Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 19:1-37

19  Ket naaramid nga apaman a nangngeg ni Ari Ezekias,+ dagus a rinay-abna dagiti kawesna+ ket inabbungotanna ti bagina iti tinakpil+ ket simrek iti balay ni Jehova.+  Kanayonanna, imbaonna ni Eliakim,+ nga agay-aywan iti sangakabbalayan, ken ni Sebnah+ a sekretario ken dagiti lallakay ti papadi a siaabbungotda iti tinakpil a mapan ken Isaias+ a mammadto nga anak ni Amoz.+  Ket kinunada kenkuana: “Daytoy ti kinuna ni Ezekias, ‘Daytoy nga aldaw ket maysa nga aldaw ti riribuk+ ken ti pammabalaw+ ken ti manglais a kinakuspag;+ ta dimteng ti annak agingga iti wangawangan ti aanakan,+ ket awan ti pannakabalin nga agipasngay.+  Nalabit mangngegto ni Jehova a Diosmo+ dagiti amin a sao ni Rabsaque, nga imbaon ti ari ti Asiria nga apona a mangrurod+ iti sibibiag a Dios, ket pudno a panungsungbatennanto gapu iti sasao a nangngeg ni Jehova a Diosmo.+ Ket masapul a mangipangatoka iti kararag+ maigapu iti natda+ a masarakan.’”  Gapuna dagiti adipen ni Ari Ezekias napanda ken Isaias.+  Idin kinuna kadakuada ni Isaias: “Daytoy ti rebbeng a sawenyo iti apoyo, ‘Daytoy ti kinuna ni Jehova:+ “Dika agbuteng+ gapu iti sasao a nangngegmo a babaen kadagita nagsao a sibabassawang maipapan kaniak dagiti katulongan ti ari ti Asiria.+  Adtoy mangikabilak kenkuana iti maysa nga espiritu,+ ket makangngegto iti damag+ ket agsubli iti bukodna a daga; ket pudno unay a pasamakekto nga isu mapasag babaen ti kampilan iti bukodna a daga.”’”+  Kalpasan dayta nagsubli ni Rabsaque+ ket nasarakanna ti ari ti Asiria a makiruprupak iti Libna;+ ta nangngegna a pimmanaw manipud Laquis.+  Nangngegna a naikuna maipapan ken Tirhaca nga ari ti Etiopia: “Adtoy isu rimmuar tapno makirupak kenka.” Gapuna nangibaon manen kadagiti mensahero+ a mapan ken Ezekias, a kunkunana: 10  “Daytoy ti sawenyonto ken Ezekias nga ari ti Juda, ‘Saanmo a bay-an nga allilawennaka ti Diosmo a pagtaltalkam,+ a kunkunana: “Ti Jerusalem+ saanto a mayawat iti ima ti ari ti Asiria.”+ 11  Adtoy! Sika nangngegmo ti inaramid ti ar-ari ti Asiria kadagiti amin a daga babaen ti panangipaay kadakuada iti pannakadadael;+ ket sika maispalkanto aya?+ 12  Naispal kadi ida ti didios+ dagiti nasion a dinadael dagidi ammak, ti mismo a Gozan+ ken Haran+ ken Rezef ken ti annak ti Eden+ nga adda idiay Tel-assar?+ 13  Sadino ti ayanna—ti ari ti Hamat+ ken ti ari ti Arpad+ ken ti ari dagiti siudad ti Sefarvaim, Hena ken Ivva?’”+ 14  Kalpasanna innala ni Ezekias dagiti surat manipud iti ima dagiti mensahero ket binasana ida,+ a kalpasan dayta immuli ni Ezekias iti balay ni Jehova ket inukradna iti sanguanan ni Jehova.+ 15  Ket ni Ezekias nangrugi nga agkararag+ iti sanguanan ni Jehova ket kinunana: “O Jehova a Dios ti Israel,+ situtugaw iti rabaw dagiti kerubin,+ siksika laeng ti pudno a Dios dagiti amin a pagarian+ ti daga.+ Sika inaramidmo ti langlangit+ ken ti daga.+ 16  Iyallingagmo ta lapayagmo, O Jehova, ket denggem.+ Luktam dagita matam,+ O Jehova, ket kitaem, ken denggem ti sasao ni Senaquerib nga impatulodna a pangrurod+ iti sibibiag a Dios. 17  Maysa a kinapudno, O Jehova, ti ar-ari ti Asiria pinagwalangwalangda dagiti nasion ken ti dagada.+ 18  Ket inyawatda dagiti didiosda iti apuy, agsipud ta saan a didios dagita,+ no di ket gapuanan dagiti ima ti tao,+ kayo ken bato; iti kasta dinadaelda ida. 19  Ket ita, O Jehova a Diosmi,+ isalakannakami,+ pangngaasim, iti imana, tapno amin dagiti pagarian ti daga maammuanda a siksika laeng ti Dios, O Jehova.”+ 20  Ket ni Isaias nga anak ni Amoz nagbaon ken Ezekias, a kunkunana: “Daytoy ti kinuna ni Jehova a Dios ti Israel,+ ‘Nangngegko+ ti inkararagmo+ kaniak maipapan ken Senaquerib nga ari ti Asiria. 