Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 6:1-33

6  Ket ti annak+ dagiti mammadto rinugianda a kunaen ken Eliseo: “Adtoy, ita! Ti lugar+ a pagnanaedanmi iti sanguanam nailet unay+ maipaay kadakami.  Bay-annakami a mapan, pangngaasim, agingga iti Jordan ket mangalakami sadiay tunggal maysa iti awanan ket mangaramidkami sadiay maipaay iti bagbagimi+ iti lugar a pagnaedan.” Gapuna kinunana: “Mapankayo.”  Ket kinuna ti maysa: “Umayka, pangngaasim, ket kumuyogka kadagiti adipenmo.” Iti kasta kinunana: “Siak kumuyogakto.”  Iti kasta kimmuyog kadakuada, ket kamaudiananna dimtengda idiay Jordan ket rinugianda a pukanen dagiti kayo.+  Ket naaramid a ti maysa a tao tutuangenna idi ti awananna, ket ti met laeng ulo ti wasay+ natnag iti danum. Ket isu nangrugi nga umkis ken agkuna: “Ay, apok,+ ta dayta ket binulod!”+  Idin kinuna ti lalaki ti pudno a Dios: “Sadino ti nakatnaganna?” Gapuna impakitana kenkuana ti lugar. Dagus a nangputed iti maysa a pedaso a kayo ket impalladawna sadiay ket pinatapawna ti ulo ti wasay.+  Kinunana ita: “Alaem dayta maipaay kenka.” Dagus nga inyunnatna ti imana ket innalana dayta.  Ket ti ari ti Siria,+ iti biangna, nakiraman iti gubat maibusor iti Israel. Ngarud nakinumo kadagiti adipenna,+ a kunkunana: “Iti kasta ken kastoy a lugar makipagpakarsokayto kaniak.”+  Idin ti lalaki ti pudno a Dios+ nagbaon iti ari ti Israel, a kunkunana: “Aluadam ti bagim maibusor iti ilalabas iti daytoy a disso,+ agsipud ta sadiay ti sumalogan dagiti Sirio.”+ 10  Gapuna ti ari ti Israel nagbaon iti disso a sinao kenkuana ti lalaki ti pudno a Dios.+ Ket isu pinakdaaranna,+ ket immadayo sadiay, saan a namnaminsan wenno namnamindua. 11  Gapuna nakapungtot ti puso ti ari ti Siria gapu itoy a banag,+ iti kasta inayabanna dagiti adipenna ket kinunana kadakuada: “Saanyonto kadi nga ibaga kaniak no siasino manipud kadagidiay kakaduatayo ti agpaay iti ari ti Israel?”+ 12  Idin kinuna ti maysa kadagiti adipenna: “Awan, apok nga ari, no di ket ni Eliseo+ a mammadto nga adda idiay Israel isu ti agibagbaga+ iti ari ti Israel iti bambanag a sawem iti makin-uneg a siled a pagturogam.”+ 13  Gapuna kinunana: “Mapankayo ket kitaenyo no sadino ti ayanna, tapno makapagbaonak ket isu ipaalak.”+ Idi agangay naipadamag kenkuana, a naikuna: “Isu adda idiay Dotan.”+ 14  Dagus a nagbaon sadiay iti kabkabalio ken karkaruahe a pakigubat ken iti maysa a napigsa a puersa militar;+ ket immayda iti rabii ket inalikubkobda ti siudad. 15  Idi a ti ministro+ ti lalaki ti pudno a Dios bimmangon a nasapa tapno tumakder, ket rimmuar, ay ket, sadiay maysa a puersa militar ti mangliklikmut idi iti siudad babaen iti kabkabalio ken karkaruahe a pakigubat. Dagus a kinuna kenkuana ti katulonganna: “Ay, apok!+ Ania ti aramidentayo?” 16  Ngem kinunana: “Dika agbuteng,+ ta ad-adu ti kakaduatayo ngem dagidiay kakaduada.”+ 17  Ket ni Eliseo nangrugi nga agkararag+ ken agkuna: “O Jehova, luktam dagiti matana,+ pangngaasim, tapno makitana.” Dagus a linuktan ni Jehova dagiti mata ti katulongan, iti kasta nakitana; ket, adtoy! ti nakabambantay a rehion napno iti kabkabalio ken pakigubat a karkaruahe+ nga apuy iti intero nga aglikmut ni Eliseo.+ 18  Idi rinugianda ti sumalog a mapan kenkuana, ni Eliseo nagkararag ken Jehova ket kinunana: “Pangngaasim, bulsekem daytoy a nasion.”+ Gapuna binulsekna ida maitunos iti sao ni Eliseo. 