Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 13:1-25

13  Iti maikaduapulo ket tallo a tawen ni Jehoas+ nga anak ni Ocozias+ nga ari ti Juda, ni Jehoacaz+ nga anak ni Jehu+ nagbalin nga ari iti Israel idiay Samaria iti sangapulo ket pito a tawen.  Ket intuloyna nga aramiden no ania ti dakes kadagiti mata ni Jehova+ ket nagna a simmurot iti basol ni Jeroboam+ nga anak ni Nebat, nga iti dayta a napagbasolna ti Israel.+ Saan a simiasi iti dayta.  Ket bimmara ti unget ni Jehova+ iti Israel, iti kasta inyawatna ida iti ima ni Hazael+ nga ari ti Siria ken iti ima ni Ben-hadad+ nga anak ni Hazael iti amin nga al-aldawda.  Idi agangay pinalukneng+ ni Jehoacaz ti rupa ni Jehova, iti kasta isu inimdengan ni Jehova;+ ta nakitana ti panangirurumen iti Israel,+ agsipud ta inrurumen ida ti ari ti Siria.+  Gapuna impaayan ni Jehova ti Israel iti manangisalakan,+ iti kasta limmapsutda iti sidong ti ima ti Siria, ket nagtultuloy nga agnaed ti annak ti Israel kadagiti pagtaenganda kas iti sigud.+  (Isuna laeng ta saanda a simmina iti basol ti balay ni Jeroboam, nga iti dayta a napagbasolna ti Israel.+ Nagna iti dayta;+ ket uray ti mismo a sagrado a teddek+ nagtalinaed idiay Samaria.)  Ta saan a nangitedda ken Jehoacaz iti aniaman a buyot no di ti limapulo a kumakabalio ken sangapulo a karuahe ken sangapulo a ribu a lallaki a magmagna,+ agsipud ta dinadael ida ti ari ti Siria,+ tapno mapagbalinna ida a kas tapok iti panagirik.+  No maipapan iti dadduma pay kadagiti pasamak ni Jehoacaz ken amin nga inaramidna ken ti kinamannakabalinna, saanda aya a naisurat iti libro+ dagiti pasamak iti al-aldaw ti ar-ari ti Israel?  Kamaudiananna nakikaidda ni Jehoacaz kadagidi ammana, ket intabonda idiay Samaria;+ ket ni Jehoas+ nga anakna nangrugi nga agturay a mangsandi kenkuana. 10  Iti maikatallopulo ket pito a tawen ni Jehoas nga ari ti Juda, ni Jehoas+ nga anak ni Jehoacaz nagbalin nga ari iti Israel idiay Samaria iti sangapulo ket innem a tawen. 11  Ket intuloyna nga aramiden no ania ti dakes kadagiti mata ni Jehova.+ Saan a simmina kadagiti amin a basol ni Jeroboam nga anak ni Nebat, a kadagita a napagbasolna ti Israel.+ Nagna kadakuada. 12  No maipapan iti dadduma pay kadagiti pasamak ni Jehoas ken amin nga inaramidna ken ti kinamannakabalinna ken no kasano a nakirupak+ ken Amazias nga ari ti Juda, saanda aya a naisurat iti libro+ dagiti pasamak iti al-aldaw ti ar-ari ti Israel? 13  Kamaudiananna nakikaidda ni Jehoas kadagidi ammana, ket ni met laeng Jeroboam+ nagtugaw iti tronona. Kalpasanna naitabon ni Jehoas idiay Samaria a kadua ti ar-ari ti Israel.+ 14  No maipapan ken Eliseo,+ nagsakit iti sakit a pakatayanna idi.+ Gapuna ni Jehoas nga ari ti Israel simmalog a napan kenkuana ket rinugianna ti agsangit iti rabaw ti rupana ket kinunana: “Amak,+ amak, ti pakigubat a karuahe ti Israel ken dagiti kumakabaliona!”+ 15  Ket kinuna kenkuana ni Eliseo: “Mangalaka iti bai ken kadagiti pana.” Gapuna nangala a mismo iti bai ken kadagiti pana. 16  Ket kinunana iti ari ti Israel: “Ikabilmo ta imam iti bai.” Iti kasta inkabilna ti imana iti dayta, a kalpasan dayta impatay ni Eliseo dagiti imana iti rabaw dagiti ima+ ti ari. 17  Kalpasanna kinunana: “Luktam ti tawa nga agturong iti daya.” Gapuna linuktanna dayta. Kamaudiananna kinuna ni Eliseo: “Mangipanaka!” Gapuna nangipana. Kinunana ita: “Ti mangisalakan a pana ni Jehova, ti mismo a pana ti pannakaisalakan+ maibusor iti Siria! Ket sigurado a kabilemto ti Siria idiay Afek+ agingga a maikisap.” 18  Ket kinunana: “Alaem dagiti pana.” Iti kasta innalana ida. Idin kinunana iti ari ti Israel: “Kabilem ti daga.” Gapuna kinabilna iti tallo a daras ket nagsardeng.+ 19  Ket nagrurod kenkuana ti lalaki ti pudno a Dios;+ gapuna kinunana: “Kimmabil koma dayta iti lima wenno innem a daras! Iti dayta a kaso pudno unay a kabilem koma ti Siria agingga a maikisap, ngem ita tallo a daras a kabilemto ti Siria.”+ 20  Kalpasan dayta natay ni Eliseo ket intabonda.+ Ket adda idi tulisan a buybuyot+ dagiti Moabita+ nga immay a kanayon iti daga iti isusungad ti tawen. 21  Ket naaramid a bayat nga itabtabonda idi ti maysa a tao, ay ket, adtoy nakitada ti tulisan a buyot. Dagus nga impalladawda ti lalaki iti lugar a nakaitabonan ni Eliseo ket pimmanawda. Idi a ti tao nasagidna dagiti tulang ni Eliseo, dagus a nagbiag+ ket timmakder kadagiti sakana.+ 22  No maipapan ken Hazael+ nga ari ti Siria, inrurumenna+ ti Israel iti amin nga al-aldaw ni Jehoacaz. 23  Nupay kasta, impaayan ida ni Jehova iti parabur+ ket naasian+ kadakuada ket bimmaw-ing kadakuada maipagapu iti tulagna+ kada Abraham,+ Isaac+ ken Jacob;+ ket saanna a kinayat a dadaelen ida,+ ket saanna ida a pinagtalaw iti sanguananna agingga ita. 24  Kamaudiananna natay ni Hazael nga ari ti Siria, ket ni Ben-hadad nga anakna nangrugi nga agturay a mangsandi kenkuana. 25  Ket ni Jehoas nga anak ni Jehoacaz innalana manen iti ima ni Ben-hadad nga anak ni Hazael dagiti siudad nga innalana iti ima ni Jehoacaz nga amana iti gubat. Tallo a daras nga isu kinabil ni Jehoas, ket nabawina dagiti siudad ti Israel.+

Footnotes