Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

2 Ar-ari 1:1-18

1  Ket nangrugi nga umalsa+ ti Moab+ maibusor iti Israel kalpasan ti ipapatay ni Acab.+  Idin natnag a limsot ni Ocozias+ iti rehas iti siledna iti pangatepan+ nga adda idiay Samaria ket nagsakit. Gapuna nangibaon kadagiti mensahero ket kinunana kadakuada: “Mapankayo, imtuodenyo+ ken Baal-zebub+ a dios ti Ekron+ no makaungarak pay itoy a sakit.”+  No maipapan iti anghel+ ni Jehova, sinaona ken Elias a Tisbita:+ “Tumakderka, sumang-atka a sumabet kadagiti mensahero ti ari ti Samaria ket kunaem kadakuada, ‘Gapu kadi ta awan a pulos Dios+ iti Israel a mapankayo agimtuod ken Baal-zebub a dios ti Ekron?  No kasta ngarud daytoy ti kinuna ni Jehova: “No maipapan iti sopa a sinagpatam, saankanto a bumaba manipud iti dayta, agsipud ta mataykanto a di bumurong.”’”+ Kalpasan dayta pimmanaw ni Elias.  Idi nagsubli kenkuana dagiti mensahero, dagus a kinunana kadakuada: “Apay a nagsublikayo?”  Gapuna kinunada kenkuana: “Adda maysa a lalaki a simmang-at a sumabet kadakami, ket kinunana kadakami, ‘Mapankayo, agsublikayo iti ari a nangibaon kadakayo, ket masapul a sawenyo kenkuana: “Daytoy ti kinuna ni Jehova,+ ‘Gapu kadi ta awan a pulos Dios iti Israel nga agbaonka tapno agimtuodka ken Baal-zebub a dios ti Ekron? Gapuna, no maipapan iti sopa a sinagpatam, saankanto a bumaba manipud iti dayta, agsipud ta mataykanto a di bumurong.’”’”+  Gapu itoy sinaona kadakuada: “Ania idi ti langa ti lalaki a simmang-at a sumabet kadakayo ket kalpasanna sinaona kadakayo dagitoy a sasao?”  Gapuna kinunada kenkuana: “Maysa a lalaki nga agik-ikut iti kawes a muldot,+ addaan iti sinturon a lalat a naibarikes kadagiti lomona.”+ Dagus a kinunana: “Isu dayta ni Elias a Tisbita.”  Ket nangibaon kenkuana iti maysa a panguluen ti limapulo agraman ti limapulona.+ Idi simmang-at a napan kenkuana, sadiay isu situtugaw iti tapaw ti bantay. Nagsao ita kenkuana: “Lalaki ti pudno a Dios,+ sinao ti ari a mismo, ‘Sumalogka.’” 10  Ngem simmungbat ni Elias ket sinaona iti panguluen ti limapulo: “Ala ket, no maysaak a lalaki ti Dios, bumaba koma ti apuy+ manipud langlangit ket ibusennaka ken ti limapulom.” Ket ti apuy bimmaba manipud langlangit ket inibusna isuna ken ti limapulona.+ 11  Gapuna nangibaon manen kenkuana iti sabali pay a panguluen ti limapulo agraman ti limapulona.+ Kalpasanna simmungbat ket sinaona kenkuana: “Lalaki ti pudno a Dios, daytoy ti kinuna ti ari, ‘Darasem ti sumalog.’”+ 12  Ngem simmungbat ni Elias ket sinaona kadakuada: “No maysaak a lalaki ti pudno a Dios, bumaba koma ti apuy manipud langlangit ket ibusennaka ken ti limapulom.” Ket ti apuy ti Dios bimmaba manipud langlangit ket inibusna isuna ken ti limapulona. 13  Ket nangibaon manen iti maikatlo a panguluen ti limapulo ken ti limapulona.+ Ngem ti maikatlo a panguluen ti limapulo simmang-at ket immay ken nagparintumeng+ iti sanguanan ni Elias ket inrugina nga ipakaasi+ ti paraburna ken sawen kenkuana: “Lalaki ti pudno a Dios, pangngaasim napateg koma+ kadagita matam ti kararuak+ ken ti kararua dagitoy limapulo nga adipenmo. 14  Adtoy ti apuy bimmaba manipud langlangit ket inibusna+ ti dua nga immun-una a panguluen ti limapulo ken ti saglilimapuloda, ngem ita ti kararuak napateg koma kadagita matam.” 15  Iti kasta ti anghel ni Jehova sinaona ken Elias: “Sumalogka a kumuyog kenkuana. Dika agbuteng gapu kenkuana.”+ Gapuna isu timmakder ket simmalog a kimmuyog kenkuana a mapan iti ari. 16  Idin sinaona kenkuana: “Daytoy ti kinuna ni Jehova, ‘Iti rason a nangibaonka kadagiti mensahero+ tapno agimtuod ken Baal-zebub a dios ti Ekron,+ gapu aya ta awan a pulos Dios iti Israel a pagimtuodan iti saona? Gapuna no maipapan iti sopa a sinagpatam, saankanto a bumaba manipud iti dayta, agsipud ta mataykanto a di bumurong.’” 17  Ket nagin-inut a natay,+ sigun iti sao+ ni Jehova a sinao ni Elias; ket ni Jehoram+ nangrugi nga agturay a mangsandi kenkuana, iti maikadua a tawen ni Jehoram+ nga anak ni Jehosafat nga ari ti Juda, agsipud ta saan a naaddaan iti anak a lalaki. 18  No maipapan iti dadduma pay kadagiti banag ni Ocozias+ nga inaramidna, saanda aya a naisurat iti libro+ dagiti pasamak iti al-aldaw ti ar-ari ti Israel?

Footnotes