Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

2 Ar-ari 16:1-20

16  Iti maikasangapulo ket pito a tawen ni Peca nga anak ni Remalias, ni Acaz+ nga anak ni Jotam nga ari ti Juda nagbalin nga ari.  Duapulo ti tawen ni Acaz idi nangrugi nga agturay, ket iti sangapulo ket innem a tawen nagturay idiay Jerusalem; ket saanna nga inaramid no ania ti umiso kadagiti mata ni Jehova a Diosna kas ken David nga amana.+  Ket nagna iti dalan ti ar-ari ti Israel,+ ket uray ti bukodna nga anak pinalasatna iti apuy,+ maitunos iti nakarimrimon+ a bambanag dagiti nasion a pinagtalaw ni Jehova gapu iti annak ti Israel.  Ket nagisaksakripisio ken nangpatpataud iti asuk a sakripisio kadagiti nangato a disso+ ken iti rabaw dagiti turod+ ken iti sirok ti tunggal nabaludbod a kayo.+  Iti daydin a ni Rezin+ nga ari ti Siria ken ni Peca+ nga anak ni Remalias nga ari ti Israel simmang-atda a maibusor iti Jerusalem iti gubat ket nanglakubda a maibusor ken Acaz, ngem saanda a nabaelan ti makirupak.+  Iti dayta a tiempo insubli ni Rezin nga ari ti Siria ti Elat+ iti Edom, a kalpasan dayta pinagtalawna dagiti Judio manipud Elat; ket dagiti Edomita, iti biangda, simrekda iti Elat ket nagnanaedda sadiay agingga itoy nga aldaw.  Gapuna nangibaon ni Acaz kadagiti mensahero a mapan ken Tiglat-pileser+ nga ari ti Asiria, a kunkunana: “Siak ti adipenmo+ ken anakmo. Sumang-atka ket isalakannak+ iti dakulap ti ari ti Siria ken iti dakulap ti ari ti Israel, isuda a tumaktakder a bumusor kaniak.”  Iti kasta innala ni Acaz ti pirak ken ti balitok a masarakan idi iti balay ni Jehova ken kadagiti gameng ti balay ti ari+ ket pinatulodanna ti ari ti Asiria iti pasuksok.+  Gapu iti dayta immimdeng kenkuana ti ari ti Asiria ket ti ari ti Asiria simmang-at idiay Damasco+ ket kinautibona dayta+ ket inturongna dagiti umilina iti pannakaidestiero idiay Kir,+ ket pinapatayna ni Rezin.+ 10  Kalpasanna napan ni Ari Acaz+ a sumabet ken Tiglat-pileser+ nga ari ti Asiria idiay Damasco, ket nakitana ti altar+ nga adda idiay Damasco. Gapuna ni Ari Acaz impatulodna ken Uria a padi ti disenio ti altar ken ti pagtuladan dayta no maipapan iti isuamin a pannakaaramidna.+ 11  Ket ni Uria+ a padi binangonna ti altar.+ Maitunos iti amin nga impatulod ni Ari Acaz manipud Damasco isu idi ti wagas a panangaramid iti dayta ni Uria a padi, bayat nga ur-urayenna ti tiempo ti idadateng ni Ari Acaz manipud Damasco. 12  Idi a ti ari dimteng manipud Damasco, ti ari nakitana ti altar; ket rinugian ti ari ti umasideg iti altar+ ken agidaton iti rabaw dayta.+ 13  Ket intuloyna a pagasuken+ ti datonna a mapuoran+ ken ti datonna a bukbukel+ ken ibukbok ti datonna nga inumen+ ken iwarsi ti dara dagiti sakripisio a pakikaykaysa a kukuana iti rabaw ti altar. 14  Ket ti altar a gambang+ nga adda iti sanguanan ni Jehova inyasidegna ita manipud iti sango ti balay, manipud iti nagbaetan ti altarna ken ti balay ni Jehova,+ ket insaadna iti amianan a sikigan ti altarna. 15  Ket isu, ni met laeng Uria+ a padi, binilin ni Ari Acaz, a kunkunana: “Iti rabaw ti naindaklan nga altar pagasukem ti mapuoran a daton iti bigat,+ kasta met ti bukbukel a daton iti rabii+ ken ti mapuoran a daton ti ari+ ken ti datonna a bukbukel ken ti mapuoran a daton dagiti amin nga umili ti daga ken ti datonda a bukbukel ken dagiti datonda nga inumen; ket ti isuamin a dara ti daton a mapuoran ken isuamin a dara ti maysa a sakripisio rebbeng nga iwarsim iti rabaw dayta. No maipapan iti altar a gambang, agbalinto dayta a maysa a banag nga utobek.” 16  Ket inaramid ni Uria+ a padi ti maitunos iti amin nga imbilin ni Ari Acaz.+ 17  Kanayonanna pay, pinutedputed ni Ari Acaz+ ti diddiding+ dagiti kareton+ ket inikkatna kadagita dagiti palanggana;+ ket ti baybay+ imbabana manipud kadagiti toro a gambang+ nga adda iti sirok dayta ket kalpasanna inkabilna iti rabaw ti maysa a dappat a bato. 18  Ket ti nalinongan a patakder maipaay iti sabbath nga imbangonda iti balay ken ti makinruar a seserrekan ti ari inyalisna manipud iti balay ni Jehova gapu iti ari ti Asiria. 19  No maipapan iti dadduma pay kadagiti pasamak ni Acaz, ti inaramidna, saanda aya a naisurat iti libro+ dagiti pasamak iti al-aldaw ti ar-ari ti Juda? 20  Kamaudiananna nakikaidda ni Acaz kadagidi ammana ket naitabon a kadua dagidi ammana iti Siudad ni David;+ ket ni Ezekias+ nga anakna nangrugi nga agturay a mangsandi kenkuana.

Footnotes