Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Corinto 8:1-24

8  Ita ipakaammomi kadakayo, kakabsat, maipapan iti di kaikarian a kinamanangngaasi ti Dios a naited kadagiti kongregasion ti Macedonia,+  a kabayatan ti dakkel a subok iti sidong ti pannakaparigatda ti kinaruay ti rag-oda ken ti nakaro a kinakurapayda pinaglaplapusananna ti kinabaknang ti kinamanagparaburda.+  Ta maitunos iti pudno a kabaelanda,+ wen, paneknekak, daytoy idi ket nalablabes ngem iti pudno a kabaelanda,  bayat nga iti kabukbukodanda a nakem nagpakpakaasida kadakami buyogen ti kasta unay a panagdawdawat iti pribilehio a siaasi a panangted ken iti pannakiraman iti ministerio a naikeddeng kadagiti sasanto.+  Ket saan laeng a kas iti ninamnamami, no di ket umuna impaayda ti bagbagida iti Apo+ ken kadakami babaen ti pagayatan ti Dios.  Daytoy ti nangiturong kadakami a mangparegta ken Tito+ a, no kasano nga isu ti nangirugi iti dayta kadakayo, kasta met nga an-anayenna koma daytoy isu met laeng a naasi a panangted iti biangyo.  Nupay kasta, no kasano nga aglaplapusanankayo iti amin a banag,+ iti pammati ken sao ken pannakaammo+ ken isuamin a kinapasnek ken iti daytoy ayatmi kadakayo, aglaplapusanankayo met koma iti daytoy a naasi a panangted.  Saan nga iti wagas a panangbilin kadakayo,+ no di ket gapu iti kinapasnek ti sabsabali ken tapno suboken ti kinapudno ti ayatyo, isu nga agsasaoak.  Ta ammoyo ti di kaikarian a kinamanangngaasi ni Apotayo a Jesu-Kristo, a nupay isu nabaknang pimmanglaw maigapu kadakayo,+ tapno bumaknangkayo+ koma babaen ti kinakurapayna. 10  Ket iti daytoy mangidatagak iti kapanunotan:+ ta daytoy a banag agpaay a pagimbaganyo,+ yantangay makatawen ti napalabasen inrugiyo saan laeng a ti panagaramid no di ket kasta met ti panagkalikagum nga agaramid;+ 11  ita, ngarud, ileppasyo met ti panagaramid iti dayta, tapno iti kasta, no kasano nga adda idi ti kinamanagsagana iti panagkalikagum nga agaramid, kasta met nga adda koma panangileppas iti dayta manipud iti adda kadakayo. 12  Ta no ti kinamanagsagana umun-una nga adda, nangnangruna a maawat dayta sigun iti adda iti maysa a tao,+ saan a sigun iti awan iti maysa a tao. 13  Ta saanko a kayat a sawen iti dayta a nalag-an koma iti sabsabali,+ ngem narigat kadakayo; 14  no di ket babaen ti panamagpapada anayan koma ti pagsursurokanyo ita met laeng ti pagkurkuranganda, tapno ti pagsursurokanda anayanna met ti pagkurkuranganyo, tapno maaramid koma ti panamagpapada.+ 15  Kas iti adda a naisurat: “Ti tao nga aduan saan a naaddaan iti adu unay, ket ti tao a bassitan saan a naaddaan iti bassit unay.”+ 16  Ita pagyamanan iti Dios gapu iti panangikabilna iti puso ni Tito+ ti isu met laeng a kinapasnek a maipaay kadakayo, 17  agsipud ta pudno nga isu nagtignay iti pammaregta, ngem, gapu ta napasnek unay, mapan kadakayo iti kabukbukodanna a nakem. 18  Ngem ibaonmi a kumuyog kenkuana ti kabsat a ti pannakaidayawna mainaig iti naimbag a damag nagsaknap kadagiti amin a kongregasion. 19  Saan laeng a dayta, no di ket dinutokan+ met dagiti kongregasion nga agbalin a kaduami iti panagdaliasat mainaig iti daytoy naasi a sagut nga aywananmi maipaay iti dayag+ ti Apo ken kas pammaneknek iti sisasagana a panunotmi.+ 20  Gapuna likliklikanmi nga adda asinoman a tao a makasarak iti biddut+ kadakami mainaig iti daytoy naparabur a kontribusion+ nga aywananmi. 21  Ta “mangaramidkami iti napudno a sagana, saan laeng nga iti imatang ni Jehova, no di ket kasta met iti imatang dagiti tattao.”+ 22  Mainayon pay, ibaonmi a kumuyog kadakuada ti kabsatmi a masansan a napaneknekanmi a napasnek iti adu a bambanag, ngem ita ad-adda a napaspasnek pay gapu iti dakkel a panagtalekna kadakayo. 23  No, ngarud, adda aniaman a saludsod maipapan ken Tito, isu ket makiramraman kaniak ken katrabahuan+ a maipaay kadagiti pagimbaganyo; wenno no maipapan kadagiti kakabsattayo, isuda ket apostol dagiti kongregasion ken dayag ni Kristo. 24  Gapuna iparangarangyo kadakuada ti pammaneknek iti ayatyo+ ken iti impasindayagmi+ maipapan kadakayo, iti imatang dagiti kongregasion.

Footnotes