Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 14:1-29

14  Iti maikadua a tawen ni Jehoas+ nga anak ni Jehoacaz nga ari ti Israel, ni Amazias+ nga anak ni Jehoas nga ari ti Juda nagbalin nga ari.  Duapulo ket lima ti tawenna idi nangrugi nga agturay, ket iti duapulo ket siam a tawen nagturay idiay Jerusalem. Ket ti nagan ti inana Jehoaddin+ ti Jerusalem.  Ket intuloyna nga aramiden no ania ti nalinteg kadagiti mata ni Jehova,+ isuna laeng ta saan a kas ken David nga amana.+ Maitunos iti amin nga inaramid ni Jehoas nga amana, inaramidna.+  Dagiti laeng nangato a disso ti saan a nagpukaw.+ Agisaksakripisio pay laeng idi dagiti umili ken mangpatpataud iti asuk a sakripisio kadagiti nangato a disso.+  Ket naaramid nga apaman a ti pagarian napatibker iti imana, rinugianna a kabilen+ dagiti adipenna a nangkabil iti ari nga amana.+  Ket ti annak dagiti manangkabil saanna a pinapatay, maitunos iti adda a naisurat iti libro ti linteg ni Moises nga inted ni Jehova kas bilin, a kunkunana:+ “Saan a rebbeng a mapapatay ti amma gapu iti annak, ket saan a rebbeng a mapapatay ti mismo nga annak gapu iti amma; no di ket gapu iti bukodna a basol rebbeng a mapapatay ti tunggal maysa.”+  Kinabilna dagiti Edomita+ idiay Ginget ti Asin,+ sangapulo a ribu a lallaki, ket naalana ti Sela iti gubat, ket ti naganna naawagan Jocteel agingga itoy nga aldaw.  Iti daydin a nangibaon ni Amazias kadagiti mensahero a mapan ken Jehoas nga anak ni Jehoacaz nga anak ni Jehu nga ari ti Israel, a kunkunana: “Umayka. Agkinnitata a rupanrupa.”+  Iti kasta ni Jehoas nga ari ti Israel nagbaon ken Amazias nga ari ti Juda, a kunkunana: “Ti met laeng nasiit a dakes a ruot nga adda idiay Libano nagbaon iti sedro+ nga adda idiay Libano, a kunkunana, ‘Itedmo ti anakmo a babai iti anakko kas asawa.’ Nupay kasta, limmabas ti maysa nga atap nga animal ti tay-ak nga adda idiay Libano ket impayatpayatna ti nasiit a dakes a ruot.+ 10  Di agbiddut a kinabilmo+ ti Edom, ket intan-oknaka ta pusom.+ Tagiragsakem ti dayawmo+ ket agnaedka iti bukodmo a balay. Apay, ngarud, a rebbeng a makiringgorka+ iti sidong dagiti di mainugot a kasasaad+ ket kasapulan a mapasagka, sika ken ti Juda a maikanunong kenka?” 11  Ket saan nga immimdeng ni Amazias.+ Gapuna simmang-at ni Jehoas nga ari ti Israel, ket nagkinnitada a rupanrupa,+ isu ken ni Amazias nga ari ti Juda, idiay Bet-semes,+ a kukua ti Juda. 12  Ket ti Juda naabak iti sanguanan ti Israel,+ iti kasta nagtalawda, tunggal maysa nga agturong iti toldana. 13  Ket ni Amazias nga ari ti Juda nga anak ni Jehoas nga anak ni Ocozias ti kinautibo ni Jehoas nga ari ti Israel idiay Bet-semes, a kalpasan dayta immayda idiay Jerusalem ket nangaramid iti giwang iti pader ti Jerusalem idiay Ruangan ti Efraim+ agingga idiay Makinsuli a Ruangan,+ uppat a gasut a kasiko. 