21  Daytoy ti sao a sinao ni Jehova maibusor kenkuana: “Ti birhen nga anak a babai ti Sion inumsinaka,+ inaramidnaka a mauy-uyaw.+ Iti likudam ti anak a babai ti Jerusalem+ inngilangilna ti ulona.+ 22  Siasino ti rinurodmo+ ken nagsawam a sibabassawang?+ Ket maibusor iti siasino nga impigsam ti timekmo+ Ket itangadmo aya dagiti matam iti ngato?+ Maibusor dayta iti Daydiay Santo ti Israel!+ 23  Babaen kadagiti mensaherom+ rinurodmo ni Jehova ket kunaem,+ ‘Iti kinaadu dagiti karuahek a pakigubat siak+ Pudno unay a sang-atekto ti kangatuan dagiti nakabambantay a rehion,+ Dagiti kaadaywan a paset ti Libano;+ Ket pukanekto dagiti nangato a sedrona,+ dagiti napili a kayona a parwa.+ Ket serrekekto ti kamaudianan a disso a pagdagusanna, ti bakir ti minuyonganna.+ 24  Pudno unay a siak agkaliakto ket uminumak iti karkarna a dandanum, Ket pagmagaekto babaen kadagiti dapan ti saksakak dagiti amin a kanal ti Nilo ti Egipto.’+ 25  Saanmo aya a nangngeg?+ Manipud kadagiti adayon a tiempo isu dayta ti aramidekto.+ Manipud iti naglabas nga al-aldaw binukelko pay dayta.+ Ita iserrekkonto dayta.+ Ket agserbikanto a mamaglangalang kadagiti nasarikedkedan a siudad a kas gabgabsuon dagiti rebba.+ 26  Ket nakapsutto ti ima dagiti agnanaed kadakuada;+ Agkullayawdanto laeng ken mabainandanto.+ Agbalindanto a kas mulmula iti tay-ak ken nalangto a naganus a ruot,+ Ruot dagiti atep,+ no adda pannakakset sakbay ti wayaway nga angin.+ 27  Ket ti panagtugawmo a siuulimek ken ti iruruarmo+ ken ti iseserrekmo pagaammok unay,+ Ken ti pananggargarim iti bagim a bumusor kaniak,+ 28  Agsipud ta dimmanon kadagiti lapayagko ti pananggargarim iti bagim a bumusor kaniak+ ken ti panagngerngermo.+ Ket pudno unay nga ikabilkonto ti kawitko iti agongmo ken ti pangngedngedko iti baet dagiti bibigmo,+ Ket pudno a pasublienkanto iti dalan nga immayam.”+ 29  “‘Ket daytoyto ti pagilasinan maipaay kenka:+ Addanto pannangan iti daytoy a tawen iti tumubo manipud kadagiti naregreg a binukel,+ ket iti maikadua a tawen bukel a tumubo a bukbukodna; ngem iti maikatlo a tawen agimulakayo iti bin-i,+ ket agapitkayo ken agmulakayo kadagiti kaubasan ket kanenyo ti bungada.+ 30  Ket dagidiay makalisi a kameng ti balay ti Juda, dagidiay a mabati,+ sigurado nga agramutdanto nga agpababa ken mangpataudda iti bunga nga agpangato.+ 31  Ta manipud iti Jerusalem rummuarto ti maysa a natda,+ ken dagidiay makatalaw manipud Bantay Sion.+ Aramidento daytoy ti mismo a regta+ ni Jehova ti buybuyot. 32  “‘Dayta ti makagapu a daytoy ti kinuna ni Jehova maipapan iti ari ti Asiria:+ “Saanto nga umay iti daytoy a siudad+ wenno uray mangibiat iti pana+ sadiay wenno uray sumango iti dayta babaen iti kalasag wenno uray mangibangon iti baluarte a panglakub+ maibusor iti dayta. 33  Iti dalan nga immayanna, agsublinto, ket iti daytoy a siudad saanto nga umay, kuna ni Jehova.+ 34  Ket pudno unay nga ikanawakto+ daytoy a siudad tapno isalakanko maipagapu kaniak a mismo+ ken maipagapu ken David nga adipenko.”’”+ 35  Ket naaramid iti dayta a rabii a ti anghel ni Jehova rimmuar ket nangkabil iti sangagasut walopulo ket lima a ribu iti pakarso+ dagiti Asirio.+ Idi bimmangon a nasapa dagiti umili iti bigat, ay ket, sadiay natayda a bangkay amin.+ 36  Gapuna pimmanaw ni Senaquerib+ nga ari ti Asiria ket napan ken nagsubli,+ ket nagnaed idiay Nineve.+ 37  Ket naaramid a bayat nga agrukruknoy idi iti balay ni Nisroc+ a diosna,+ da Adramelec ken Sarezer, annakna, kinabilda isuna babaen ti kampilan,+ ket isuda nagtalawda nga agturong iti daga ti Ararat.+ Ket ni Esar-haddon+ nga anakna nangrugi nga agturay a mangsandi kenkuana.

Footnotes