Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 25:1-30

25  Ket naaramid iti maikasiam+ a tawen ti panagarina, iti maikasangapulo a bulan, iti maikasangapulo+ nga aldaw ti bulan, a dimteng ni Nabucodonosor+ nga ari ti Babilonia,+ wen, isu ken ti intero a puersa militarna, a bumusor iti Jerusalem ket nangrugida a nagpakarso maibusor iti dayta ken nangbangon maibusor iti dayta iti pader a panglakub iti intero nga aglikmut.+  Ket ti siudad naadda iti pannakalakub agingga iti maikasangapulo ket maysa a tawen ni Ari Zedekias.  Iti maikasiam+ nga aldaw ti maikapat a bulan nakaro ti bisin+ iti siudad, ket awan idi ti tinapay+ a maipaay kadagiti umili ti daga.  Ket ti siudad nagiwangan,+ ket dagiti amin a lallaki ti gubat nagtalawda iti rabii a dimmalanda iti ruangan iti baet ti dua a pader nga adda iti denna ti minuyongan ti ari,+ bayat nga adda dagiti Caldeo+ iti intero nga aglikmut a bumusor iti siudad; ket rinugian ti ari ti mapan+ iti turong ti Araba.+  Ket ti maysa a puersa militar dagiti Caldeo+ kinamatna ti ari, ket nakamakamda+ iti desierto a tantanap ti Jerico;+ ket naiwarawara manipud iti dasigna ti intero a bukodna a puersa militar.  Kalpasanna kinemmegda ti ari+ ket impanda iti ari ti Babilonia idiay Ribla,+ tapno mangipakaammoda iti hudisial a pangngeddeng kenkuana.  Ket ti annak ni Zedekias ginudasda iti imatangna,+ ket binulsekna dagiti mata ni Zedekias,+ a kalpasan dayta pinarautanna kadagiti gambang a grilios+ ket impanna idiay Babilonia.+  Ket iti maikalima a bulan iti maikapito nga aldaw ti bulan, kayatna a sawen, iti maikasangapulo ket siam+ a tawen ni Ari Nabucodonosor nga ari ti Babilonia, ni Nabuzaradan+ a panguluen ti para-guardia, ti adipen ti ari ti Babilonia, immay idiay Jerusalem.+  Ket pinuoranna ti balay ni Jehova+ ken ti balay ti ari+ ken amin a balbalay iti Jerusalem;+ ket ti balay ti tunggal naindaklan a tao pinuoranna iti apuy.+ 10  Ket dagiti pader ti Jerusalem, iti intero nga aglikmut, rinugpo ti intero a puersa militar dagiti Caldeo a naikuyog iti panguluen ti para-guardia.+ 11  Ket ti natedda kadagiti umili+ a nabati iti siudad ken dagiti manangpanaw a kimmappon iti ari ti Babilonia ken ti dadduma pay kadagiti bunggoy indestiero ni Nabuzaradan a panguluen ti para-guardia.+ 12  Ket ti sumagmamano kadagiti nanumo a tattao+ ti daga pinagtalinaed ti panguluen ti para-guardia kas agay-aywan iti kaubasan ken kas inkapilitan a trabahador.+ 13  Ket dagiti adigi+ a gambang nga adda iti balay ni Jehova, ken dagiti kareton+ ken ti baybay a gambang+ nga adda iti balay ni Jehova, rinumekrumek dagiti Caldeo ket dagiti gambangda inawitda nga impan idiay Babilonia.+ 14  Ket innalada dagiti lata ken dagiti suplad ken dagiti pagiddep ken dagiti kopa ken amin dagiti aruaten+ a gambang nga inusarda a pagserbi. 15  Ket ti panguluen ti para-guardia innalana dagiti pagikkan ti apuy ken dagiti malukong a naaramid iti pudpudno a balitok+ ken dagidiay a naaramid iti pudpudno a pirak.+ 16  No maipapan iti dua nga adigi, ti maysa a baybay ken dagiti kareton nga inaramid ni Solomon maipaay iti balay ni Jehova, awan idi ti pamay-an a panangibaga iti dagsen ti gambang dagitoy amin nga aruaten.