Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Samuel 8:1-22

8  Ket naaramid nga apaman a ni Samuel limmakayen dinutokanna+ ti annakna a kas uk-ukom maipaay iti Israel.  Ita ti nagan ti inauna nga anakna Joel,+ ket ti nagan ti maikaduana Abias;+ manguk-ukomda idi idiay Beer-seba.  Ket saan a nagna ti annakna iti daldalanna,+ no di ket nagannayasda a sumurot iti nakillo a gunggona+ ken umawatda iti pasuksok+ ken ballikugenda ti panangukom.+  Idi agangay naguummong a sangsangkamaysa ti amin a lallakay ti Israel+ ket immayda ken Samuel idiay Rama  ket kinunada kenkuana: “Adtoy! Sika lakaykan, ngem dagiti bukodmo nga annak saanda a nagna iti daldalanmo. Ita mangdutokka maipaay kadakami iti ari+ a mangukom kadakami a kas iti amin a nasnasion.”  Ngem ti banag dakes kadagiti mata ni Samuel yantangay kinunada: “Ikkannakami iti ari a mangukom kadakami,” ket rinugian ni Samuel ti agkararag ken Jehova.+  Idin ni Jehova kinunana ken Samuel:+ “Umimdengka iti timek dagiti umili maipapan iti isuamin a sawenda kenka;+ ta saan a sika ti linaksidda, no di ket siak ti linaksidda iti panagarik+ kadakuada.  Maitunos iti amin nga ar-aramidda nga inaramidda manipud idi aldaw a panangaonko kadakuada iti Egipto+ agingga itoy nga aldaw nga intultuloydak a pinanawan+ ket nagserbida kadagiti sabali a didios,+ kasta ti ar-aramidenda met kenka.  Ket ita umimdengka iti timekda. Isuna laeng ta kastoy, a rebbeng a sipapasnek a pakdaaram ida, ket masapul nga ibagam kadakuada ti nainkalintegan a karbengan ti ari nga agturayto kadakuada.”+ 10  Gapuna sinao ni Samuel ti amin a sasao ni Jehova kadagiti umili nga agkidkiddaw idi kenkuana iti ari. 11  Ket kinunana: “Daytoyto ti agbalin a nainkalintegan a karbengan+ ti ari nga agturayto kadakayo: Alaennanto ti annakyo a lallaki+ ket ikabilna ida a kas kukuana kadagiti karuahena+ ken kadagiti kumakabaliona,+ ket ti sumagmamano kasapulan nga agtaraydanto iti sanguanan dagiti karuahena;+ 12  ken tapno mangdutok maipaay iti bagina iti papanguluen ti rinibu+ ken papanguluen ti saglilimapulo,+ ket ti sumagmamano maipaay iti panagaradona+ ken iti panagani iti anienna+ ken iti panagaramid kadagiti gamigamna a pakigubat+ ken kadagiti gamigam ti karuahena.+ 13  Ket ti annakyo a babbai alaennanto nga agpaay a managlaok iti sapsapo ken kosinera ken panadera.+ 14  Ket dagiti talonyo ken dagiti kaubasanyo+ ken dagiti kaolibuanyo,+ dagidiay kasayaatan, alaennanto ket pudno nga itedna kadagiti adipenna. 15  Ket kadagiti talon ti bin-iyo ken kadagiti kaubasanyo alaennanto ti apagkapullo,+ ket sigurado nga itednanto ida kadagiti opisialna ti palasio+ ken kadagiti adipenna. 16  Ket dagiti adipenyo a lallaki ken dagiti adipenyo a babbai ken dagiti kasayaatan a pangenyo, ken dagiti asnoyo alaennanto, ket kasapulan nga usarennanto ida nga agpaay iti trabahona.+ 17  Kadagiti arbanyo+ alaennanto ti apagkapullo, ket dakayo agbalinkayto a kukuana kas ad-adipen. 18  Ket sigurado nga umkiskayto iti dayta nga aldaw gapu iti ariyo,+ a piniliyo maipaay iti bagbagiyo, ngem saannakayto a sungbatan ni Jehova iti dayta nga aldaw.”+ 19  Nupay kasta, nagkitakit dagiti umili nga umimdeng iti timek ni Samuel+ ket kinunada: “Saan, no di ket maysa nga ari ti agturayto kadakami. 20  Ket agbalinkamto, dakami met, a kas iti amin a nasnasion,+ ket ti arimi ukomennakamto ket rummuar iti sangomi ken makirupak kadagiti bakalmi.” 21  Ket dimngeg ni Samuel iti amin a sasao dagiti umili; kalpasanna sinaona ida kadagiti lapayag ni Jehova.+ 22  Ket ni Jehova kinunana ken Samuel: “Umimdengka iti timekda, ket pagturayem maipaay kadakuada ti maysa nga ari.”+ Iti kasta kinuna ni Samuel kadagiti tattao ti Israel: “Mapankayo tunggal maysa iti siudadna.”

Footnotes