19  Kinuna ita kadakuada ni Eliseo: “Saan a daytoy ti dalan, ket saan a daytoy ti siudad. Surotendak, ket bay-andak a mangiturong kadakayo iti lalaki a sapsapulenyo.” Nupay kasta, inturongna ida idiay Samaria.+ 20  Ket naaramid nga apaman a nakagtengda idiay Samaria, idin kinuna ni Eliseo: “O Jehova, luktam ti matmata dagitoy tapno makakitada.”+ Dagus a linuktan ni Jehova ti matmatada, ket nakakitada; ket adtoy addada iti tengnga ti Samaria. 21  Ti ari ti Israel kinunana ita ken Eliseo apaman a nakitana ida: “Papatayek kadi ida, papatayek kadi ida,+ amak?”+ 22  Ngem kinunana: “Dika papatayen ida. Dagidiay kadi kinautibom babaen ti kampilanmo ken babaen ti baim isuda ti papatayem?+ Mangidasarka iti tinapay ken danum iti sanguananda tapno mangan ken uminumda+ ket mapanda iti apoda.” 23  Iti kasta insaganaanna ida iti dakkel a padaya; ket nangrugida a mangan ken uminum, a kalpasan dayta pinapanawna ida ket napanda iti apoda. Ket dagiti tulisan a buyot+ dagiti Sirio saandan nga immay manen uray naminsan iti daga ti Israel. 24  Ket naaramid kalpasanna a ni Ben-hadad nga ari ti Siria inummongna a sangsangkamaysa ti intero a pakarsona ket simmang-at ken linakubna+ ti Samaria. 25  Idi agangay timmaud ti dakkel a bisin idiay Samaria,+ ket, adtoy! laklakubenda idi dayta agingga a ti ulo ti maysa nga asno+ nagbalin nga agpateg iti walopulo a kapisi a pirak, ket ti kakapat ti cab a sukat ti lugit ti kalapati+ agpateg idi iti lima a kapisi a pirak. 26  Ket naaramid bayat a lumaslasat ti ari ti Israel iti rabaw ti pader a ti maysa a babai nagpukkaw kenkuana, a kunkunana: “Mangisalakanka, O apok nga ari!”+ 27  Iti daytoy kinunana: “No saannaka nga isalakan ni Jehova, manipud iti ania a gubuayan nga isalakankanto?+ manipud kadi iti pagirikan wenno manipud iti pagpespesan iti ubas wenno lana?” 28  Ket kinuna kenkuana ti ari: “Ania ti mapaspasamak kenka?” Gapuna kinunana: “Kinuna kaniak daytoy mismo a babai, ‘Itedmo ti anakmo tapno kanenta koma ita nga aldaw, ket ti bukodko nga anak kanentanto inton bigat.’+ 29  Iti kasta inlambongmi+ ti anakko ket kinnanmi.+ Idin kinunak kenkuana iti sumaganad nga aldaw, ‘Itedmo ti anakmo tapno kanenta koma.’ Ngem inlemmengna ti anakna.” 30  Ket naaramid nga apaman a nangngeg ti ari ti sasao ti babai, dagus a rinay-abna+ dagiti kawesna; ket bayat a lumaslasat idi iti rabaw ti pader, nakita dagiti umili, ket, adtoy! ti tinakpil adda iti uneg iti rabaw ti lasagna. 31  Ket kinunana: “Kasta koma ti aramiden kaniak ti Dios, ket kasta koma ti inayonna iti dayta, no ti ulo ni Eliseo nga anak ni Safat agtultuloy a sitatakder kenkuana ita nga aldaw!”+ 32  Ket ni Eliseo situtugaw idi iti bukodna a balay, ket situtugaw a kaduana dagiti lallakay,+ idi isu nangibaon iti maysa a lalaki manipud sanguananna. Sakbay a makastrek a makapan kenkuana ti mensahero, isu kinunana kadagiti lallakay: “Nakitayo kadi no kasano a daytoy nga anak ti manangpapatay+ nagbaon tapno paikkatna ti ulok? Siguraduenyo: apaman a dumteng ti mensahero, iserrayo ti ridaw, ket masapul nga idupiryo babaen iti ridaw. Saan aya nga adda arimpadek+ dagiti saka ni apona iti likudanna?” 33  Bayat a makisasao pay laeng idi kadakuada, adtoy ti mensahero a sumalsalog a mapan kenkuana, ket kinuna ti ari: “Adtoy isu daytoy ti didigra manipud ken Jehova.+ Apay nga agurayak pay laeng ken Jehova?”+

Footnotes