Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Corinto 7:1-16

7  Gapuna, yantangay adda kadatayo dagitoy a kari,+ dungdungnguen, dalusantayo+ koma ti bagbagitayo iti tunggal pakatulawan iti lasag ken iti espiritu,+ nga an-anayentayo ti kinasanto iti panagbuteng iti Dios.+  Ipaayandakami iti lugar.+ Awan ti rinanggasanmi, awan ti pinadakesmi, awan ti ginundawayanmi.+  Diak sawen daytoy tapno kondenarenkayo. Ta idi damo naikunakon nga addakayo iti puspusomi tapno matay ken tapno agbiag a maikanunong kadakami.+  Addaanak iti dakkel a wayawaya nga agsao kadakayo. Addaanak iti dakkel a panagpasindayag no maipapan kadakayo.+ Napnoak iti liwliwa,+ agliplippiasak iti rag-o iti isuamin a pannakaparigatmi.+  Iti kinapudnona, idi dimtengkami idiay Macedonia,+ saan a nagin-awaan ti lasagmi,+ no di ket nagtultuloykami a maparigatan+ iti tunggal pamay-an—adda idi dagiti panagaapa iti ruar, dagiti buteng iti uneg.  Nupay kasta ti Dios, a mangliwliwa+ kadagidiay naipababa, liniwliwanakami babaen ti kaadda ni Tito;  ngem saan laeng a babaen ti kaaddana, no di ket kasta met a babaen ti liwliwa a nakaliwliwaanna kadakayo, idi a nangyeg manen kadakami iti damag+ maipapan ti pannakail-iliwyo, ti panagleddaangyo, ti regtayo a maipaay kaniak; iti kasta nagrag-oak nga ad-adda pay.  Gapuna uray pay no pinaglidaykayo babaen ti suratko,+ saanko pagbabawyan dayta. Uray pay no nagbabawyak dayta idi damo, (makitak a dayta a surat pinaglidaynakayo, nupay apagbiit laeng,)  ita agrag-oak, saan a gapu ta napaglidaykayo laeng, no di ket agsipud ta napaglidaykayo nga agturong iti panagbabawi;+ ta napaglidaykayo iti nadiosan a pamay-an,+ tapno dikay koma agsagaba iti pannakadadael iti aniaman gapu kadakami. 10  Ta ti kinaliday iti nadiosan a pamay-an parnuayenna ti panagbabawi nga agturong iti pannakaisalakan a saan a pagbabawyan;+ ngem ti kinaliday ti lubong pataudenna ti ipapatay.+ 11  Ta, adtoy! daytoy met laeng a banag, ti pannakapaglidayyo iti nadiosan a pamay-an,+ anian a nagdakkel a kinapasnek ti pinataudna kadakayo, wen, panangpaneknek nga awan basolyo, wen, rurod, wen, buteng, wen, pannakail-iliw, wen, regta, wen, panangilinteg iti biddut!+ Iti tunggal pamay-an imparangarangyo a nadalus ti bagbagiyo itoy a banag. 12  Kinapudnona, uray no nagsuratak kadakayo, inaramidko dayta, saan nga agpaay iti daydiay nagaramid iti dakes,+ wenno agpaay iti daydiay naranggasan, no di ket tapno ti kinapasnekyo a maipaay kadakami maiparangarang iti nagtetengngaanyo iti imatang ti Dios. 13  Dayta ti makagapu a naliwliwakami. Nupay kasta, mainayon iti pannakaliwliwami nagrag-okami pay nga ad-adda a siwawadwad maigapu iti rag-o ni Tito, agsipud ta ti espirituna+ napasaranta babaen kadakayo amin. 14  Ta no nangaramidak iti aniaman a panagpasindayag kenkuana maipapan kadakayo, saanak a naibabain; no di ket kas iti panangisaomi iti amin a bambanag kadakayo iti kinapudno, kasta met a ti panagpasindayagmi+ iti sanguanan ni Tito napaneknekan a pudno. 15  Kasta met, dagiti kinalailona nawadwadwadda kadakayo, bayat a lagipenna ti kinatulnogyo+ amin, no kasano nga isu inawatyo a buyogen ti buteng ken panagpigerger. 16  Agrag-oak ta iti tunggal pamay-an addaanak ti kinatured gapu kadakayo.+

Footnotes