Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 10:1-36

10  Ita ni Acab addaan idi iti pitopulo+ nga annak idiay Samaria.+ Gapuna nagsurat ni Jehu iti sursurat ket impatulodna ida idiay Samaria kadagiti prinsipe+ ti Jezrael, kadagiti lallakay+ ken kadagiti pagay-aywanen ni Acab, a kunkunana:  “Ita, ngarud, iti mismo a tiempo a dumteng kadakayo daytoy a surat adda kadakayo ti annak ni apoyo, ken adda kadakayo dagiti karuahe a pakigubat ken dagiti kabalio+ ken ti maysa a nasarikedkedan a siudad ken ti kabal.  Ket masapul a kitaenyo no siasino ti kasayaatan ken kalilintegan iti annak ni apoyo ket isaadyo iti trono ni amana.+ Kalpasanna makirupakkayo maipaay iti balay ni apoyo.”  Ket nagbutengda iti kasta unay ket rinugianda a kunaen: “Adtoy! Dua nga ari+ met laeng ti saan a nakapagtakder iti sanguananna, ket kasanonto a datayo makapagtakdertayo?”+  Iti kasta daydiay panguluen ti balay ken daydiay panguluen ti siudad ken dagiti lallakay ken dagiti agay-aywan+ nangipatulodda ken Jehu, a kunkunada: “Dakami dagiti adipenmo, ket ti isuamin a sawem kadakami aramidenmi. Saanmi a pagbalinen nga ari ti asinoman. No ania ti naimbag kadagiti bukodmo a mata aramidem.”  Iti kasta nagsurat kadakuada iti maikadua a surat, a kunkunana: “No agpaaykayo kaniak,+ ket ti timekko ti pagtulnoganyo, alaenyo dagiti ulo ti lallaki nga annak+ ni apoyo ket umaykayo kaniak inton bigat iti kastoy a tiempo idiay Jezrael.”+ Ita ti annak ti ari, pitopulo a lallaki, naikuyogda kadagiti mabigbigbig a lallaki ti siudad a mangpadpadakkel idi kadakuada.  Ket naaramid nga apaman a dimteng kadakuada ti surat, innalada ti annak ti ari ket ginudasda ida, pitopulo a lallaki,+ a kalpasan dayta inkabilda dagiti uloda kadagiti labba ket impatulodda ida kenkuana idiay Jezrael.  Kalpasanna immay ti mensahero+ ket imbagana kenkuana, a kunkunana: “Inyegda dagiti ulo+ ti annak ti ari.” Gapuna kinunana: “Ikabilyo ida a dua a bunton idiay pagserkan ti ruangan agingga iti bigat.”+  Ket naaramid iti bigat nga isu rimmuar. Idin nagtakder a siiintek ket kinunana kadagiti amin nga umili: “Nalintegkayo.+ Adtoy siak nakikumplotak+ maibusor iti apok, ket pinapatayko;+ ngem siasino ti nangkabil kadagitoy amin? 10  Ammuenyo, ngarud, nga awan iti sao ni Jehova ti agtinnagto a di natungpal iti daga+ a sinao ni Jehova maibusor iti balay ni Acab;+ ket inaramid ni Jehova a mismo no ania ti sinaona babaen ken adipenna nga Elias.”+ 11  Mainayon pay, ni Jehu pinapatayna amin a natedda iti balay ni Acab idiay Jezrael ken amin a mabigbigbig a lallakina+ ken am-ammona ken papadina,+ agingga nga awan inteddana a makalasat a kukuana.+ 12  Ket timmakder ket simrek, kalpasanna napan idiay Samaria. Ti balay a pagigalutan dagiti pastor adda idi iti dalan. 13  Ket ni met laeng Jehu nasabatna dagiti kakabsat+ ni Ocozias+ nga ari ti Juda. Idi kinunana kadakuada, “Siasinokayo?” iti kasta kinunada: “Dakami ti kakabsat ni Ocozias, ket sumalsalogkami tapno imtuodenmi no ti isuamin naimbag iti annak ti ari ken iti annak ti ina a reyna.” 14  Dagus a kinunana: “Kemmegenyo ida a sibibiag!”+ Gapuna kinemmegda ida a sibibiag ket ginudasda ida idiay pagurnongan ti danum iti balay a pagigalutan, uppat a pulo ket dua a lallaki, ket saanna nga impalubos a matedda ti uray maysa kadakuada.+ 15  Bayat a mapmapan manipud sadiay nasabatna ni Jehonadab+ nga anak ni Recab+ nga um-umay a sumabet kenkuana. Idi isu binendisionanna,+ iti kasta kinunana kenkuana: “Ti kadi pusom nalinteg a maibuyog kaniak, no kasano a ti pusok nalinteg a maibuyog ita pusom?”+ Iti daytoy kinuna ni Jehonadab: “Nalinteg.” “No nalinteg, iyawatmo kaniak ta imam.” Gapuna inyawatna kenkuana ti imana. Iti kasta pinasagpatna a makikadua kenkuana iti karuahe.+ 16  Idin kinunana kenkuana: “Makikuyogka kaniak ket kitaem ti saanko a panangpanuynoy iti pannakirinnisiris+ ken Jehova.” Ket isu pinagtalinaedda a nakalugan a kaduana iti karuahena a pakigubat. 17  Kamaudiananna dimteng idiay Samaria. Ita kinabilna amin a natedda a kukua ni Acab idiay Samaria, agingga a natalipuposna ida,+ maitunos iti sao ni Jehova a sinaona ken Elias.