Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 12:1-16

12  Ket naaramid nga, apaman a naipasdek a sititibker ti kinaari ni Rehoboam+ ken apaman nga isu bimmileg, binaybay-anna ti linteg ni Jehova,+ ken kasta met ti intero nga Israel+ a kaduana.  Ket naaramid iti maikalima a tawen ni Ari Rehoboam+ a simmang-at ni Sisac+ nga ari ti Egipto maibusor iti Jerusalem, (ta nagtignayda a di simamatalek ken Jehova,)+  buyogen ti sangapulo ket dua a gasut a karuahe+ ken buyogen ti innem a pulo a ribu a kumakabalio; ket awan idi ti bilang+ dagiti tattao nga immay a kaduana manipud Egipto—dagiti taga Libya,+ dagiti Suquiim ken dagiti Etiope.+  Ket nakautibona dagiti nasarikedkedan a siudad a kukua ti Juda+ ket kamaudiananna nakagteng agingga idiay Jerusalem.+  Ita no maipapan ken Semaias+ a mammadto, immay ken Rehoboam ken kadagiti prinsipe ti Juda a naguurnong idiay Jerusalem gapu ken Sisac, ket kinunana kadakuada: “Daytoy ti kinuna ni Jehova, ‘Dakayo, iti biangyo, binaybay-andak,+ ket siak, met, iti biangko, binaybay-ankayo+ iti ima ni Sisac.’”  Gapu iti dayta dagiti prinsipe ti Israel ken ti ari impakumbabada+ ti bagbagida ket kinunada: “Ni Jehova nalinteg.”+  Ket idi nakita ni Jehova+ nga impakumbabada ti bagbagida, ti sao ni Jehova dimteng ken Semaias,+ a kunkunana: “Impakumbabada ti bagbagida.+ Saankonto ida a dadaelen, ket iti apagbiiten a kanito pudno unay nga ipaayakto ida iti itatalaw, ket ti pungtotko saanto nga agbuyat iti Jerusalem babaen ti ima ni Sisac.+  Ngem agbalindanto nga ad-adipenna,+ tapno maammuanda ti nagdumaan ti panagserbik+ ken ti panagserbi dagiti pagarian ti dagdaga.”+  Gapuna ni Sisac+ nga ari ti Egipto simmang-at a maibusor iti Jerusalem ket innalana dagiti gameng ti balay ni Jehova+ ken dagiti gameng ti balay ti ari.+ Isuamin innalana; ket ngarud innalana dagiti balitok a kalasag nga inaramid ni Solomon.+ 10  Gapuna nangaramid ni Ari Rehoboam kadagiti gambang a kalasag a pangsandi kadakuada, ket intalekna ida iti panangaywan ti papanguluen dagiti tumataray,+ dagiti guardia+ iti pagserkan ti balay ti ari.+ 11  Ket mapasamak a tunggal dumteng ti ari iti balay ni Jehova, simrek dagiti tumataray ket inawitda ida ken insublida ida iti siled-ti-guardia dagiti tumataray.+ 12  Ket agsipud ta impakumbabana ti bagina, ti unget ni Jehova nagbaw-ing manipud kenkuana,+ ket saanna a pinanunot a dadaelen ida a naan-anay.+ Ket, malaksid iti dayta, adda idi naimbag a bambanag idiay Juda.+ 13  Ket intuloy ni Ari Rehoboam a papigsaen ti saadna idiay Jerusalem ket nagtultuloy a nagturay; ta uppat a pulo ket maysa ti tawen ni Rehoboam+ idi nangrugi nga agturay, ket nagturay iti sangapulo ket pito a tawen idiay Jerusalem, ti siudad+ a pinili ni Jehova manipud kadagiti amin a tribu ti Israel tapno ikabilna ti naganna sadiay.+ Ket ti nagan ti inana Naama+ nga Ammonita.+ 14  Ngem inaramidna no ania ti dakes,+ ta saanna a naipasdek a sititibker ti pusona a mangbirok ken Jehova.+ 15  No maipapan kadagiti pasamak ni Rehoboam, ti umuna ken ti maudi,+ saanda aya a naisurat kadagiti sao ni Semaias+ a mammadto ken ni Iddo+ a managsirmata babaen ti pannakaipasalista a mayannurot iti kapuonan? Ket adda idi gubgubat iti nagbaetan da Rehoboam+ ken Jeroboam+ iti isuamin a tiempo. 16  Kamaudiananna nakikaidda ni Rehoboam kadagidi ammana+ ket naitabon idiay Siudad ni David;+ ket ni Abias+ nga anakna nangrugi nga agturay a mangsandi kenkuana.

Footnotes