Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Corinto 6:1-18

6  Yantangay sangsangkamaysakami a makipagtartrabaho kenkuana,+ ipakaasimi met kadakayo a saanyo nga awaten ti di kaikarian a kinamanangngaasi ti Dios ket maikapiskayo iti panggepna.+  Ta kunana: “Iti makaay-ayo a tiempo dinengngegka, ket iti aldaw ti pannakaisalakan tinulonganka.”+ Adtoy! Itan ti kangrunaan a makaay-ayo a tiempo.+ Adtoy! Itan ti aldaw ti pannakaisalakan.+  Saankami a pulos mangmangted ti aniaman a pakaigapuan ti pannakaitibkol,+ tapno ti ministeriomi saan koma a masarakan nga addaan biddut;+  no di ket iti tunggal pamay-an irekomendami+ ti bagbagimi kas ministro ti Dios, babaen ti panagibtur iti kasta unay, babaen kadagiti rigat, babaen kadagiti panagkasapulan, babaen kadagiti pakarigatan,+  babaen kadagiti pannakababaot, babaen kadagiti pannakaibalud,+ babaen kadagiti riribuk, babaen kadagiti panagbannog, babaen kadagiti rabii nga awanan turog, babaen kadagiti tiempo a kaawan taraon,+  babaen ti kinadalus, babaen ti pannakaammo, babaen ti mabayag a panagitured,+ babaen ti kinamanangngaasi,+ babaen ti nasantuan nga espiritu, babaen ti ayat a saan nga aginsisingpet,+  babaen ti napudno a sasao, babaen ti pannakabalin ti Dios;+ babaen kadagiti igam+ ti kinalinteg iti makannawan nga ima ken iti makannigid,  babaen ti dayag ken pannakaibabain, babaen ti dakes a damag ken nasayaat a damag; kas dagiti manangallilaw+ ket kaskasdi a napudno,  kas di am-ammo ket kaskasdi a mabigbig,+ kas matmatay ket kaskasdi nga, adtoy! agbiagkami,+ kas nadisiplinaan+ ket kaskasdi a saan a nayawat iti ipapatay,+ 10  kas agladladingit ngem agnanayon nga agragrag-o, kas napanglaw ngem mangpabpabaknang kadagiti adu, kas awanan iti aniaman ket kaskasdi a mangtagtagikua iti amin a bambanag.+ 11  Dagiti ngiwatmi naluktan kadakayo, taga Corinto, ti pusomi+ napalawa. 12  Saankayo a nailetan kadakami,+ ngem nailetankayo kadagiti bukodyo a kinalailo.+ 13  Gapuna, kas panangsubad—agsaoak a kas agpaay iti annak+—dakayo, met, lumawakayo. 14  Dikay agbalin a di agkaasmang a naisangol kadagiti di manamati.+ Ta ania ti pagkaduaan ti kinalinteg ken kinakillo?+ Wenno ania ti pakiramanan ti lawag iti sipnget?+ 15  Kanayonanna, ania ti pagtunosan da Kristo ken Belial?+ Wenno ania ti pakiramanan+ ti matalek a tao iti di manamati? 16  Ket ania ti pakitunosan ti templo ti Dios kadagiti idolo?+ Ta datayo ket templo+ ti sibibiag a Dios; a kas iti kinuna ti Dios: “Agtaengakto iti tengngada+ ken magnaakto iti tengngada, ket siakto ti Diosda, ket isudanto ti ilik.”+ 17  “‘Gapuna rummuarkayo manipud iti tengngada, ket isinayo ti bagbagiyo,’ kuna ni Jehova, ‘ket isardengyo a sagiden ti di nadalus a banag’”;+ “‘ket awatenkayto.’”+ 18  “‘Ket agbalinakto nga ama kadakayo,+ ket dakayonto ti annak a lallaki ken babbai kaniak,’+ kuna ni Jehova a Mannakabalin-amin.”+

Footnotes