siudad ket agaramidtayo kadagiti pader+ iti aglikmut ken tortorre,+ nagkadua a rikrikep ken balbalunet.+ Magun-odtayo pay ti daga, agsipud ta biniroktayo ni Jehova a Diostayo.+ Biniroktayo, ket ipaayannatayo iti inana iti intero nga aglikmut.”+ Ket nagbangonda ken nagballigida.+  Ket naaddaan ni Asa iti puersa militar nga agaw-awit iti dakkel a kalasag+ ken gayang,+ tallo gasut a ribu manipud Juda.+ Ket manipud Benjamin dua gasut ket walopulo a ribu+ dagidiay agaw-awit iti sarapa ken mangbalballok iti bai.+ Amin dagitoy ket mamaingel, nabileg a lallaki.  Idi agangay rimmuar maibusor kadakuada ni Zera nga Etiope+ buyogen ti puersa militar a maysa a milion a lallaki+ ken tallo gasut a karuahe, ket dimteng agingga idiay Maresah.+ 10  Iti kasta rimmuar maibusor kenkuana ni Asa ket naguurnosda iti pannakibakal idiay ginget ti Zefata idiay Maresah. 11  Ket rinugian ni Asa ti umawag ken Jehova a Diosna+ ket kinunana: “O Jehova, no maipapan iti panangtulong, awan aniamanna kenka uray no adda ti adu wenno dagidiay awanan iti pannakabalin.+ Tulongannakami, O Jehova a Diosmi, ta agkammatalekkami kenka,+ ket iti naganmo+ immaykami a bumusor itoy a bunggoy. O Jehova, sika ti Diosmi.+ Dika bay-an a ti mortal a tao maaddaan iti bileg maibusor kenka.”+ 12  Iti kasta inabak ni Jehova+ dagiti Etiope iti sanguanan ni Asa ken iti sanguanan ti Juda, ket nagtalaw dagiti Etiope. 13  Ket kinamkamat ida ni Asa ken dagiti umili a naikuyog kenkuana agingga idiay Gerar,+ ket nagtultuloy a napasag dagiti kameng dagiti Etiope agingga nga awan asinoman a sibibiag kadakuada; ta narangrangkayda iti sanguanan ni Jehova+ ken iti sanguanan ti pakarsona.+ Kalpasanna innalada ti adu unay a ginam-ud.+ 14  Kanayonanna, kinabilda dagiti amin a siudad iti aglikmut ti Gerar, ta naadda kadakuada ti panagalinggaget+ ken Jehova; ket sinamsamda dagiti amin a siudad, ta adda idi ti adu unay a samsamen kadakuada.+ 15  Ket kinabilda uray dagiti tolda+ nga addaan kadagiti dinguen iti kasta nangkautiboda+ kadagiti arban iti dakkel a bilang ken kamkamelio,+ a kalpasan dayta nagsublida idiay Jerusalem.

Footnotes