Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 5:1-27

5  Ita ti maysa a Naaman,+ ti panguluen ti buyot ti ari ti Siria, nagbalin a maysa a naindaklan a lalaki iti imatang ni apona ken maipatpateg, agsipud ta babaen idi kenkuana nga inted ni Jehova ti pannakaisalakan iti Siria;+ ket ti met laeng lalaki maingel, nabileg a lalaki, nupay maysa nga agkukutel.  Ket dagiti Sirio, iti biangda, rimmuarda kas buybuyot dagiti tulisan,+ ket nakautiboda manipud iti daga ti Israel ti maysa a balasitang,+ ket isu naadda iti sanguanan ti asawa ni Naaman.  Idi agangay kinunana+ iti apona-a-babai: “No adda laeng koma ni apok iti sanguanan ti mammadto+ nga adda idiay Samaria! Iti kasta mapaimbagna koma iti kukutelna.”+  Iti kasta adda maysa nga immay ket impadamagna iti apona, a kunkunana: “Kastoy ken kasdiay a nagsao ti balasitang+ a naggapu iti daga ti Israel.”  Idin kinuna ti ari ti Siria: “Aggunayka! Umayka, ket mangipatulodak iti maysa a surat iti ari ti Israel.” Gapuna napan ken nangitugot iti imana+ iti sangapulo a talento a pirak ken innem a ribu a kapisi a balitok+ ken sangapulo a pagsukatan a kawkawes.+  Ket inyegna ti surat+ iti ari ti Israel, a kunkunana: “Ket ita iti isu met laeng a tiempo a dumteng kenka daytoy a surat, adtoy ibaonko kenka ni Naaman nga adipenko, tapno paimbagem koma iti kukutelna.”  Ket naaramid nga apaman a ti ari ti Israel nabasana ti surat, dagus a rinay-abna+ dagiti kawesna ket kinunana: “Maysaak aya a Dios,+ a mangpapatay ken mangtaginayon a sibibiag?+ Ta daytoy a tao agipatulod kaniak tapno paimbagek ti maysa a tao iti kukutelna; ta imutektekanyo laengen, pangngaasiyo, ket kitaenyo no kasano nga ikagkagumaanna ti makiriri kaniak.”+  Ket naaramid nga, apaman a nangngeg ni Eliseo a lalaki ti pudno a Dios a rinay-ab ti ari ti Israel dagiti kawesna,+ dagus a nagbaon iti ari, a kunkunana: “Apay a rinay-abmo dagiti kawesmo? Bay-am nga umay kaniak, pangngaasim, tapno maammuanna nga adda maysa a mammadto iti Israel.”+  Gapuna ni Naaman immay agraman dagiti kabaliona ken dagiti karuahena a pakigubat ket nagtakder iti pagserkan ti balay ni Eliseo. 10  Nupay kasta, ni Eliseo nangibaon kenkuana iti maysa a mensahero, a kunkunana: “Iti ipapanmo sadiay, masapul nga agdiguska+ iti mamimpito a daras+ idiay Jordan tapno ti lasagmo mapagsubli kenka;+ ket madalusanka.” 11  Gapu itoy nagrurod+ ni Naaman ket nangrugi a pumanaw ken kinunana: “Adtoy kinunak iti bagik,+ ‘Isu rummuarto agingga kaniak ket sigurado nga agtakderto ken umawag iti nagan ni Jehova a Diosna ket iwagiswagisna ti imana iti ngatuen ti disso ket pudno a paimbagenna ti agkukutel.’ 12  Saan aya a ti Abana ken ti Farpar, dagiti karayan ti Damasco,+ nasaysayaatda ngem iti amin a dandanum+ ti Israel? Saanko aya a mabalin ti agdigus kadagita ket pudno unay a madalusanak?”+ Iti kasta timmallikud ket pimmanaw a sipupungtot.+ 13  Immasideg ita dagiti adipenna ket nagsaoda kenkuana ket kinunada: “Amak,+ no koma dakkel a banag ti sinao kenka ti mismo a mammadto, saanmo kadi nga aramiden dayta? Anian nga ad-adda pay, ngarud, yantangay kinunana kenka, ‘Agdiguska ket madalusanka’?” 14  Iti kasta simmalog ket rinugianna ti agpalned idiay Jordan iti mamimpito a daras maitunos iti sao ti lalaki ti pudno a Dios;+ a kalpasan dayta ti lasagna nagsubli a kas iti lasag ti maysa a bassit nga ubing+ ket isu nagbalin a nadalus.