Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Ar-ari 20:1-21

20  Kadagidi nga aldaw nagsakit ni Ezekias agingga a nganngani matayen.+ Iti kasta ni Isaias+ nga anak ni Amoz a mammadto simrek a napan kenkuana ket kinunana kenkuana: “Daytoy ti kinuna ni Jehova, ‘Mangtedka kadagiti bilin iti sangakabbalayam,+ ta sika pudno a mataykanto ket saankanto nga agbiag.’”+  Gapu iti dayta insangona ti rupana iti diding+ ket nangrugi nga agkararag ken Jehova,+ a kunkunana:  “Agdawatak kenka, O Jehova, lagipem,+ pangngaasim, no kasano a nagnaak+ iti sanguanam iti kinapudno+ ken buyogen ti naan-anay a puso,+ ket no ania ti naimbag kadagita matam inaramidko.”+ Ket ni Ezekias nangrugi nga agsangit iti napalalo.+  Ket naaramid a ni met laeng Isaias saan pay a nakaruar a mapan iti makintengnga a paraangan idi a dimteng kenkuana ti mismo a sao ni Jehova,+ a kunkunana:  “Agsublika, ket masapul a kunaem ken Ezekias a panguluen+ ti ilik, ‘Daytoy ti kinuna ni Jehova a Dios+ ni David nga amam: “Nangngegko+ ti kararagmo.+ Nakitak ti luluam.+ Adtoy paimbagenka.+ Iti maikatlo nga aldaw umulikanto iti balay ni Jehova.+  Ket pudno unay a manginayonakto iti sangapulo ket lima a tawen iti al-aldawmo, ket iti dakulap ti ari ti Asiria ispalenkanto ken daytoy a siudad, ket ikanawakto+ daytoy a siudad maipagapu kaniak a mismo ken maipagapu ken David nga adipenko.”’”+  Ket kinuna ni Isaias: “Mangalakayo iti sangkatipkel ti pinilpil+ a naipagango a higos.” Gapuna nangalada ket inkabilda dayta iti rabaw ti busali,+ a kalpasan dayta isu nagin-inut a nakaungar.+  Kabayatanna, ni Ezekias kinunana ken Isaias: “Ania ti pagilasinan+ a paimbagennakto ni Jehova ket pudno unay nga umuliakto iti maikatlo nga aldaw iti balay ni Jehova?”  Iti daytoy kinuna ni Isaias: “Daytoy ti pagilasinan+ a maipaay kenka manipud ken Jehova nga aramidento ni Jehova ti sao a sinaona: Ti aya anniniwan pudno nga agpasangonto iti sangapulo a tukad iti agdan wenno agsublinto aya iti sangapulo a tukad?” 10  Idin kinuna ni Ezekias: “Nalaka a banag nga umatiddog a mismo ti anniniwan iti sangapulo a tukad, ngem saan no iti panagsanud ti anniniwan iti sangapulo a tukad.”+ 11  Gapu iti dayta ni Isaias a mammadto nangrugi nga umawag ken Jehova; ket ti anniniwan a bimmaba nagin-inut a pinagsublina kadagiti tukad, awan sabali, kadagiti tukad ti agdan ni Acaz, sangapulo a tukad nga agsanud.+ 12  Iti dayta a tiempo nagipatulod ni Berodac-baladan+ nga anak ni Baladan nga ari ti Babilonia+ kadagiti surat+ ken maysa a sagut ken Ezekias; ta nangngegna a nagsakit ni Ezekias. 13  Ket immimdeng kadakuada ni Ezekias ket impakitana kadakuada ti intero a balay ti gamengna,+ ti pirak ken ti balitok+ ken ti lana ti balsamo+ ken ti nasayaat a lana ken ti pagidulinanna kadagiti armas ken isuamin a masarakan kadagiti gamengna. Awan idi ti banag a saan nga impakita kadakuada ni Ezekias iti bukodna a balay ken iti intero a pagturayanna.+ 14  Kalpasan dayta ni Isaias a mammadto simrek a napan ken Ari Ezekias ket kinunana kenkuana:+ “Ania ti kinuna dagitoy a lallaki ket manipud sadino nga immayda kenka?”+ Gapuna kinuna ni Ezekias: “Manipud iti adayo a daga immayda, manipud iti Babilonia.” 15  Ket kinunana: “Ania ti nakitada iti balaymo?” Iti daytoy kinuna ni Ezekias: “Isuamin nga adda iti balayko nakitada. Awan idi ti banag a saanko nga impakita kadakuada kadagiti gamengko.”+ 16  Ni Isaias kinunana ita ken Ezekias: “Denggem ti sao ni Jehova,+ 17  ‘“Adtoy! Um-umayen dagiti aldaw, ket ti isuamin nga adda iti bukodmo a balay+ ken indulin dagidi ammam agingga itoy nga aldaw pudno a maipanto idiay Babilonia.+ Awanto ti mabati,”+ kinuna ni Jehova. 18  “Ket maipanawto ti dadduma iti bukodmo nga annak nga agtaudto kenka isuda a pagbalinamto nga ama+ ket pudno nga agbalinda nga opisial ti paraangan+ iti palasio ti ari ti Babilonia.”’”+ 19  Iti kasta ni Ezekias kinunana ken Isaias: “Ti sao ni Jehova a sinaom ket naimbag.”+ Ket kinunana: “Saan aya a kasta, no ti met laeng talna ken kinapudno+ agtultuloyto iti mismo nga al-aldawko?”+ 20  No maipapan iti dadduma pay kadagiti pasamak ni Ezekias ken isuamin a kinamannakabalinna ken no kasano nga inaramidna ti ban-aw+ ken ti kalasugan+ ket kalpasanna inyegna ti danum iti siudad, saanda aya a naisurat iti libro+ dagiti pasamak iti al-aldaw ti ar-ari ti Juda? 21  Kamaudiananna nakikaidda ni Ezekias kadagidi ammana;+ ket ni Manases+ nga anakna nangrugi nga agturay a mangsandi kenkuana.

Footnotes