14  Ket innalana ti isuamin a balitok ken pirak ken amin dagiti aruaten a masarakan idiay balay ni Jehova+ ken kadagiti gameng ti balay ti ari ken dagiti balud ket kalpasanna isu nagsubli idiay Samaria. 15  No maipapan iti dadduma pay kadagiti pasamak ni Jehoas, no ania ti inaramidna ken ti kinamannakabalinna ken no kasano a nakirupak ken Amazias nga ari ti Juda, saanda aya a naisurat iti libro+ dagiti pasamak iti al-aldaw ti ar-ari ti Israel? 16  Kamaudiananna nakikaidda ni Jehoas kadagidi ammana+ ket naitabon idiay Samaria+ a kadua ti ar-ari ti Israel, ket ni Jeroboam+ nga anakna nangrugi nga agturay a mangsandi kenkuana. 17  Ket ni Amazias+ nga anak ni Jehoas nga ari ti Juda nagtultuloy nga agbiag kalpasan ti ipapatay ni Jehoas+ nga anak ni Jehoacaz nga ari ti Israel iti sangapulo ket lima a tawen.+ 18  No maipapan iti dadduma pay kadagiti pasamak ni Amazias, saanda aya a naisurat iti libro+ dagiti pasamak iti al-aldaw ti ar-ari ti Juda?+ 19  Idi agangay nagtitimpuyogda a maibusor kenkuana iti maysa a kumplot+ idiay Jerusalem, ket isu nagkamang idiay Laquis;+ ngem nagbaonda iti mangsurot kenkuana idiay Laquis ket pinapatayda sadiay.+ 20  Gapuna inawitda kadagiti kabalio ket naitabon+ idiay Jerusalem a kadua dagidi ammana idiay Siudad ni David.+ 21  Kalpasanna dagiti amin nga umili ti Juda innalada ni Azarias,+ idi tiempo nga agtawen iti sangapulo ket innem,+ ket pinagbalinda nga ari a mangsandi ken amana nga Amazias.+ 22  Isu binangonna ti Elat+ ket insublina dayta iti Juda kalpasan a nakikaidda ti ari kadagidi ammana. 23  Iti maikasangapulo ket lima a tawen ni Amazias nga anak ni Jehoas nga ari ti Juda, ni Jeroboam+ nga anak ni Jehoas nga ari ti Israel nagbalin nga ari idiay Samaria iti uppat a pulo ket maysa a tawen. 24  Ket intuloyna nga aramiden no ania ti dakes kadagiti mata ni Jehova. Saan a simmina kadagiti amin a basol ni Jeroboam nga anak ni Nebat, a kadagita a napagbasolna ti Israel.+ 25  Isu ti nangisubli iti beddeng ti Israel manipud iti seserkan ti Hamat+ agingga iti baybay ti Araba,+ maitunos iti sao ni Jehova a Dios ti Israel a nagsao babaen ken adipenna a Jonas+ nga anak ni Amittai, ti mammadto a naggapu idiay Gat-hefer.+ 26  Ta nakita ni Jehova ti napait unay a pannakaparigat ti Israel.+ Awan idi ti uray asinoman nga awanan gawgaway wenno asinoman nga awanan patpateg, awan met ti katulongan maipaay iti Israel.+ 27  Ket inkari ni Jehova a saanna a punasen ti nagan ti Israel manipud iti baba ti langlangit.+ Iti kasta insalakanna+ ida babaen ti ima ni Jeroboam nga anak ni Jehoas. 28  No maipapan iti dadduma pay kadagiti pasamak ni Jeroboam ken amin nga inaramidna ken ti kinamannakabalinna, no kasano a nakirupak ken no kasano nga insublina ti Damasco+ ken ti Hamat+ iti Juda idiay Israel, saanda aya a naisurat iti libro dagiti pasamak iti al-aldaw ti ar-ari ti Israel? 29  Kamaudiananna nakikaidda ni Jeroboam kadagidi ammana, a kadua ti ar-ari ti Israel, ket ni Zacarias+ nga anakna nangrugi nga agturay a mangsandi kenkuana.

Footnotes