Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Corinto 11:1-33

11  Kayatko nga anusandak koma iti sumagmamano a babassit a di kinanainkalintegan.+ Ngem, iti kinapudnona, an-anusandak!  Ta agimonak kadakayo buyogen ti nadiosan nga imon,+ ta siak a mismo inkarikayo nga iyasawa+ iti maysa nga asawa a lalaki+ tapno iparangkayo koma kas nadalus+ a birhen iti Kristo.+  Ngem maamakak a di la ket ta, kas iti panangallilaw ti serpiente ken Eva+ babaen ti kinasikapna, dagiti panunotyo mapagbalin a rinuker+ a mayadayo iti kinapasnek ken iti kinadalus a maiparbeng iti Kristo.+  Ta, kas met laeng itoy, no adda umay ket mangikasaba iti Jesus a naiduma iti daydiay inkasabami,+ wenno umawatkayo iti espiritu a naiduma iti inawatyo,+ wenno naimbag a damag+ a naiduma iti inawatyo, isu silalakayo nga anusan.+  Ta ibilangko nga uray iti maysa a banag saanak a napaneknekan a nababbaba+ ngem kadagiti nalabes ti laingna+ nga apostolyo.  Ngem uray pay no saanak a nasigo iti panagsasao,+ pudno unay a saanak a kasta no iti pannakaammo;+ no di ket iti tunggal pamay-an imparangarangmi dayta kadakayo iti amin a bambanag.+  Wenno nakabasolak aya iti panangipakumbabak iti bagik+ tapno maitan-okkayo koma, agsipud ta siraragsak nga indeklarak kadakayo nga awan bayadna+ ti naimbag a damag ti Dios?  Inagawak ti dadduma a kongregasion babaen ti panangawatko kadagiti abasto tapno makapagserbiak kadakayo;+  ket kaskasdi nga idi addaak a kaduayo ket nagkasapulanak, saanak a nagbalin a dadagsen iti uray maysa,+ ta dagiti kakabsat a naggapu idiay Macedonia+ siwawadwad nga impaayda ti pagkurangak. Wen, iti tunggal pamay-an pinagtalinaedko ti bagik a di makapadagsen kadakayo ket pagtalinaedekto ti bagik a kasta.+ 10  Maysa dayta a kinapudno+ ni Kristo iti kasasaadko a saanto a mapasardeng daytoy a panagpasindayagko+ kadagiti rehion ti Acaya. 11  Iti ania a rason? Agsipud ta saankayo nga ay-ayaten? Ammo ti Dios nga ay-ayatenkayo.+ 12  Ita ti ar-aramidek aramidekto pay,+ tapno magessatko ti pambar manipud kadagidiay agtartarigagay iti pambar tapno masarakan a makipadada kadakami iti saad a pagpasindayagda. 13  Ta ti kakasta a tattao ulbodda nga apostol, manangallilaw a trabahador,+ a pagbalbalinenda ti bagbagida a kasla apostol ni Kristo.+ 14  Ket di pakasdaawan, ta ni Satanas a mismo pagbalbalinenna ti bagina a kasla anghel ti lawag.+ 15  Saan ngarud a banag a naindaklan no dagiti ministrona+ pagbalbalinenda met ti bagbagida a kasla ministro ti kinalinteg. Ngem ti panungpalanda maitunosto iti ar-aramidda.+ 16  Kunaek manen, Awan koma ti tao a mangipagarup a saanak a nainkalintegan. Kaskasdi, no pagarupenyo a kasta, awatendak uray pay no kas saan a nainkalintegan, tapno makapagpasindayagak met bassit.+ 17  Ti sawek ket sawek, saan a maitunos iti inyulidan ti Apo, no di ket kas iti saan a kinanainkalintegan, iti daytoy nalabes a panagtalek a pakailasinan ti panagpasindayag.+ 18  Yantangay adu ti agpaspasindayag maitunos iti lasag,+ agpasindayagakto met. 19  Ta siraragsak nga anusanyo dagiti di nainkalintegan a tattao, yantangay nainkalintegankayo. 20  Iti kinapudnona, anusanyo ti siasinoman a mangadipen kadakayo,+ ti siasinoman a mangalun-on iti adda kadakayo, ti siasinoman a mangagaw iti adda kadakayo, ti siasinoman a mangitan-ok ti bagina kadakayo, ti siasinoman a mangkabil kadakayo iti rupa.+ 21  Kunaek daytoy a pakaibabainanmi, a kasla nakapuy ti saadmi. Ngem no ti sabali pay ket agtignay a situtured iti maysa a banag—agsasaoak a saan a nainkalintegan+—agtignayak met a situtured iti dayta. 22  Hebreoda kadi? Kastaak met.+ Israelitada kadi? Kastaak met. Bin-i kadi ida ni Abraham? Kastaak met.+ 23  Ministro kadi ida ni Kristo? Sumungbatak a kasla agmauyong a tao, ad-adda a naisangsangayanak:+ kadagiti panagbannog ad-adu unay,+ kadagiti pannakaibalud ad-adu unay,+ kadagiti pannakakabkabil nasurok unay, kadagiti dandani ipapatay masansan.+ 24  Kadagiti Judio naminlima nga immawatak iti uppat a pulo a pannakasaplit+ agkurang maysa, 25  namitlo a nakabilak kadagiti pang-or,+ naminsan a nauborak,+ namitlo a napadasak ti pannakarba iti barko,+ maysa a rabii ken maysa nga aldaw ti nabusbosko iti adalem; 26  kadagiti panagbaniaga masansan, kadagiti peggad iti karkarayan, kadagiti peggad kadagiti tulisan,+ kadagiti peggad iti bukodko a puli,+ kadagiti peggad iti nasnasion,+ kadagiti peggad iti siudad,+ kadagiti peggad idiay let-ang, kadagiti peggad iti baybay, kadagiti peggad iti tengnga dagiti sinankakabsat, 27  iti panagbannog ken panagrigat, kadagiti rabii nga awanan turog+ masansan, iti bisin ken waw,+ iti di pampannangan+ adu a daras, iti lam-ek ken kinalamolamo. 28  Malaksid kadagidiay banag a makinruar, adda ti dumardaruros kaniak iti inaldaw-aldaw, ti panangidandanag iti amin a kongregasion.+ 29  Siasino ti nakapuy,+ ket saanak a nakapuy? Siasino ti naitibkol, ket saanak nga agpungtot? 30  No masapul ti panagpasindayag, agpasindayagakto+ iti bambanag nga adda pakainaiganna iti kinakapuyko. 31  Ti Dios ken Ama ni Apo Jesus, Daydiay mismo a madaydayaw iti agnanayon, ammona a saanak nga agul-ulbod. 32  Idiay Damasco ti gobernador iti babaen ni Aretas nga ari bambantayanna idi ti siudad dagiti taga Damasco tapno kemmegennak,+ 33  ngem iti maysa a tawa iti pader naibabaak iti kuribot+ ket nalisiak dagiti imana.

Footnotes