Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Cronicas 1:1-17

1  Ket ni Solomon nga anak ni David nagtultuloy a makagun-od iti pigsa iti kinaarina,+ ket ni Jehova a Diosna adda idi kenkuana+ ken intultuloyna a pinagbalin a naindaklan unay.+  Ket sinao ni Solomon ti sao iti intero nga Israel, kadagiti panguluen ti rinibu+ ken ti ginasut+ ken kadagiti ukom+ ken kadagiti amin a panguluen ti intero nga Israel,+ dagiti pannakaulo ti balbalay dagiti amma.+  Idin ni Solomon ken ti intero a kongregasion a naikuyog kenkuana napanda iti nangato a disso nga adda idiay Gabaon;+ ta sadiay idi ti ayan ti tolda ti gimong+ ti pudno a Dios, a ni Moises nga adipen+ ni Jehova inaramidna idiay let-ang.  Nupay kasta, ti lakasa+ ti pudno a Dios inyeg ni David manipud Kiriat-jearim+ agingga iti disso nga insagana ni David maipaay iti dayta,+ ta nangipatakder iti tolda a maipaay iti dayta idiay Jerusalem.+  Ket ti altar a gambang+ nga inaramid ni Bezalel+ nga anak ni Uri nga anak ni Hur+ naikabil iti sanguanan ti tabernakulo ni Jehova; ket ni Solomon ken ti kongregasion immumanda iti dayta kas iti gagangay.  Ni Solomon nagidaton ita sadiay iti sanguanan ni Jehova iti rabaw ti altar a gambang a kukua ti tolda ti gimong, ket nangidaton iti rabaw dayta iti sangaribu a daton a mapuoran.+  Bayat dayta a rabii nagparang ti Dios ken Solomon ket kalpasanna kinunana kenkuana: “Agkiddawka! Anianto ti itdek kenka?”+  Gapu iti dayta kinuna ni Solomon iti Dios: “Sika Daydiay nangwatwat iti dakkel a naayat a kinamanangngaasi maipaay ken David nga amak+ ken namagbalin kaniak nga ari a mangsandi kenkuana.+  Ita, O Jehova a Dios, mapaneknekan koma a matalek ti karim ken David nga amak,+ ta sika pinagbalinnak nga ari+ iti maysa nga ili a nakaad-adu kas kadagiti binukel ti tapok ti daga.+ 10  Itdem kaniak ita ti sirib ken pannakaammo+ tapno makaruarak iti sanguanan daytoy nga ili ken tapno makastrekak,+ ta siasino ti makabalin a mangukom iti daytoy dakkel nga ilim?”+ 11  Idin ti Dios kinunana ken Solomon: “Iti rason nga asideg idi daytoy iti pusom+ ket saanka a nagkiddaw iti gameng, kinabaknang ken dayaw wenno iti kararua dagidiay manggurgura kenka, uray pay iti adu nga aldaw saanka a nagkiddaw,+ no di ket agkidkiddawka iti sirib ken pannakaammo maipaay iti bagim tapno maukommo ti ilik a kadakuada pinagbalinka nga ari,+ 12  ti sirib ken ti pannakaammo maited kenka;+ kasta met ti gameng ken kinabaknang ken dayaw itdek kenka a dagita ket saan a naadda iti ar-ari nga immun-una ngem sika,+ ken dagita saanto a maadda iti asinoman a sumaruno kenka.”+ 13  Gapuna immay ni Solomon manipud nangato a disso nga adda idiay Gabaon,+ manipud sanguanan ti tolda ti gimong,+ agingga idiay Jerusalem ket nagtultuloy nga agturay iti Israel.+ 14  Ket nagtultuloy a nagurnong ni Solomon iti karkaruahe ken kabkabalio a pakigubat iti kasta naaddaan iti sangaribu uppat a gasut a karuahe ken sangapulo ket dua a ribu a kabalio a pakigubat,+ ket pinagtalinaedna ida a naisaad kadagiti siudad ti karuahe+ ken asideg iti ari idiay Jerusalem. 15  Ket ti ari pinagbalinna ti pirak ken ti balitok idiay Jerusalem a kasla kadagiti bato;+ ket ti sedro a kayo pinagbalinna a kasla kadagiti kayo a sikomoro+ nga adda idiay Sefela+ gapu iti dakkel a kaaduda. 16  Ket adda idi ti panagangkat manipud Egipto kadagiti kabalio a naadda ken Solomon,+ ket ti bunggoy dagiti komersiante ti ari alaenda a mismo ti pangen dagiti kabalio maipaay iti maysa a gatad.+ 17  Ket nakayugalianda nga insang-at ken inangkat manipud Egipto ti maysa a karuahe iti innem a gasut a kapisi a pirak ken ti maysa a kabalio iti sangagasut ket limapulo; ket kasta idi iti amin nga ar-ari dagiti Heteo ken iti ar-ari ti Siria.+ Babaen kadakuada nga inaramidda ti panagangkat.

Footnotes