+ 15  Kalpasanna nagsubli iti lalaki ti pudno a Dios,+ isu agraman ti intero a pakarsona, ket dimteng ken nagtakder iti sanguananna ket kinunana: “Adtoy, ita, pudno unay nga ammok nga awan ti Dios iti sadinoman a lugar iti daga no di laeng iti Israel.+ Ket ita awatem, pangngaasim, ti maysa a bendision a sagut+ manipud iti adipenmo.” 16  Nupay kasta, kinunana: “Kas sibibiag ni Jehova nga iti sanguananna agtakderak,+ saankonto nga awaten dayta.”+ Ket rinugianna a guyugoyen tapno awatenna dayta, ngem intultuloyna ti nagkedked. 17  Kamaudiananna kinuna ni Naaman: “No saan, pangngaasim, adda koma maited a daga+ iti adipenmo, ti maawit ti sangaparis a mulo; agsipud ta ti adipenmo saanton nga agidatag iti daton a mapuoran wenno sakripisio kadagiti aniaman a sabali a didios no di laeng ken Jehova.+ 18  Iti daytoy a banag pakawanen koma ni Jehova ti adipenmo: No sumrek ni apok iti balay ni Rimmon+ tapno agruknoy sadiay, ket agsammaked+ iti imak, ket kasapulan nga agruknoyak+ iti balay ni Rimmon, no agruknoyak iti balay ni Rimmon pakawanen koma ni Jehova, pangngaasim, ti adipenmo iti daytoy a banag.”+ 19  Gapu itoy kinunana kenkuana: “Mapanka a sitatalna.”+ Iti kasta pimmanaw kenkuana iti nawatiwat a daga. 20  Idin kinuna ni Gehazi+ a katulongan ni Eliseo a lalaki ti pudno a Dios:+ “Adtoy ni apok inliklikna daytoy Sirio a Naaman+ babaen ti saanna a panangawat manipud iti imana iti inyegna. Kas sibibiag ni Jehova,+ agtarayakto a sumurot kenkuana ket mangalaak kenkuana iti maysa a banag.”+ 21  Ket ni Gehazi kinamatna ni Naaman. Idi nakita ni Naaman nga adda agtartaray a sumursurot kenkuana, dagus a dimsaag iti karuahena tapno sumabet kenkuana ket kalpasanna kinunana: “Naimbag kadi ti amin?”+ 22  Iti daytoy kinunana: “Naimbag ti amin. Ni met laeng apok+ imbaonnak,+ a kunkunana, ‘Adtoy! Ita met laeng adda dimteng kaniak a dua nga agtutubo a lallaki manipud iti nakabambantay a rehion ti Efraim manipud iti annak dagiti mammadto.+ Ikkam ida, pangngaasim, iti maysa a talento a pirak ken dua a pagsukatan a kawes.’”+ 23  Iti kasta kinuna ni Naaman: “Sige, mangalaka iti dua a talento.” Ket isu ginuyguyugoyna+ ket kamaudiananna nangibungon iti dua a talento a pirak iti dua a supot, agraman dua a pagsukatan a kawes, ket intedna dagita iti dua kadagiti katulonganna, tapno awitenda koma dagita iti sanguananna. 24  Idi dimteng idiay Ofel, dagus nga innalana dagita manipud iti imada ket indulinna dagita iti balay+ ket pinapanawna dagiti lallaki. Gapuna pimmanawda. 25  Ket isu simrek ket kalpasanna nagtakder iti abay ni apona.+ Kinuna ita kenkuana ni Eliseo: “Sadino ti naggapuam, Gehazi?” Ngem kinunana: “Ti adipenmo saan a pulos napan iti sadinoman.”+ 26  Iti kasta kinunana kenkuana: “Saan aya a kimmuyog ti mismo a pusok bayat a nagbaw-ing ti lalaki tapno dumsaag manipud iti karuahena a sumabet kenka? Tiempo aya ti panangawat iti pirak wenno panangawat iti kawkawes wenno kaolibuan wenno kaubasan wenno karkarnero wenno bakbaka wenno ad-adipen a lallaki wenno ad-adipen a babbai?+ 27  Gapuna ti kukutel+ ni Naaman kumpetto kenka ken iti kaputotam agingga iti tiempo a di nakedngan.”+ Dagus nga isu rimmuar manipud sanguananna, agkukutelen a kapurpuraw ti niebe.+

Footnotes