Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Samuel 30:1-31

30  Ket naaramid bayat a ni David ken dagiti tattaona um-umayda idi iti Siclag+ iti maikatlo nga aldaw, a dagiti Amalekita+ nangrubbuotda iti abagatan ken iti Siclag; ket kinabilda ti Siclag ken pinuoranda dayta iti apuy,  ket impanawda a kautibo dagiti babbai+ ken ti isuamin nga adda iti dayta, manipud kabassitan agingga iti kadakkelan. Saanda a pinapatay ti asinoman, no di ket inukodda ida ket napanda.  Idi dimteng ni David agraman dagiti tattaona iti siudad, ay ket, napuoran dayta iti apuy, ket, no maipapan iti assawada a babbai ken annakda a lallaki ken annakda a babbai, naipanawdan a kautibo.  Ket ni David ken dagiti tattao a naikuyog kenkuana rinugianda nga ipigsa ti timekda ket nagsangitda,+ agingga nga awan bilegdan nga agsangit.  Ket naipanaw a kautibo ti dua nga assawa ni David, da Ahinoam+ a Jezraelita ken Abigail+ nga asawa ni Nabal a Carmelita.  Ket nakariribukan unay dayta ni David,+ agsipud ta kinuna dagiti umili nga isu uborenda;+ ta pimmait ti kararua dagiti amin nga umili,+ tunggal maysa gapu iti annakna a lallaki ken annakna a babbai. Gapuna pinapigsa ni David ti bagina babaen ken Jehova a Diosna.+  Ngarud ni David kinunana ken Abiatar+ a padi, ti anak ni Ahimelec: “Iyasidegmo kaniak, pangngaasim, ti efod.”+ Ket inyasideg ni Abiatar ti efod ken David.  Ket rinugian ni David ti agimtuod ken Jehova,+ a kunkunana: “Kamatekto kadi daytoy a buyot dagiti tulisan? Kamakamek kadi ida?” Gapu itoy kinunana+ kenkuana: “Inka kumamat, ta di bumurong a makamakammonto ida, ket di bumurong a mangispalkanto.”+  Madagdagus a napan ni David, isu ken ti innem a gasut a lallaki+ a naikuyog kenkuana, ket napanda agingga iti naapres a ginget ti Besor, ket dagiti lallaki a mabati nagsardengda. 10  Ket intultuloy ni David ti panangkamat,+ isu ken ti uppat a gasut a lallaki, ngem nagsardeng ti dua gasut a lallaki a nabannog unay a bumallasiw iti naapres a ginget ti Besor.+ 11  Ket nakasarakda iti lalaki, maysa nga Egipcio,+ idiay tay-ak. Gapuna impanda ken David ket inikkanda iti tinapay tapno mangan ken inikkanda iti danum nga inumen. 12  Kanayonanna, inikkanda iti sangaiwa a bibingka ti pinilpil a higos ken dua a bibingka a pasas.+ Idin nangan ket nagsubli kenkuana ti espirituna;+ ta saan a nangan iti tinapay wenno imminum iti danum iti tallo nga aldaw ken tallo a rabii. 13  Ket kinuna ita kenkuana ni David: “Makinkukua kenka, ket sadino ti naggapuam?” nga iti dayta kinunana: “Maysaak a katulongan nga Egipcio, adipen ti maysa a tao nga Amalekita, ngem pinanawannak ti apok agsipud ta nagsakitak tallo nga aldaw ti napalabasen.+ 14  Dakami ti nangrubbuot iti abagatan dagiti Kereteo+ ken iti daydiay kukua ti Juda ken iti abagatan ti Caleb;+ ket ti Siclag pinuoranmi iti apuy.” 15  Gapu itoy kinuna kenkuana ni David: “Itundanakto kadi a sumalog iti daytoy a buyot dagiti tulisan?” Iti daytoy kinunana: “Isapatam+ kaniak babaen ti Dios a saannakto a papatayen, ken saannakto nga isuko iti ima ti apok,+ ket itundakanto a sumalog iti daytoy a buyot dagiti tulisan.” 