Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Tesalonica 4:1-18

4  Kamaudiananna, kakabsat, kiddawenmi kadakayo ken bagbagaandakayo babaen ken Apo Jesus, kas iti panangawatyo ti pammilin manipud kadakami no kasano ti rebbeng a pannagnayo+ ken panangay-ayoyo iti Dios, kinapudnona kas iti pannagnayo, nga itultuloyyo nga aramiden dayta nga ad-adda pay a naan-anay.+  Ta ammoyo dagiti bilin+ nga intedmi kadakayo baeten ken Apo Jesus.  Ta daytoy ti pagayatan ti Dios, ti pannakasantipikaryo,+ nga adaywanyo ti pannakiabig;+  a tunggal maysa kadakayo ammona koma no kasano nga ikutan ti bukodna a basehas+ iti pannakasantipikar+ ken dayaw,  saan nga iti naagum a panaggartem iti sekso+ a kas met ti adda kadagidiay nasion+ a saan a makaam-ammo iti Dios;+  tapno awan kadakayo ti makagteng iti punto a dangranna ken pakibianganna dagiti kalintegan ti kabsatna iti daytoy a banag,+ agsipud ta ni Jehova ti mangipaay iti pannusa kadagitoy amin a banag,+ kas iti impakpakaunami kadakayo ken kasta met a sinaksianmi a naan-anay kadakayo.+  Ta inayabannatayo ti Dios, saan a buyogen ti panangpawayway iti kinarugit, no di ket mainaig iti pannakasantipikar.+  No kasta, ngarud, ti tao a mangipakita iti di panangikankano+ saanna nga ikankano, saan a ti tao, no di ket ti Dios,+ a mangikabil iti nasantuan nga espirituna+ kadakayo.  Nupay kasta, no maipapan iti nainkabsatan nga ayat,+ saanyo a kasapulan nga agsuratkami kadakayo, ta dakayo sinursuruannakayo ti Dios+ nga ayatenyo ti maysa ken maysa;+ 10  ket, iti kinapudnona, ar-aramidenyo dayta kadagiti amin a kakabsat nga adda iti intero a Macedonia. Ngem bagbagaandakayo, kakabsat, nga itultuloyyo nga aramiden dayta a naan-anay pay, 11  ket pagbalinenyo a kalat ti agbiag a siuulimek+ ken asikasuenyo ti bukodyo nga aramid+ ket agtrabahokayo babaen iti im-imayo,+ kas iti imbilinmi kadakayo; 12  tapno makapagnakayo a sitatakneng+ no maipapan kadagiti tattao a taga ruar+ ket saan nga agkasapulan iti aniaman.+ 13  Mainayon pay, kakabsat, saanmi a kayat nga ignorantekayo maipapan kadagidiay matmaturog+ ken patay; tapno saankayo nga agladingit a kas met iti dadduma nga awanan namnama.+ 14  Ta no ti pammatitayo ket natay ni Jesus ken bimmangon manen,+ iti kasta met a pamay-an, dagidiay naturog ken patay gapu ken Jesus ikuyogto kenkuana ti Dios.+ 15  Ta daytoy ti ibagami kadakayo babaen ti sao ni Jehova,+ a datayo a sibibiag a makalasat agingga iti kaadda ti Apo+ saantayto a pulos un-unaan dagidiay naturogen ken patay; 16  agsipud ta ti Apo a mismo bumabanto manipud langit+ buyogen ti agbilbilin nga awag, buyogen ti timek ti maysa nga arkanghel+ ken buyogen ti trumpeta ti Dios,+ ket dagidiay natay a naikaykaysa ken Kristo bumangondanto nga umuna.+ 17  Kalpasanna datayo a sibibiag a makalasat, a maikuyog kadakuada,+ marabsuttayto a maipangato+ kadagiti ulep+ a sumabet+ iti Apo iti angin; ket iti kasta kankanayon nga addatayto iti Apo.+ 18  Gapuna itultuloyyo a liwliwaen ti maysa ken maysa babaen kadagitoy a sasao.

Footnotes