Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Samuel 4:1-22

4  Ket ti sao ni Samuel nagtultuloy a dumteng iti intero nga Israel. Idin rimmuar ti Israel tapno sumabet kadagiti Filisteo iti bakal; ket nagpakarsoda iti abay ti Ebenezer,+ ket dagiti met laeng Filisteo nagpakarsoda idiay Afek.+  Ket dagiti Filisteo naguurnosda+ a sumabet iti Israel, ket kimmaro ti bakal, iti kasta naabak ti Israel iti sango dagiti Filisteo,+ a nangpapatay iti agarup uppat a ribu a lallaki iti naginnasideg a linia ti bakal iti tay-ak.  Idi a dagiti umili dimtengda iti pakarso rinugian a kunaen dagiti lallakay ti Israel: “Apay nga impaabaknatayo ni Jehova ita nga aldaw iti sango dagiti Filisteo?+ Alaentayo manipud Silo ti lakasa ti tulag ni Jehova,+ tapno umay koma iti tengngatayo ket isalakannatayo iti dakulap dagiti kabusortayo.”  Gapuna dagiti umili nagbaonda idiay Silo ket inawitda manipud sadiay ti lakasa ti tulag ni Jehova ti buybuyot, nga agtugtugaw iti rabaw dagiti kerubin.+ Ket ti dua nga annak ni Eli addada idi sadiay a naikuyog iti lakasa ti tulag ti pudno a Dios, awan sabali, da Hofni ken Finehas.+  Ket naaramid nga apaman a ti lakasa ti tulag ni Jehova dimteng iti pakarso, amin dagiti Israelita nagdidir-ida iti natbag,+ iti kasta nariribuk ti daga.  Nangngeg met dagiti Filisteo ti uni ti panagdir-i ket rinugianda a kinuna: “Ania ti kaipapanan daytoy uni ti natbag a panagdir-i+ iti pakarso dagiti Hebreo?” Kamaudiananna naammuanda a ti mismo a lakasa ni Jehova dimteng iti pakarso.  Ket nagbuteng dagiti Filisteo, agsipud ta, kinunada: “Dimteng ti Dios iti pakarso!”+ Gapuna kinunada: “Ay-aytayo pay, ta ti banag a kas itoy saan pay a pulos napasamak idi!  Ay-aytayo pay! Siasino ti mangisalakanto kadatayo iti ima daytoy nadaeg a Dios? Daytoy ti Dios a nangkabil iti Egipto iti tunggal kita ti pananggudas idiay let-ang.+  Ipakitayo a naturedkayo ket paneknekanyo a malalakikayo, dakayo a Filisteo, tapno saanyo a pagserbian dagiti Hebreo a kas ti panagserbida kadakayo;+ ket masapul a paneknekanyo a malalakikayo ket makirupakkayo!” 10  Iti kasta nakirupak dagiti Filisteo ket naabak ti Israel,+ ket nagtalawda tunggal maysa nga agturong iti toldana;+ ket ti pananggudas dakkel unay,+ iti kasta manipud Israel adda napasag a tallopulo a ribu a lallaki a magmagna.+ 11  Ket naagaw ti mismo a lakasa ti Dios,+ ket ti dua nga annak ni Eli, da Hofni ken Finehas, natayda.+ 12  Ket ti maysa a lalaki ti Benjamin napan a nagtaray manipud linia ti bakal iti kasta dimteng idiay Silo iti dayta nga aldaw a naray-ab dagiti kawesna+ ken narugit ti rabaw ti ulona.+ 13  Idi dimteng, adtoy a situtugaw ni Eli iti pagtugawan iti igid ti dalan, nga agbambantay, agsipud ta nagpigpigerger ti pusona gapu iti lakasa ti pudno a Dios.+ Ket ti met laeng lalaki simrek tapno agipadamag iti siudad, ket nangrugi nga imkis ti intero a siudad. 14  Ket nangngeg ni Eli ti uni ti panagikkis. Gapuna kinunana: “Ania ti kaipapanan daytoy nga uni ti bellaak?”+ Ket ti met laeng lalaki nagdardaras tapno makastrek ket maipadamagna ken Eli. 15  (Itan siam a pulo ket walo ti tawen ni Eli, ket naginteken dagiti matana iti kasta saan a makakita.)+ 16  Ket ti lalaki kinunana ken Eli: “Siak daydiay dimteng a naggapu iti linia ti bakal, ket siak—nagtalawak iti linia ti bakal ita nga aldaw.” Gapu itoy kinunana: “Ania ti banag a napasamak, anakko?” 17  Gapuna simmungbat ti agaw-awit iti damag ket kinunana: “Nagtalaw ti Israel iti sanguanan dagiti Filisteo, ken adda met napasamak a dakkel a pannakaabak kadagiti umili;+ ken kasta met a natay ti dua nga annakmo—da Hofni ken Finehas+—ket ti mismo a lakasa ti pudno a Dios naala.”+ 18  Ket naaramid nga idi kanito a dinakamatna ti lakasa ti pudno a Dios, isu naliad manipud pagtugawan iti abay ti ruangan, ket narung-o ti tengngedna iti kasta natay, agsipud ta dayta a tao lakayen ken nadagsen; ket isu inukomna ti Israel iti uppat a pulo a tawen. 19  Ket ti manugangna, ti asawa ni Finehas, masikog nga asidegen nga agpasngay, ket nangngegna ti damag a ti lakasa ti pudno a Dios naala ket ti katuganganna ken ti asawana natay. Iti kasta inrukobna ti bagina ket nangrugi nga agpasngay, agsipud ta di ninamnama a dimteng kenkuana dagiti ut-otna.+ 20  Ket idi agarup tiempo ti ipapatayna, rinugian a sawen dagiti babbai a sitatakder iti sibayna: “Dika agbuteng, agsipud ta maysa a lalaki ti impasngaymo.”+ Ket saan a simmungbat ken saanna nga insaad ti pusona iti dayta. 21  Ngem pinanagananna ti ubing iti Icabod,+ a kunkunana: “Ti dayag pimmanaw iti Israel a napan iti pannakaidestiero,”+ mainaig daytoy iti lakasa ti pudno a Dios a naala ken mainaig iti katuganganna ken iti asawana.+ 22  Gapuna kinunana: “Ti dayag pimmanaw iti Israel a napan iti pannakaidestiero,+ agsipud ta naala ti lakasa ti pudno a Dios.”+

Footnotes