Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Corinto 9:1-15

9  Ita no maipapan ti ministerio+ a maipaay kadagiti sasanto, panaglablabesen no isuratko pay kadakayo,  ta ammok ti kinamanagsaganayo iti panunot nga ipaspasindayagko kadagiti taga Macedonia maipapan kadakayo, a ti Acaya makatawen itan a nakasagana,+ ket ti regtayo ginutugotna ti kaaduan kadakuada.  Ngem ibaonko dagiti kakabsat, tapno ti panagpasindayagmi maipapan kadakayo saan nga agbalin nga ubbaw iti daytoy a banag, no di ket tapno pudno a nakasaganakayo koma,+ kas iti sasawek idi a pagbalinanyo.  Ta no saan, iti aniaman a pamay-an, no dagiti taga Macedonia umayda a makikuyog kaniak ket masarakandakayo a di nakasagana, dakami—saanmi a kunaen a dakayo—maibabainkaminto iti daytoy a pammasiguromi.  Gapuna pinanunotko a nasken a paregtaek dagiti kakabsat nga umayda a nasaksakbay kadakayo ken isagana a nasaksakbay ti nawadwad a sagutyo a naikari idin,+ tapno iti kasta nakasagana koma daytoy kas nawadwad a sagut ket saan a kas maysa a banag a kinikil.+  Ngem no maipapan iti daytoy, ti agmula a siiimut+ aganinto met a siiimut; ket ti agmula a siwawadwad+ aganinto met a siwawadwad.  Tunggal maysa aramidenna koma kas iti inkeddengna iti pusona, saan nga iti nadagsen a rikna+ wenno mapilpilit, ta ti Dios ayatenna ti naragsak a manangited.+  Mainayon pay, ti Dios kabaelanna a paaduen kadakayo ti isuamin a di kaikarian a kinamanangngaasina, tapno, bayat a kankanayon nga addaankayo iti naan-anay a pannakapnek iti amin a banag, aglaplapusanankayo koma maipaay iti tunggal naimbag nga aramid.+  (Kas adda a naisurat: “Nagibunong a sisasaknap, nangted kadagidiay napanglaw, ti kinalintegna agtultuloy iti agnanayon.”+ 10  Ita daydiay siwawadwad a mangipapaay ti bin-i iti managmula ken tinapay a maipaay iti pannangan+ ipaay ken paaduennanto ti bin-i nga imulayo ket parang-ayennanto dagiti bunga ti kinalintegyo.)+ 11  Iti amin a banag mapabpabaknangkayo a maipaay iti tunggal kita ti kinamanagparabur, a mangpataud baeten kadakami iti ebkas ti panagyaman iti Dios;+ 12  agsipud ta ti ministerio daytoy publiko a panagserbi ket saan laeng a tapno ipaay a siwawadwad dagiti kasapulan dagiti sasanto+ no di ket tapno bumaknang met iti adu nga ebkas ti panagyaman iti Dios. 13  Babaen ti pammaneknek nga ipaay daytoy a ministerio, idaydayawda ti Dios agsipud ta managpasakupkayo iti naimbag a damag maipapan iti Kristo,+ kas silalatak a panangideklarayo a kastakayo, ken agsipud ta naparaburkayo iti kontribusionyo kadakuada ken kadagiti amin;+ 14  ket buyogen ti araraw a maipaay kadakayo mailiwda kadakayo gapu iti mangringbaw a di kaikarian a kinamanangngaasi+ ti Dios kadakayo. 15  Pagyamanan iti Dios gapu iti di mailadawan a sagutna nga awanan bayad.+

Footnotes