+ 18  Kanayonanna, ni Jehu inummongna a sangsangkamaysa dagiti amin nga umili ket kinunana kadakuada: “Ni Acab, iti maysa a bangir, nagdayaw bassit+ ken Baal. Ni Jehu, iti sabali a bangir, agdayawto kenkuana iti adu. 19  Gapuna ita ayabanyo nga umay kaniak dagiti amin a mammadto+ ni Baal, dagiti amin a managdaydayawna+ ken amin a papadina.+ Dikay bay-an nga adda uray maysa nga agkurang, agsipud ta addaanak iti naindaklan a sakripisio maipaay ken Baal. Ti asinoman nga awan saanto nga agtultuloy nga agbiag.” No maipapan ken Jehu, nagtignay a sisisikap,+ iti panggep a panangdadael kadagiti managdaydayaw ni Baal. 20  Ket kinuna ni Jehu: “Mangsantipikarkayo iti maysa a nadaeg a gimong maipaay ken Baal.” Iti kasta inwaragawagda dayta. 21  Kalpasan dayta ni Jehu nagbaon iti intero nga Israel,+ iti kasta simrek dagiti amin a managdaydayaw ni Baal. Ket awan ti uray maysa a nabati a saan a simrek. Ket nagtultuloyda a simrek iti balay ni Baal,+ ket ti balay ni Baal napno manipud pungto agingga iti pungto. 22  Kinunana ita iti daydiay agay-aywan iti pagidulinan iti kawkawes: “Mangiruarka iti kawkawes maipaay kadagiti amin a managdaydayaw ni Baal.” Gapuna inruarna dagiti pagan-anay maipaay kadakuada. 23  Idin ni Jehu simrek agraman ni Jehonadab+ nga anak ni Recab iti balay ni Baal. Kinunana ita kadagiti managdaydayaw ni Baal: “Sukimatenyo a siaannad ket kitaenyo nga awan koma ditoy a kaduayo ti maysa kadagiti managdaydayaw ni Jehova, no di laeng dagiti managdaydayaw ni Baal.”+ 24  Kamaudiananna simrekda tapno mangidatagda kadagiti sakripisio ken datdaton a mapuoran, ket ni Jehu a mismo nangisaad idiay ruar iti walopulo a lallaki iti aywanna ket kinunana: “No maipapan iti tao a makatalaw manipud kadagiti tattao nga iyegko kadagiti imayo, ti kararua ti maysa agpaayto iti kararua ti sabali.”+ 25  Ket naaramid nga apaman a nalpasna nga indatag ti daton a mapuoran, dagus a kinuna ni Jehu kadagiti tumataray ken kadagiti ayudante: “Sumrekkayo, papatayenyo ida! Dikay bay-an a makaruar ti uray maysa.”+ Ket rinugian dagiti tumataray ken dagiti ayudante+ a papatayen ida babaen ti tadem ti kampilan ken ipalladaw ida iti ruar, ket nagtultuloyda agingga iti siudad ti balay ni Baal. 26  Kalpasanna inruarda dagiti sagrado a munmon+ ti balay ni Baal ket pinuoranda+ ti tunggal maysa. 27  Kanayonanna, rinugpoda ti sagrado a munmon ni Baal+ ket rinugpoda ti balay ni Baal,+ ket pinagtalinaedda dayta a nailasin maipaay a kas dagiti pagiblengan+ agingga itoy nga aldaw. 28  Iti kasta ni Jehu tinalipuposna ni Baal manipud iti Israel. 29  Kadagiti laeng basol ni Jeroboam+ nga anak ni Nebat, a kadagita a napagbasolna ti Israel,+ a ni Jehu saan a simiasi iti panangsurot kadagita, awan sabali, dagiti nabalitokan a kigaw a baka+ a ti maysa kadagita adda idi idiay Bethel ket ti maysa idiay Dan.+ 30  Gapuna ni Jehova kinunana ken Jehu: “Iti rason a nagtignayka a naimbag iti panangaramidmo ti umiso kadagiti matak,+ ket maitunos iti isuamin nga adda iti pusok inaramidmo iti balay ni Acab,+ ti met laeng annak agingga iti maikapat a kaputotan agtugawdanto maipaay kenka iti trono ti Israel.”+ 31  Ket ni met laeng Jehu saanna nga inannadan ti magna iti linteg ni Jehova a Dios ti Israel buyogen ti isuamin a pusona.+ Saan a simiasi kadagiti basol ni Jeroboam a kadagita a napagbasolna ti Israel.+ 32  Kadagidiay nga aldaw rinugian ni Jehova a gupedgupeden ti Israel; ket kinabkabil ida ni Hazael+ iti intero a teritoria ti Israel, 33  manipud iti Jordan nga agturong iti leleggakan ti init, intero a daga ti Galaad,+ dagiti Gadita+ ken dagiti Rubenita+ ken dagiti Manasesita,+ manipud Aroer,+ nga adda iti igid ti naapres a ginget ti Arnon, ti mismo a Galaad ken Basan.+ 34  Ket ti dadduma pay kadagiti pasamak ni Jehu ken amin nga inaramidna ken isuamin a kinamannakabalinna, saanda aya a naisurat iti libro+ dagiti pasamak iti al-aldaw ti ar-ari ti Israel? 35  Kamaudiananna nakikaidda ni Jehu kadagidi ammana,+ ket intabonda idiay Samaria; ket ni Jehoacaz+ nga anakna nangrugi nga agturay a mangsandi kenkuana. 36  Ket dagiti aldaw a panagturay ni Jehu iti Israel duapulo ket walo a tawen idiay Samaria.

Footnotes