Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 5:1-12

5  No maipapan kadagiti Filisteo, innalada ti lakasa+ ti pudno a Dios ket kalpasanna impanda idiay Asdod+ manipud Ebenezer.  Ket innala dagiti Filisteo ti lakasa ti pudno a Dios ket inserrekda iti balay ni Dagon ket insaadda iti abay ni Dagon.+  Kalpasanna bimmangon a nasapa dagiti Asdodita iti mismo a sumaganad nga aldaw, ket adtoy ni Dagon napakleb iti daga iti sango ti lakasa ni Jehova.+ Gapuna innalada ni Dagon ket insublida iti lugarna.+  Idi bimmangonda a nasapa iti bigat iti mismo nga aldaw kalpasanna, adtoy ni Dagon napakleb iti daga iti sango ti lakasa ni Jehova, a ti ulo ni Dagon ken dagiti dakulap ti dua nga imana naputed, iti arsadanan.+ Ti laeng paset nga ikan ti nabati kenkuana.  Dayta ti makagapu a ti papadi ni Dagon ken isuamin dagidiay sumsumrek iti balay ni Dagon saanda a bumaddek iti arsadanan ni Dagon idiay Asdod agingga itoy nga aldaw.  Ket ti ima ni Jehova+ dimmagsen kadagiti Asdodita, ket namataud iti panaglagaw ken kinabilna ida babaen kadagiti busigit,+ awan sabali, ti Asdod ken dagiti teritoriana.  Ket dagiti tattao ti Asdod nakitada a kasta, ket kinunada: “Dikay bay-an a makipagnaed kadatayo ti lakasa ti Dios ti Israel, agsipud ta ti imana nadagsen maibusor kadatayo ken maibusor ken Dagon a diostayo.”+  Iti kasta nagbaonda ket inummongda kadakuada ti amin nga aliado nga appo dagiti Filisteo ket kinunada: “Ania ti aramidentayo iti lakasa ti Dios ti Israel?” Kamaudiananna kinunada: “Mailikaw koma nga agturong iti Gat+ ti lakasa ti Dios ti Israel.” Gapuna impanda sadiay ti lakasa ti Dios ti Israel.  Ket naaramid a kalpasan a naipanda dayta sadiay, ti ima ni Jehova+ naadda iti siudad buyogen ti dakkel unay a pannakariribuk, ket kinabilna dagiti tattao ti siudad, manipud bassit agingga iti dakkel, ket timmanor kadakuada dagiti busigit.+ 10  Gapuna impatulodda idiay Ekron ti lakasa ti pudno a Dios.+ Ket naaramid nga apaman a dimteng idiay Ekron ti lakasa ti pudno a Dios, nangrugi nga umkis dagiti Ekronita, a kunkunada: “Inyegda kaniak ti lakasa ti Dios ti Israel tapno papatayendak ken dagiti kailiak!”+ 11  Iti kasta nagbaonda ket inummongda ti amin nga aliado nga appo dagiti Filisteo ket kinunada: “Papanawenyo ti lakasa ti Dios ti Israel tapno agsubli koma iti lugarna ket saandak a papatayen ken dagiti kailiak.” Ta ti makapapatay a pannakariribuk napasamak iti intero a siudad;+ ti ima ti pudno a Dios nadagsen unay sadiay,+ 12  ket dagiti tattao a saan a natay nakabilda kadagiti busigit.+ Ket ti panagpatulong+ ti siudad nagtultuloy a nagpangato iti langlangit.

Footnotes