Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Corinto 2:1-17

2  Ta daytoy ti naikeddengko iti bagik, a saanak a sililiday nga umay manen kadakayo.+  Ta no paglidayenkayo,+ kinaagpaysuanna siasino ti mangragragsak kaniak malaksid daydiay napaglidayko?  Ket ngarud insuratko daytoy met laeng a banag, tapno, inton umayak, saanakto nga agliday+ gapu kadagidiay rebbeng a pagrag-oak;+ agsipud ta agtalekak+ kadakayo amin a ti rag-o nga adda kaniak isu dayta adda kadakayo amin.  Ta gapu iti kasta unay a rigat ken tuok ti puso nagsuratak kadakayo buyogen ti adu a lulua,+ saan a tapno mapaglidaykayo,+ no di ket tapno maammuanyo koma ti ayat nga adda kaniak a nangnangruna unay nga agpaay kadakayo.  Ita no ti asinoman namataud iti panagliday,+ saan a siak ti napaglidayna, no di ket dakayo amin—saanak a nakagubgubsang iti sasawek.  Daytoy a pammabalaw+ nga impaay ti kaaduan umdasen iti kasta a tao,  tapno iti kasta, iti kasupadina itan, siaasi a pakawanenyo+ ken liwliwaenyo, tapno ti kasta a tao uray kasano saan nga alimonen ti nalabes unay a panaglidayna.+  Gapuna bagbagaankayo a patalgedanyo ti ayatyo+ kenkuana.  Ta gapu met itoy a panggep agsuratak tapno maammuak ti pammaneknek maipapan kadakayo, no natulnogkayo met laeng iti amin a bambanag.+ 10  Ti aniaman a siaasi a pangpakawananyo iti asinoman, aramidek met.+ Iti kinapudnona, no maipapan kaniak, aniaman ti siaasi a pinakawanko, no siaasi a pinakawanko ti aniaman, maigapu dayta kadakayo iti imatang ni Kristo; 11  tapno saannatayo a magundawayan ni Satanas,+ ta saantayo nga ignorante kadagiti gakatna.+ 12  Ita idi dimtengak idiay Troas+ tapno iwaragawag ti naimbag a damag maipapan iti Kristo, ken maysa a ruangan ti naluktan kaniak iti Apo,+ 13  saanak a nagin-awaan iti espirituk gapu ta diak nasarakan ni Tito+ a kabsatko, ngem nagpakadaak kadakuada ket pimmanawak nga agturong idiay Macedonia.+ 14  Ngem pagyamanan iti Dios a kanayon a mangiturturong+ kadatayo iti martsa ti panagballigi a maikuyog+ iti Kristo ken mangipabigbig iti sayamusom ti pannakaammo kenkuana babaen kadatayo iti tunggal lugar!+ 15  Ta iti Dios nabanglotayo a sayamusom+ ni Kristo kadagidiay maisalsalakan ken kadagidiay madaddadael;+ 16  kadagidiay naud-udi a nadakamat maysa a sayamusom nga agtaud manipud ken patay nga agturong ken patay,+ kadagidiay immun-una a nadakamat maysa a sayamusom nga agtaud manipud iti biag nga agturong iti biag. Ket siasino ti makaanayen a kualipikado kadagitoy a banag?+ 17  Datayo; ta saantayo a managilako iti sao ti Dios+ a kas iti adu a tattao,+ no di ket gapu iti kinapasnek, wen, kas naibaon manipud iti Dios, iti imatang ti Dios, a maikuyog ken Kristo, agsasaotayo.+

Footnotes