Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Ar-ari 21:1-26

21  Sangapulo ket dua ti tawen ni Manases+ idi nangrugi nga agturay, ket iti limapulo ket lima a tawen nagturay idiay Jerusalem. Ket ti nagan ti inana Hefziba.  Ket inaramidna no ania ti dakes kadagiti mata ni Jehova,+ maitunos iti nakarimrimon a bambanag dagiti nasion+ a pinagtalaw ni Jehova iti sanguanan ti annak ti Israel.  Gapuna imbangonna manen dagiti nangato a disso a dinadael ni Ezekias nga amana,+ ket nangipasdek kadagiti altar a maipaay ken Baal ken nangaramid iti sagrado a teddek, kas iti inaramid ni Acab+ nga ari ti Israel; ket nangrugi nga agruknoy+ iti isuamin a buyot ti langlangit+ ken agserbi kadakuada.+  Ket nangbangon kadagiti altar iti balay ni Jehova,+ a maipapan iti dayta kinuna ni Jehova: “Idiay Jerusalem ikabilkonto ti naganko.”+  Ket nangbangon kadagiti altar maipaay iti isuamin a buyot ti langlangit+ iti dua a paraangan ti balay ni Jehova.+  Ket ti bukodna nga anak pinalasatna iti apuy,+ ket nagsalamangka+ ken nagsapul kadagiti partaan ken nangaramid kadagiti mannakiuman iti espiritu+ ken kadagiti propesional a managipadles+ iti paspasamak. Iti nakaro unay inaramidna no ania ti dakes kadagiti mata ni Jehova, tapno pagrurodenna.  Kanayonanna, ti kinitikitan a ladawan+ ti sagrado a teddek nga inaramidna inkabilna iti balay+ a maipapan iti dayta ni Jehova kinunana ken ni David ken ni Solomon nga anakna: “Iti daytoy a balay ken iti Jerusalem, a pinilik manipud kadagiti amin a tribu ti Israel, ikabilkonto ti naganko agingga iti tiempo a di nakedngan.+  Ket saankonto a pagallaallaen manen ti saka ti Israel manipud iti daga nga intedko kadagidi ammada,+ no la ket annadanda nga aramiden ti maitunos iti amin nga imbilinko kadakuada,+ ti met laeng maipapan iti isuamin a linteg nga imbilin kadakuada ni Moises nga adipenko.”  Ket saanda nga immimdeng,+ no di ket inal-allilaw ida ni Manases tapno aramidenda no ania ti dakes+ nga ad-adda pay ngem kadagiti nasion+ a tinalipupos ni Jehova manipud sanguanan ti annak ti Israel. 10  Ket intultuloy ni Jehova ti nagsao babaen kadagiti adipenna a mammadto,+ a kunkunana: 11  “Iti rason a ni Manases+ nga ari ti Juda inaramidna dagitoy nakarimrimon+ a banag, nagtignay nga ad-adda a sidadangkes ngem iti amin nga inaramid dagiti Amoreo+ nga immun-una kenkuana, ket pinagbasolna uray ti Juda+ babaen kadagiti makadurmen nga idolona. 12  Dayta ti makagapu a daytoy ti kinuna ni Jehova a Dios ti Israel, ‘Adtoy mangipagtengak iti didigra iti Jerusalem+ ken Juda, a no mangngeg dayta ti asinoman agseggarto ti dua a lapayagna.+ 13  Ket pudno unay nga iyunnatkonto iti rabaw ti Jerusalem ti pagrukod a parteng+ a nausar iti Samaria+ ken kasta met ti alikamen a pangnibel a nausar iti balay ni Acab;+ ket pudno a punasakto+ a dalusan ti Jerusalem a kas no punasan a dalusan ti maysa ti awan pagiggamanna a malukong, a punasanna a dalusan dayta ken ipaklebna.+ 14  Ket pudno a baybay-akto ti natda+ ti tawidko+ ket itedko ida iti ima dagiti kabusorda, ket agbalindanto laeng a samsam ken kinamkam kadagiti amin a kabusorda,+ 15  iti rason nga inaramidda no ania ti dakes kadagiti matak ken nagtultuloy a pinagruroddak manipud iti aldaw a rimmuar dagidi ammada manipud Egipto agingga itoy nga aldaw.’”+ 16  Ket adda met nakaad-adu unay nga awanan basol a dara nga imbukbok ni Manases,+ agingga a napunnona ti Jerusalem manipud pungto agingga iti pungto, malaksid iti basolna nga iti dayta a napagbasolna ti Juda babaen ti panangaramidna no ania ti dakes kadagiti mata ni Jehova.+ 17  No maipapan iti dadduma pay kadagiti pasamak ni Manases ken amin nga inaramidna ken iti basol a nagbasolanna, saanda aya a naisurat iti libro+ dagiti pasamak iti al-aldaw ti ar-ari ti Juda? 18  Kamaudiananna nakikaidda ni Manases kadagidi ammana+ ket naitabon idiay minuyongan ti balayna, iti minuyongan ni Uzza;+ ket ni Amon nga anakna nangrugi nga agturay a mangsandi kenkuana. 19  Duapulo ket dua ti tawen ni Amon+ idi nangrugi nga agturay, ket iti dua a tawen+ nagturay idiay Jerusalem. Ket ti nagan ti inana Mesullemet nga anak ni Haruz manipud Jotba. 20  Ket intuloyna nga aramiden no ania ti dakes kadagiti mata ni Jehova, kas iti inaramid ni Manases nga amana.+ 21  Ket nagtultuloy a nagna iti isuamin a dalan a nagnaan ni amana,+ ket intuloyna ti nagserbi kadagiti makadurmen nga idolo+ a nagserbian ni amana ket nagruknoy kadakuada. 22  Gapuna pinanawanna ni Jehova+ a Dios dagidi ammana, ket saan a nagna iti dalan ni Jehova.+ 23  Iti kamaudiananna nagkukumplot dagiti adipen ni Amon maibusor kenkuana ket pinapatayda+ ti ari iti bukodna a balay. 24  Ngem dagiti umili ti daga kinabilda dagiti amin a mannakikumplot+ maibusor ken Ari Amon. Kalpasanna dagiti umili ti daga pinagbalinda nga ari ni Josias+ nga anakna a mangsandi kenkuana. 25  No maipapan iti dadduma pay kadagiti pasamak ni Amon, ti inaramidna, saanda aya a naisurat iti libro+ dagiti pasamak iti al-aldaw ti ar-ari ti Juda? 26  Gapuna intabonda iti tanemna iti minuyongan ni Uzza;+ ket ni Josias+ nga anakna nangrugi nga agturay a mangsandi kenkuana.

Footnotes