Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Corinto 1:1-24

1  Ni Pablo, maysa nga apostol+ ni Kristo Jesus babaen ti pagayatan ti Dios, ken ni Timoteo+ a kabsattayo agpaay iti kongregasion ti Dios nga adda idiay Corinto, agraman iti amin a sasanto+ nga adda iti intero nga Acaya:+  Maaddaankay koma iti di kaikarian a kinamanangngaasi ken talna manipud iti Dios nga Amatayo ken iti Apo a ni Jesu-Kristo.+  Bendito koma ti Dios ken Ama+ ni Apotayo a Jesu-Kristo, ti Ama dagiti nadungngo nga asi+ ken ti Dios ti amin a liwliwa,+  a mangliwliwa kadakami iti amin a rigatmi,+ tapno mabalinanmi a liwliwaen+ dagidiay adda iti aniaman a kita ti rigat babaen ti liwliwa a pinangliwliwa kadakami ti Dios.+  Ta no kasano nga umadu kadakami dagiti panagsagaba gapu iti Kristo,+ kasta met nga umadu ti pannakaliwliwa a magun-odmi babaen iti Kristo.+  Ita uray no agsagabakami iti rigat, agpaay dayta a pakaliwliwaan ken pakaisalakananyo;+ wenno uray no maliwliwakami, agpaay a pakaliwliwaanyo nga agtignay tapno pagibturennakayo kadagiti isu met laeng a panagsagaba a sagsagabaenmi met.+  Ket iti kasta ti namnamami maipaay kadakayo di agpangpangadua, yantangay ammomi a, no kasano a makiramramankayo kadagiti panagsagaba, iti kasta met laeng a pamay-an makiramankayto met iti pannakaliwliwa.+  Ta saanmi a tarigagayan nga ignorantekayo, kakabsat, maipapan ti rigat a napasamak kadakami idiay distrito ti Asia,+ a nakaro ti pannakapadagsenmi iti labes ti pigsami, iti kasta napalalo ti saanmi a pannakasigurado uray pay kadagiti biagmi.+  Iti kinapudnona, nariknami iti unegmi nga inawatmi ti sentensia nga ipapatay. Daytoy ket tapno makapagtalekkami,+ saan nga iti bagbagimi, no di ket iti Dios a mangibangon kadagiti natay.+ 10  Manipud iti kasta a dakkel a banag a kas iti ipapatay inispalnakami ket ispalennakaminto;+ ket ti namnamami adda kenkuana nga ispalennakaminto pay met.+ 11  Makatulongkayo met babaen kadagiti ararawyo a maipaay kadakami,+ tapno dagiti panagyaman+ ipaay koma dagiti adu maigapu kadakami iti siaayat a naited kadakami gapu iti adu a napnuan-panagkararag a rupa.+ 12  Ta ti banag a pagpasindayagmi isu daytoy, a saksian ti konsiensiami,+ a buyogen ti kinasanto ken nadiosan a kinapasnek, saan a buyogen ti nainlasagan a sirib+ no di ket buyogen ti di kaikarian a kinamanangngaasi ti Dios, nagbibiagkami iti lubong, ngem ad-adda a nangnangruna a maipaay kadakayo. 13  Ta pudno a dikam mangisursurat kadakayo iti bambanag malaksid kadagidiay pagaammoyo unay wenno bigbigenyo met; ken isuda a namnamaek nga itultuloyyo a bigbigen agingga iti panungpalan,+ 14  no kasano nga adda met panangbigbigyo a dakami ket pakaigapuan ti panagpasindayagyo,+ no kasano a kastakayto met kadakami iti aldaw ni Apotayo a Jesus.+ 15  Gapuna, buyogen itoy a panagtalek, pangpanggepek idi ti umay kadakayo,+ tapno maaddaankay koma iti maikadua+ a gundaway iti panagrag-o, 16  ken kalpasan ti idadagasko kadakayo ti mapan idiay Macedonia,+ ken ti agsubli kadakayo manipud Macedonia+ ket ituloddak+ iti pangasidegen idiay Judea. 17  Ala ket, idi addaanak iti kasta a panggep, nangtagtagilag-anak+ kadi? Wenno ti bambanag a panggepek, panggepek aya ida a maitunos iti lasag,+ tapno kaniak adda koma ti “Wen, Wen” ken ti “Saan, Saan”?+ 18  Ngem ti Dios mapagkammatalkan a ti sasaomi a naiturong kadakayo saan a Wen ket kaskasdi a Saan. 19  Ta ti Anak ti Dios,+ ni Kristo Jesus, a naikaskasaba kadakayo babaen kadakami, kayatna a sawen, babaen kaniak ken ni Silvano ken ni Timoteo,+ saan a nagbalin a Wen ket kaskasdi a Saan, no di ket ti Wen nagbalin a Wen iti kasona.+ 20  Ta uray pay no kasano ti kaadu dagiti kari+ ti Dios, nagbalinda a Wen babaen kenkuana.+ Gapuna baeten met kenkuana a ti “Amen”+ maikuna iti Dios a maipaay a dayag babaen kadatayo. 21  Ngem daydiay mamatalged a dakayo ken dakami kukua ni Kristo ken daydiay nangpulot+ kadatayo isu ti Dios. 22  Inkabilna met ti markana+ kadatayo ket intedna kadatayo ti tanda+ ti banag a dumteng, a dayta ket, ti espiritu,+ iti puspusotayo. 23  Ita awagak ti Dios kas saksi+ maibusor iti bukodko a kararua a ti saanko pay nga iyaay dita Corinto ket panangigaga kadakayo.+ 24  Saan a gapu ta dakami dagiti appo+ iti pammatiyo, no di ket katrabahuandakami+ a maipaay iti rag-oyo, ta babaen ti pammatiyo+ sitatakderkayo.+

Footnotes