Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Tesalonica 1:1-10

1  Ni Pablo ken ni Silvano+ ken ni Timoteo+ agpaay iti kongregasion dagiti taga Tesalonica a naikaykaysa+ iti Dios nga Ama ken iti Apo a ni Jesu-Kristo: Maaddaankay koma iti di kaikarian a kinamanangngaasi ken talna.+  Kankanayon nga agyamankami iti Dios no dakamatenmi ti maipapan kadakayo amin kadagiti kararagmi,+  ta di agressat a laglagipenmi ti matalek nga aramidyo+ ken ti naayat a panagbannogyo ken ti panagibturyo gapu iti namnamayo+ ken Apotayo a Jesu-Kristo iti sanguanan ti Dios ken Amatayo.  Ta ammomi, kakabsat nga ay-ayaten ti Dios, ti panangpilina kadakayo,+  agsipud ta ti naimbag a damag nga ikaskasabami saan a dimteng kadakayo buyogen ti sasao laeng no di ket kasta met a buyogen ti pannakabalin+ ken buyogen ti nasantuan nga espiritu ken nabileg a panamati,+ kas iti pagaammoyo no ania a kita ti tattao ti nagbalinanmi kadakayo maigapu kadakayo;+  ket nagbalinkayo a tumutulad+ kadakami ken iti Apo,+ yantangay inawatyo ti sao iti sidong ti adu a rigat+ buyogen ti rag-o ti nasantuan nga espiritu,+  iti kasta nagbalinkayo a pagulidanan dagiti amin a manamati idiay Macedonia ken idiay Acaya.  Ti kinapudnona ket, ti sao ni Jehova+ saan laeng a naibunannag manipud kadakayo idiay Macedonia ken Acaya, no di ket iti tunggal lugar nagrakurak a sisasaknap+ ti pammatiyo+ iti Dios, iti kasta saanen a kasapulan a sawenmi ti aniaman.  Ta isuda agtultuloy nga ipadpadamagda ti maipapan iti wagas ti immuna nga iseserrekmi iti tengngayo ken no kasano a bimmaw-ingkayo iti Dios manipud kadagiti idoloyo+ tapno agpaadipenkayo iti sibibiag+ ken pudno+ a Dios, 10  ken tapno urayenyo+ ti Anakna manipud iti langlangit,+ nga imbangonna manipud kadagiti natay,+ awan sabali, ni Jesus, a mangispal kadatayo iti pungtot nga um-umayen.+

Footnotes