Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Timoteo 1:1-20

1  Ni Pablo, maysa nga apostol+ ni Kristo Jesus iti sidong ti bilin ti Dios+ a Manangisalakantayo+ ken ni Kristo Jesus, a namnamatayo,+  agpaay ken Timoteo,+ maysa a pudpudno nga anak+ iti pammati:Maadda koma ti di kaikarian a kinamanangngaasi, asi, talna manipud iti Dios nga Ama ken ni Kristo Jesus nga Apotayo.+  Kas iti panangparegtak kenka nga agtalinaedka idiay Efeso idi mapanakon idiay Macedonia,+ kasta met ti aramidek ita, tapno bilinem+ koma ti sumagmamano a saanda a mangisuro iti naiduma a doktrina,+  wenno uray ipangag dagiti ulbod a sarita+ ken dagiti kapuonan, nga awan tungpalna,+ no di ket mangpataud iti salsaludsod a siraraken imbes a ti panangiburay iti aniaman a banag babaen ti Dios mainaig iti pammati.  Pudno a ti panggep daytoy a bilin ket ayat+ manipud iti nadalus a puso+ ken manipud iti naimbag a konsiensia+ ken manipud iti pammati nga awanan panaginsisingpet.+  Babaen ti isisina kadagitoy a banag adda sumagmamano a naisiasi+ nga agturong iti awan kapapay-anna a panagsasarita,+  a tartarigagayanda ti agbalin a mannursuro+ iti linteg,+ ngem saanda a matartarusan uray ti bambanag a sasawenda wenno ti bambanag a sibibileg nga ipappapilitda.  Ita ammotayo a ti Linteg nasayaat+ no la ket ti maysa aramatenna dayta a sililinteg+  iti pannakaammo itoy a kinapudno, a ti linteg maipaalagad, saan a maipaay iti tao a nalinteg, no di ket maipaay kadagiti tattao a nakillo+ ken nagulo,+ kadagiti di nadiosan ken managbasol, kadagiti awanan iti naayat a kinamanangngaasi,+ ken managtabbaaw, kadagiti manangpapatay iti amma ken kadagiti manangpapatay iti inna, kadagiti mananggudas, 10  kadagiti mannakiabig,+ kadagiti lallaki a makikaidda iti lallaki, kadagiti manangkumaw, kadagiti managulbod, kadagiti naulbod a managsapata,+ ken iti aniaman a sabali pay a banag a maibusor+ iti makapasalun-at a sursuro+ 11  maitunos iti nadayag a naimbag a damag ti naragsak+ a Dios, a naitalek kaniak.+ 12  Agyamanak ken Kristo Jesus nga Apotayo, a nangted kaniak iti pannakabalin, agsipud ta imbilangnak a matalek+ babaen ti panangtudingna kaniak iti maysa a ministerio,+ 13  nupay sigud a managtabbaawak ken manangidadanes+ ken nakuspag+ a tao. Nupay kasta, naipakitaanak ti asi,+ agsipud ta ignoranteak+ idi ken nagtignayak a buyogen ti kaawan ti pammati. 14  Ngem ti di kaikarian a kinamanangngaasi ti Apotayo dimmakkel iti kasta unay+ agraman ti pammati ken ayat a mainaig ken Kristo Jesus.+ 15  Matalek ken maikari iti naan-anay a panangawat isu ti sao+ a ni Kristo Jesus immay ditoy lubong tapno mangisalakan kadagiti managbasol.+ Siak ti kangrunaan kadagitoy.+ 16  Nupay kasta, ti rason no apay a naipakitaanak ti asi+ ket tapno babaen kaniak kas ti kangrunaan a kaso maiparangarang koma ni Kristo Jesus ti isuamin a mabayag a panagituredna nga agpaay a pagtuladan dagidiay mangisaad ti pammatida+ kenkuana maipaay iti agnanayon a biag.+ 17  Ita iti Ari ti kinaagnanayon,+ di agrupsa,+ di makita,+ ti maymaysa a Dios,+ maadda koma ti dayaw ken dayag iti agnanayon ken awan inggana.+ Amen. 18  Daytoy a bilin+ italekko kenka, anak, a Timoteo, maitunos kadagiti padles+ a naiturong a mismo kenka, tapno babaen kadagitoy maitultuloymo ti nasayaat a pannakigubat;+ 19  a salimetmetam ti pammati ken ti naimbag a konsiensia,+ nga inwalin ti sumagmamano+ ket napadasanda ti pannakarba maipapan iti pammatida.+ 20  Mairaman kadagitoy da Himeneo+ ken Alejandro,+ ket inyawatko ida ken Satanas+ tapno babaen ti disiplina masursuruanda a saan nga agtabbaaw.+

Footnotes