Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Ar-ari 7:1-20

7  Kinuna ita ni Eliseo: “Imdenganyo ti sao ni Jehova.+ Daytoy ti kinuna ni Jehova, ‘Inton bigat iti agarup kastoy a tiempo agpategto ti maysa a sea a sukat ti nasayaat nga arina iti maysa a siklo, ket ti dua a sea a sukat ti sebada agpateg iti maysa a siklo idiay pagserkan ti Samaria.’”+  Iti kasta ti ayudante a ti imana ti pagsamsammakedan ti ari+ simmungbat iti lalaki ti pudno a Dios ket kinunana: “No nagar-aramid ni Jehova kadagiti aribengbeng iti langlangit,+ mapasamak aya daytoy a banag?”+ Iti daytoy kinunana: “Adtoy makitam babaen iti bukodmo a matmata,+ ngem manipud iti dayta saankanto a mangan.”+  Ket adda idi uppat a lallaki, agkukutel, nga adda idiay pagserkan ti ruangan;+ ket rinugianda a kunaen ti maysa iti sabali: “Apay nga agtugtugawtayo ditoy agingga a mataytayo?  No kinunatayo, ‘Serrekentayo ti siudad,’ idinto ta ti nakaro a bisin adda iti siudad, mataytayo met sadiay.+ Ket no agtugawtayo ditoy, mataytayo met. Gapuna ita umaykayo ket serrekentayo ti pakarso dagiti Sirio. No taginayonendatayo a sibibiag, agbiagtayo; ngem no papatayendatayo, ngarud mataytayo.”+  Iti kasta timmakderda iti kinasipnget ti rabii tapno serrekenda ti pakarso dagiti Sirio; ket dimtengda agingga iti wayaway ti pakarso dagiti Sirio, ket, adtoy! awan asinoman nga adda sadiay.  Ket ni met laeng Jehova impangngegna+ iti pakarso dagiti Sirio ti daranudor dagiti karuahe a pakigubat, ti daranudor dagiti kabalio, ti daranudor ti maysa a dakkel a puersa militar,+ iti kasta kinunada iti maysa ken maysa: “Adtoy! Ti ari ti Israel tinangdananna maibusor kadatayo ti ar-ari dagiti Heteo+ ken ti ar-ari ti Egipto+ tapno umayda a bumusor kadatayo!”  Dagus a timmakderda ket nagtalawda iti kinasipnget ti rabii+ ket pinanawanda dagiti toldada ken dagiti kabalioda+ ken dagiti asnoda—ti pakarso kas iti kasasaadna idi—ket nagtultuloyda a nagtalaw maipaay iti kararuada.+  Idi a dimteng dagitoy nga agkukutel agingga iti wayaway ti pakarso, ngarud simrekda iti maysa a tolda ket nangrugida a mangan ken uminum ken mangawit manipud sadiay iti pirak ken balitok ken kawkawes ken pumanaw ken mangilemmeng kadagita. Kalpasan dayta nagsublida ket simrekda iti sabali pay a tolda ket nangawitda iti bambanag manipud sadiay ket pimmanawda ket inlemmengda dagita.+  Kamaudiananna rinugianda a kunaen ti maysa iti sabali: “Saan nga umiso ti ar-aramidentayo. Daytoy nga aldaw ket aldaw ti naimbag a damag!+ No bumdengtayo, ket pudno nga aguraytayo agingga iti aglawag ti bigat, kamakamennatayto met ti pannakabasol.+ Gapuna ita umaykayo ket sumrektayo ket agipadamagtayo iti balay ti ari.” 10  Gapuna immayda ket pinukkawanda dagiti agay-aywan iti ruangan+ ti siudad ket impadamagda kadakuada, a kunkunada: “Dimtengkami iti pakarso dagiti Sirio, ket, adtoy! awan ti asinoman sadiay wenno uray timek ti maysa a tao, no di laeng dagiti kabalio a nakagalut ken dagiti asno a nakagalut ken dagiti tolda kas iti kasasaadda idi.”+ 11  Dagus nga immawag dagiti agay-aywan iti ruangan ket impadamagda iti balay ti ari iti uneg. 12  Dagus a ti ari timmakder iti rabii ket kinunana kadagiti adipenna:+ “Bay-anyo nga ibagak kadakayo, pangngaasiyo, no ania ti inaramid kadatayo dagiti Sirio.+ Ammoda unay a mabisintayo;+ ket ngarud pimmanawda iti pakarso tapno aglemmengda iti tay-ak,+ a kunkunada, ‘Rummuardanto manipud iti siudad, ket tiliwentayto ida a sibibiag, ket iti siudad sumrektayto.’” 13  Idin simmungbat ti maysa kadagiti adipenna ket kinunana: “Bay-am a mangalada, pangngaasim, iti lima kadagiti nabati a kabalio a nagtalinaed iti siudad.+ Adtoy! Kaslada met laeng iti isuamin a bunggoy ti Israel a nagtalinaed iti dayta. Adtoy! Kaslada met laeng iti isuamin a bunggoy ti Israel a nadadael.+ Ket agbaontayo koma ket kitaentayo.” 14  Iti kasta nangalada iti dua a karuahe nga addaan kabkabalio ket ti ari imbaonna ida a sumurot iti pakarso dagiti Sirio, a kunkunana: “Mapankayo ket kitaenyo.” 15  Iti kasta napanda sinurot ida agingga iti Jordan; ket, adtoy! ti isuamin a dalan napno iti kawkawes ken ar-aruaten+ nga imbelleng dagiti Sirio bayat nga agdardarasda idi a pumanaw.+ Idin nagsubli dagiti mensahero ket impadamagda iti ari. 16  Ket rimmuar dagiti umili ket sinamsamda+ ti pakarso dagiti Sirio; ket ngarud ti maysa a sea a sukat ti nasayaat nga arina nagbalin nga agpateg iti maysa a siklo, ket ti dua a sea a sukat ti sebada agpateg iti maysa a siklo, maitunos iti sao+ ni Jehova. 17  Ket ti met laeng ari dinutokanna ti ayudante a ti imana ti pagsamsammakedanna+ nga agaywan iti pagserkan; ket isu napayatpayatan+ dagiti umili idiay pagserkan, iti kasta natay, kas iti sinao ti lalaki ti pudno a Dios,+ idi sinaona iti tiempo a ti ari simmalog a napan kenkuana. 18  Gapuna naaramid kas iti sinao ti lalaki ti pudno a Dios iti ari, a kunkunana: “Ti dua a sea a sukat ti sebada agpateg iti maysa a siklo ket ti maysa a sea a sukat ti nasayaat nga arina agpateg iti maysa a siklo mapasamakto dayta inton bigat iti kastoy a tiempo idiay pagserkan ti Samaria.”+ 19  Ngem ti ayudante simmungbat iti lalaki ti pudno a Dios ket kinunana: “Uray no nagar-aramid ni Jehova kadagiti aribengbeng iti langlangit, mapasamakto aya maitunos iti daytoy a sao?”+ Iti daytoy kinunana: “Adtoy makitam babaen iti bukodmo a matmata, ngem manipud iti dayta saankanto a mangan.”+ 20  Iti kasta napasamak kenkuana ti kas iti dayta,+ idi isu napayatpayatan+ dagiti umili idiay pagserkan, iti kasta natay.

Footnotes