+ 17  Sangapulo ket walo a kasiko+ ti kangato idi ti tunggal adigi, ket ti paratok+ iti rabawna naaramid iti gambang; ket ti kangato ti paratok tallo a kasiko; ket ti aramid nga iniket ken dagiti granada+ iti intero nga aglikmut ti rabaw ti paratok, amin dayta, gambang; ket ti maikadua nga adigi addaan iti kas met laeng kadagitoy iti rabaw ti aramid nga iniket. 18  Kanayonanna pay, ti panguluen ti para-guardia innalana ni Seraias+ a panguluen a padi ken ni Sofonias+ a maikadua a padi ken ti tallo nga agay-aywan iti ruangan;+ 19  ket manipud iti siudad nangala iti maysa nga opisial ti palasio nga addaan kinaturay kadagiti lallaki ti gubat, ken lima a lallaki manipud kadagidiay makaadani iti ari isuda a nasarakan iti siudad; ken ti sekretario ti panguluen ti buyot, daydiay mangur-urnong kadagiti umili ti daga, ken innem a pulo a lallaki kadagiti umili ti daga a nasarakan iti siudad;+ 20  ket kalpasanna innala ida+ ni Nabuzaradan+ a panguluen ti para-guardia ket inturongna ida agingga iti ari ti Babilonia idiay Ribla.+ 21  Ket kinabil ida+ ti ari ti Babilonia ket pinapatayna ida idiay Ribla iti daga ti Hamat.+ Iti kasta ti Juda napan iti pannakaidestiero manipud iti dagana.+ 22  No maipapan kadagiti umili+ a nabati iti daga ti Juda, isuda nga imbati ni Nabucodonosor nga ari ti Babilonia, dinutokanna ita a mamangulo kadakuada ni Gedalias+ nga anak ni Ahicam+ nga anak ni Safan.+ 23  Idi nga amin a papanguluen dagiti puersa militar,+ isuda ken dagiti lallakida, nangngegda a ti ari ti Babilonia dinutokanna ni Gedalias, dagus nga immayda ken Gedalias idiay Mizpa,+ awan sabali, ni Ismael nga anak ni Netanias ken ni Johanan nga anak ni Carea ken ni Seraias nga anak ni Tanhumet a Netofatita ken ni Jaazanias nga anak ti Maacatita, isuda ken dagiti lallakida. 24  Idin ni Gedalias nagsapata+ kadakuada ken kadagiti lallakida ket kinunana kadakuada: “Dikay agbuteng iti panagbalinyo nga ad-adipen kadagiti Caldeo. Agnaedkayo iti daga ket agserbikayo iti ari ti Babilonia, ket aglak-amkayto iti naimbag.”+ 25  Ket naaramid iti maikapito+ a bulan nga immay ni Ismael+ nga anak ni Netanias nga anak ni Elisama manipud iti naarian a kaputotan, ken kasta met ti sangapulo a lallaki a naikuyog kenkuana, ket kinabilda ni Gedalias,+ iti kasta natay, ken kasta met dagiti Judio ken dagiti Caldeo a kaduana idi idiay Mizpa.+ 26  Kalpasan dayta timmakder amin dagiti umili, manipud iti bassit agingga iti dakkel, ken ti papanguluen dagiti puersa militar ket immayda iti Egipto;+ ta nagbutengda gapu kadagiti Caldeo.+ 27  Ket naaramid iti maikatallopulo ket pito a tawen ti pannakaidestiero ni Jehoiaquin+ nga ari ti Juda, iti maikasangapulo ket dua a bulan, iti maikaduapulo ket pito nga aldaw ti bulan, a ni Evil-merodac+ nga ari ti Babilonia, iti tawen a panagbalinna nga ari, intal-ona ti ulo+ ni Jehoiaquin nga ari ti Juda manipud iti balay a pagikulongan; 28  ket rinugianna ti agsao kenkuana iti naimbag a bambanag, ket kalpasanna insaadna ti tronona a nangatngato ngem kadagiti trono ti ar-ari nga adda idi kenkuana idiay Babilonia.+ 29  Ket inuksobna dagiti kawesna iti pagbaludan;+ ket patinayon a nangan iti tinapay+ iti sanguananna iti amin nga al-aldaw ti panagbiagna. 30  No maipapan iti sustentona,+ maysa a sustento ti patinayon a naited kenkuana manipud iti ari, iti inaldaw kas maiparbeng, iti amin nga al-aldaw ti panagbiagna.

Footnotes