16  Iti kasta intundana a sumalog,+ ket sadiay naiwarasda a nakirokiro iti rabaw ti intero a daga a mangmanganda ken umin-inum ken agpipiesta+ maigapu ti isuamin a dakkel a samsam a naalada iti daga dagiti Filisteo ken iti daga ti Juda.+ 17  Ket kinabil ida ni David manipud iti kinasipnget ti agsapa agingga iti rabii, tapno maipaayna ida iti pannakadadael; ket awan nakatalaw a maysa a lalaki+ kadakuada malaksid ti uppat a gasut nga agtutubo a lallaki a nagsakay kadagiti kamelio ket nagtalawda. 18  Ket naispal ni David ti isuamin nga innala dagiti Amalekita,+ ket ti dua nga assawana inispal ni David. 19  Ket awan ti nagkurang a kukuada, manipud kabassitan agingga iti kadakkelan ken agingga iti annak a lallaki ken annak a babbai ken manipud iti samsam, uray agingga iti aniaman a banag nga innalada maipaay iti bagbagida.+ Nabawi amin ni David. 20  Gapuna innala ni David dagiti amin nga arban ken dagiti pangen, nga inabugda iti sango dagita sabsabali a dinguen. Kalpasanna kinunada: “Daytoy ti samsam ni David.”+ 21  Iti kamaudiananna dimteng ni David iti dua gasut a lallaki+ a nabannog unayen a kumuyog ken David, ken isuda a pinagtalinaedda a situtugaw iti sibay ti naapres a ginget ti Besor; ket rimmuarda a sumabet ken David ken sumabet kadagiti tattao a naikuyog kenkuana. Idi immasideg ni David kadagiti tattao rinugianna nga imtuoden kadakuada no kasano ti kasasaadda. 22  Nupay kasta, simmungbat ken kinunkuna ti tunggal dakes ken awan kaes-eskanna a tao+ manipud kadagiti tattao a nakikuyog ken David: “Iti rason a saanda a kimmuyog kadatayo, awanto ti itedtayo kadakuada iti samsam nga inispaltayo, malaksid iti asawa ti tunggal maysa ken iti annakna, ket bay-anyo nga iturongda ida ket mapanda.” 23  Ngem kinuna ni David: “Dikay aramiden ti kasta, kakabsatko, iti inted kadatayo ni Jehova,+ ta sinaluadannatayo+ ken inyawatna iti imatayo ti buyot dagiti tulisan nga immay maibusor kadatayo.+ 24  Ket siasino ti umimdengto kadakayo maipapan itoy a sao? Ta kas iti binglay daydiay simmalog a napan iti bakal kastanto met laeng ti binglay daydiay nagtugaw iti sibay ti gargaret.+ Amin maaddaanto nga agpadpada iti binglay.”+ 25  Ket naaramid manipud iti dayta nga aldaw ken agpatpatuloy a pinagtalinaedna dayta a naipasdek kas alagaden ken hudisial a pangngeddeng+ maipaay iti Israel agingga itoy nga aldaw. 26  Idi dimteng ni David idiay Siclag nangipatulod iti sumagmamano iti samsam kadagiti lallakay iti Juda, iti gagayyemna,+ a kunkunana: “Adtoy ti sagut+ a bendision maipaay kadakayo manipud iti samsam dagiti kabusor ni Jehova.” 27  Kadagidiay adda idiay Bethel,+ ken kadagidiay adda idiay Ramot+ ti abagatan, ken kadagidiay adda idiay Jattir,+ 28  ken kadagidiay adda idiay Aroer, ken kadagidiay adda idiay Sifmot, ken kadagidiay adda idiay Estemoa,+ 29  ken kadagidiay adda idiay Racal, ken kadagidiay adda kadagiti siudad dagiti Jerameelita,+ ken kadagidiay adda kadagiti siudad dagiti Keneo,+ 30  ken kadagidiay adda idiay Horma,+ ken kadagidiay adda idiay Borasan,+ ken kadagidiay adda idiay Atac, 31  ken kadagidiay adda idiay Hebron,+ ken kadagiti amin a lugar a nagpagnapagnaan ni David, isu ken dagiti tattaona.

Footnotes