Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 22:1-20

22  Walo ti tawen ni Josias+ idi nangrugi nga agturay, ket iti tallopulo ket maysa a tawen nagturay idiay Jerusalem. Ket ti nagan ti inana Jedida nga anak ni Adaia manipud Bozcat.+  Ket inaramidna no ania ti umiso kadagiti mata ni Jehova+ ket nagna iti isuamin a dalan ni David nga amana,+ ket saan a simiasi nga agturong iti makannawan wenno iti makannigid.+  Ket naaramid iti maikasangapulo ket walo a tawen ni Ari Josias a ti ari imbaonna ni Safan+ nga anak ni Azalias nga anak ni Mesullam a sekretario a mapan iti balay ni Jehova, a kunkunana:  “Sumang-atka a mapan ken Hilkias+ a nangato a padi,+ ket an-anayenna koma ti kuarta+ a maiserserrek iti balay ni Jehova+ nga inurnong dagiti agay-aywan iti ruangan+ manipud kadagiti umili;  ket ikabilda koma dayta iti ima dagidiay mangar-aramid iti trabaho,+ dagidiay nadutokan, iti balay ni Jehova, tapno maitedda dayta kadagidiay mangar-aramid iti trabaho isuda nga adda iti balay ni Jehova tapno tarimaanenda dagiti rekka ti balay,+  kadagiti nasigo a trabahador ken kadagiti managibangon ken kadagiti kantero, ken tapno panggatang iti kaykayo ken tinikapan a batbato a pangtarimaan iti balay.+  Isuna laeng ta awan koma ti maaramid a pannakikuenta iti kuarta kadakuada nga iti imada ti nakaikabkabilan dayta,+ ta agtartrabahoda a buyogen ti kinamatalek.”+  Idi agangay ni Hilkias+ a nangato a padi kinunana ken Safan+ a sekretario:+ “Ti mismo a libro ti linteg+ nasarakak iti balay ni Jehova.” Gapuna inted ni Hilkias ti libro ken Safan, ket rinugianna a basaen dayta.  Idin ni Safan a sekretario simrek a napan iti ari ket simmungbat iti ari ket kinunana: “Imbukbok dagiti adipenmo ti kuarta a masarakan idi iti balay, ket ikabkabilda dayta iti ima dagiti managaramid iti trabaho, dagidiay nadutokan, iti balay ni Jehova.”+ 10  Ket ni Safan a sekretario imbagana iti ari, a kunkunana: “Adda maysa a libro+ nga inted kaniak ni Hilkias a padi.” Ket rinugian ni Safan a basaen dayta iti sanguanan ti ari. 11  Ket naaramid nga apaman a nangngeg ti ari ti sasao ti libro ti linteg, dagus a rinay-abna dagiti kawesna.+ 12  Idin ti ari binilinna ni Hilkias a padi ken ni Ahicam+ nga anak ni Safan ken ni Acbor nga anak ni Mikaias ken ni Safan a sekretario ken ni Asaias+ nga adipen ti ari, a kunkunana: 13  “Mapankayo, agimtuodkayo+ ken Jehova maigapu kaniak a mismo ken maigapu kadagiti umili ken maigapu iti isuamin a Juda maipapan iti sasao daytoy a libro a nasarakan; ta dakkel ti pungtot ni Jehova+ a simged maibusor kadatayo gapu iti kinapudno a saan nga immimdeng dagidi ammatayo+ iti sasao daytoy a libro babaen ti panagaramid maitunos iti isuamin a naisurat maipapan kadatayo.”+ 14  Iti kasta ni Hilkias a padi ken ni Ahicam ken ni Acbor ken ni Safan ken ni Asaias napanda ken Hulda a mammadto a babai+ nga asawa ni Sallum nga anak ni Ticva nga anak ni Harhas, ti agay-aywan kadagiti kawes,+ yantangay agnanaed idi idiay Jerusalem iti maikadua a purok; ket nagsaoda kenkuana.+ 15  Kalpasanna kinunana kadakuada: “Daytoy ti kinuna ni Jehova a Dios ti Israel,+ ‘Sawenyo iti lalaki a nangibaon kadakayo kaniak: 16  “Daytoy ti kinuna ni Jehova, ‘Adtoy mangipagtengak iti didigra+ iti daytoy a lugar ken kadagiti agnanaed kenkuana,+ ti met laeng amin a sasao+ ti libro a nabasa ti ari ti Juda;+ 17  gapu iti kinapudno a pinanawandak ket nangpatpataudda iti asuk a sakripisio kadagiti sabali a didios+ tapno pagrurodendak babaen iti isuamin nga aramid dagiti imada,+ ket ti pungtotko simged maibusor iti daytoy a lugar ket saanto a maiddep.’”’+ 18  Ket no maipapan iti ari ti Juda a mangibabaon kadakayo tapno agimtuod ken Jehova, daytoy ti rebbeng a sawenyo kenkuana, ‘Daytoy ti kinuna ni Jehova a Dios ti Israel: “No maipapan iti sasao a nangngegmo,+ 19  iti rason a ti pusom+ nalukneng iti kasta impakumbabam+ ta bagim gapu ken Jehova iti pannakangngegmo ti sinaok maibusor iti daytoy a lugar ken kadagiti agnanaed kenkuana tapno agbalin dayta a maysa a banag a pagmalangaan ken maysa a lunod,+ ket kalpasanna rinay-abmo+ dagiti kawesmo ket nangrugika a nagsangit iti sanguanak, siak, mismo a siak, nangngegko,” kuna ni Jehova.+ 20  “Dayta ti makagapu nga adtoy itiponka+ kadagidi ammam, ket sigurado a maitiponkanto a sitatalna iti bukodmo a pagitaneman,+ ket saanto a kumita dagita matam iti isuamin a didigra nga ipagtengko iti daytoy a lugar.”’” Ket ti sungbat inyegda iti ari.

Footnotes