Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 12:1-21

12  Iti maikapito a tawen ni Jehu,+ ni Jehoas+ nagbalin nga ari, ket iti uppat a pulo a tawen nagturay idiay Jerusalem. Ket ti nagan ti inana Zibia manipud Beer-seba.  Ket intuloy ni Jehoas nga inaramid no ania ti umiso kadagiti mata ni Jehova iti amin nga al-aldawna a panangidalan kenkuana ni Jehoiada a padi.+  Dagiti laeng nangato a disso ti saan a nagpukaw.+ Agisaksakripisio pay laeng idi dagiti umili ken mangpatpataud iti asuk a sakripisio kadagiti nangato a disso.  Ket kinuna ni Jehoas iti papadi:+ “Isuamin a kuarta nga agpaay kadagiti nasantuan a daton+ a maiyeg iti balay ni Jehova,+ ti kuarta a pakagatadan ti tunggal maysa,+ ti kuarta nga agpaay kadagiti kararua sigun iti pateg ti tunggal maysa,+ isuamin a kuarta nga aggubuay iti puso ti tunggal maysa nga iyegna iti balay ni Jehova,+  alaen koma ti papadi maipaay iti bagbagida, tunggal maysa manipud iti am-ammona;+ ket isuda, iti biangda, tarimaanenda koma dagiti rekka ti balay sadinoman a pakasarakan iti aniaman a rekka.”+  Ket naaramid nga iti maikaduapulo ket tallo a tawen ni Ari Jehoas, saan pay a natarimaan ti papadi dagiti rekka ti balay.+  Gapuna ni Ari Jehoas inayabanna ni Jehoiada+ a padi ken ti papadi ket kinunana kadakuada: “Apay a saanyo a tartarimaanen dagiti rekka ti balay? Ita, ngarud, saankayon a pulos mangala iti kuarta manipud kadagiti am-ammoyo, no di ket masapul nga itedyo maipaay kadagiti rekka ti balay.”+  Iti kasta immannugot ti papadi a saandan a pulos mangala iti kuarta manipud kadagiti umili ken saandan a tarimaanen dagiti rekka ti balay.  Ni Jehoiada a padi nangala ita iti maysa a baul+ ket nangbutbot iti abut iti kalubna ket inkabilna dayta iti abay ti altar iti makannawan no ti maysa a tao sumrek iti balay ni Jehova, ket sadiay ti papadi, dagiti agay-aywan iti ruangan,+ ikabilda ti isuamin a kuarta+ a maiserserrek idi iti balay ni Jehova. 10  Ket naaramid nga apaman a makitada idi nga adda adu a kuarta iti baul, umasideg ti sekretario+ ti ari ken ti nangato a padi, ket bungonenda dayta ket bilangenda ti kuarta a nasarakan iti balay ni Jehova.+ 11  Ket ti kuarta a nabilang inyawatda iti im-ima dagiti managaramid+ iti trabaho a nadutokan iti balay ni Jehova. Kalpasanna imbayadda kadagiti trabahador iti kayo ken kadagiti managibangon nga agtartrabaho idi iti balay ni Jehova, 12  ken kadagiti kantero ken kadagiti agtiktikap iti bato,+ ken tapno panggatang iti kaykayo ken tinikapan a batbato a pangtarimaan kadagiti rekka ti balay ni Jehova ken maipaay iti isuamin a nabusbos iti balay a pangtarimaan iti dayta. 13  Isuna laeng ta no maipapan iti balay ni Jehova awan naaramid a palpalanggana a pirak, pagiddep,+ malmalukong,+ trumtrumpeta,+ aniaman a kita ti balitok nga aruaten ken aruaten a pirak manipud iti kuarta a naiyeg iti balay ni Jehova;+ 14  ta itedda dayta kadagiti managaramid iti trabaho, ken babaen iti dayta tinarimaanda ti balay ni Jehova.+ 15  Ket saanda a mangalikagum iti pannakikuenta+ kadagiti lallaki nga iti imada ti pangtedanda ti kuarta tapno itedda kadagiti managaramid iti trabaho,+ agsipud ta nagtrabahoda a buyogen ti kinamatalek.+ 16  No maipapan iti kuarta a maipaay kadagiti daton gapu iti babak+ ken ti kuarta a maipaay kadagiti daton gapu iti basol, saan a naiyeg dayta iti balay ni Jehova. Gapuna nagpaay dayta iti papadi.+ 17  Iti daydin a simmang-at ni Hazael+ nga ari ti Siria ket nakirupak iti Gat+ ket kinautibona dayta, a kalpasan dayta inturong ni Hazael ti rupana+ tapno sumang-at a bumusor iti Jerusalem.+ 18  Iti kasta ni Jehoas nga ari ti Juda innalana dagiti amin a nasantuan a daton+ a sinantipikar da Jehosafat ken Jehoram ken Ocozias nga ammana, ti ar-ari ti Juda, ken dagiti bukodna a nasantuan a daton ken ti isuamin a balitok a masarakan kadagiti gameng ti balay ni Jehova ken ti balay ti ari ket impatulodna+ ida ken Hazael nga ari ti Siria. Gapuna isu nagsanud manipud ibubusor iti Jerusalem. 19  No maipapan iti dadduma pay kadagiti pasamak ni Jehoas ken amin nga inaramidna, saanda aya a naisurat iti libro+ dagiti pasamak iti al-aldaw ti ar-ari ti Juda? 20  Nupay kasta, timmakder dagiti adipenna+ ket nagtitimpuyogda iti maysa a kumplot+ ket kinabilda ni Jehoas idiay balay+ ti Muntuon,+ iti dalan a sumalog iti Silla. 21  Ket ni Jozacar nga anak ni Simeat ken ni Jehozabad+ nga anak ni Somer, ad-adipenna, isuda dagidiay nangkabil kenkuana, iti kasta natay. Gapuna intabonda a kadua dagidi ammana iti Siudad ni David; ket ni Amazias+ nga anakna nangrugi nga agturay a mangsandi kenkuana.

Footnotes