Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 10:1-19

10  Ket napan ni Rehoboam+ idiay Siquem,+ ta idiay Siquem nga immay dagiti amin nga Israelita tapno isu pagbalinenda nga ari.  Ket naaramid nga apaman a nangngeg dayta ni Jeroboam+ nga anak ni Nebat bayat nga adda pay laeng idiay Egipto,+ (agsipud ta nagtalaw maigapu ken Solomon nga ari,) dagus a nagsubli ni Jeroboam manipud Egipto.+  Gapuna nagbaonda ket pinaayabanda, ket immay ni Jeroboam ken ti intero nga Israel ket nagsaoda ken Rehoboam, a kunkunada:+  “Ni amam, iti biangna, pinagbalinna a nadagsen ti sangolmi;+ ket ita pagbalinem a nalaglag-an ti narigat a panagserbi iti amam ken ti nadagsen a sangol+ nga inkabilna kadakami, ket agserbikamto kenka.”+  Gapu itoy kinunana kadakuada: “Adda koma pay tallo nga aldaw. Kalpasanna agsublikayo kaniak.” Gapuna pimmanaw dagiti umili.  Ket rinugian ni Ari Rehoboam ti makinumo+ kadagiti lallakay a nagtultuloy a nagasikaso ken Solomon nga amana bayat a sibibiag pay, a kunkunana: “Kasano ti maibalakadyo nga isusungbat iti daytoy nga ili?”+  Iti kasta nagsaoda kenkuana, a kunkunada: “No paneknekam ti bagim a naimbag iti daytoy nga ili ket pudno a makaay-ayoka kadakuada ket pudpudno nga agsaoka kadakuada iti naimbag a sasao,+ sigurado met nga agbalindanto nga ad-adipenmo a kanayon.”+  Nupay kasta, binaybay-anna ti pammatigmaan+ nga imbalakad kenkuana dagiti lallakay, ket rinugianna ti makinumo kadagiti agtutubo a lallaki a dimmakkel a kaduana,+ isuda nga agas-asikaso kenkuana.+  Ket kinunana kadakuada: “Ania ti maipaayyo kas pammatigmaan+ tapno maisungbattayo iti daytoy nga ili a nagsao kaniak, a kunkunada, ‘Pagbalinem a nalaglag-an ti sangol nga inkabil kadakami ni amam’?”+ 10  Kalpasanna nakisao kenkuana dagiti agtutubo a lallaki a dimmakkel a kaduana, a kunkunada: “Daytoy ti rebbeng a sawem kadagiti umili a nagsao kenka, a kunkunada, ‘Ni amam, iti biangna, pinagbalinna a nadagsen ti sangolmi, ngem, no maipapan kenka, pagbalinem dayta a nalaglag-an kadakami’; daytoy ti rebbeng a sawem kadakuada,+ ‘Ti bukodko a kikit sigurado a napuspuskolto ngem kadagiti padingpading ni amak.+ 11  Ket ita ni amak, iti biangna, nangipaawit kadakayo iti nadagsen a sangol, ngem siak, iti biangko, nayonakto ti sangolyo.+ Ni amak, iti biangna, dinusanakayo babaen kadagiti baut, ngem siak, iti biangko, babaen kadagiti pannaplit.’”+ 12  Ket ni Jeroboam ken amin dagiti umili immayda ken Rehoboam iti maikatlo nga aldaw, kas iti sinao ti ari, a kunkunana: “Agsublikayo kaniak iti maikatlo nga aldaw.”+ 13  Ket ti ari inrugina a sigugubsang a sungbatan ida.+ Iti kasta binaybay-an ni Ari Rehoboam ti pammatigmaan+ dagiti lallakay,+ 14  ket nagsao kadakuada maitunos iti pammatigmaan dagiti agtutubo a lallaki,+ a kunkunana: “Pagbalinekto a nadagdagsen ti sangolyo, ket siak, iti biangko, nayonakto dayta. Ni amak, iti biangna, dinusanakayo babaen kadagiti baut, ngem siak, iti biangko, babaen kadagiti pannaplit.”+ 15  Ket ti ari saanna nga inimdengan dagiti umili; ta panagbaliw idi dayta ti paspasamak manipud iti pudno a Dios+ tapno maitungpal ni Jehova ti saona+ a sinaona ken Jeroboam nga anak ni Nebat+ babaen ken Ahias+ a Silonita.+ 16  No maipapan iti intero nga Israel, agsipud ta saan ida nga inimdengan ti ari, dagiti umili simmungbatda ita iti ari, a kunkunada: “Ania ti adda a binglaymi ken David?+ Ket awan ti tawid iti anak ni Jesse.+ Tunggal maysa agturongka iti didiosmo,+ O Israel! Ita aywanam ti kabukbukodam a balay, O David.”+ Idin rinugian ti intero nga Israel ti mapan kadagiti toldana. 17  No maipapan iti annak ti Israel nga agnanaed idi kadagiti siudad ti Juda, nagtultuloy nga agturay kadakuada ni Rehoboam.+ 18  Kalpasanna ni Ari Rehoboam imbaonna ni Hadoram,+ nga agay-aywan kadagidiay naipasalista a maipaay iti pinuersa a panagtrabaho, ngem inubor ti annak ti Israel iti batbato,+ iti kasta natay. Ket ni met laeng Ari Rehoboam nabaelanna ti lumugan iti karuahena tapno agkamang idiay Jerusalem.+ 19  Ket intultuloy dagiti Israelita ti iyaalsada+ iti balay ni David agingga itoy nga aldaw.

Footnotes