Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 3:1-21

3  Bayat dayta ni ubing a Samuel agserserbi idi+ ken Jehova iti sango ni Eli, ket ti sao manipud ken Jehova+ nagbalin a manmano kadagidi nga aldaw;+ awan ti sirmata+ a mairakrakurak a sisasaknap.  Ita naaramid iti dayta nga aldaw a ni Eli agid-idda iti lugarna, ket nangrugin a kumudrep dagiti matana;+ saan a makakita.  Ket saan pay a naiddep ti pagsilawan ti Dios, ket agid-idda idi ni Samuel iti templo+ ni Jehova, nga ayan ti lakasa ti Dios.  Ket ni Jehova inawaganna ni Samuel. Gapu itoy kinunana: “Adtoyak.”+  Ket napan a nagtaray ken Eli ket kinunana: “Adtoyak, ta inawagannak.” Ngem kinunana: “Saanak nga immawag. Agiddaka manen.” Gapuna napan ket nagidda.  Ket kaskasdi nga immawag manen ni Jehova: “Samuel!”+ Gapu itoy bimmangon ni Samuel ket napan ken Eli ket kinunana: “Adtoyak, ta pudno nga inawagannak.” Ngem kinunana: “Saanak nga immawag, anakko.+ Agiddaka manen.”  (No maipapan ken Samuel, saanna pay a naammuan ni Jehova, ket ti sao ni Jehova saan pay a nangrugi a maipalgak kenkuana.)+  Gapuna immawag manen ni Jehova iti maikatlo a daras: “Samuel!” Iti kasta bimmangon ket napan ken Eli ket kinunana: “Adtoyak, ta sigurado nga inawagannak.” Ket nangrugi a mailasin ni Eli a ni Jehova ti umaw-awag iti ubing.  Iti kasta ni Eli kinunana ken Samuel: “Inka, agiddaka, ket mapasamakto a, no awagannaka, masapul a kunaem, ‘Agsaoka, Jehova, ta umim-imdeng ti adipenmo.’” Gapuna napan ni Samuel ket nagidda iti lugarna. 10  Idin immay ni Jehova ket nagsaad ket immawag a kas kadagidi dadduma a gundaway: “Samuel, Samuel!” Gapu itoy kinuna ni Samuel: “Agsaoka, ta umim-imdeng ti adipenmo.”+ 11  Ket ni Jehova kinunana ken Samuel: “Adtoy! Mangaramidak+ iti maysa a banag iti Israel a no mangngeg ti asinoman maipapan iti dayta, sumgarto nga agpadpada dagiti lapayagna.+ 12  Iti dayta nga aldaw itungpalko ken Eli ti isuamin nga insaok maipapan iti balayna, manipud pangrugian agingga iti pagnguduan.+ 13  Ket masapul nga ibagam kenkuana nga ukomek ti balayna+ agingga iti tiempo a di nakedngan gapu iti biddut a naammuanna,+ agsipud ta ti annakna pagbasbassawanganda ti Dios,+ ket saanna a binabalaw ida.+ 14  Ket dayta ti makagapu nga insapatak iti balay ni Eli a ti biddut ti balay ni Eli saanto a mailaksid iti pannakadusa babaen ti sakripisio wenno babaen ti daton agingga iti tiempo a di nakedngan.”+ 15  Ket nagtalinaed a siiidda ni Samuel agingga iti bigat. Kalpasanna linuktanna dagiti ruangan ti balay ni Jehova.+ Ket nagbuteng ni Samuel a mangibaga ken Eli maipapan ti panagparang.+ 16  Ngem ni Eli inayabanna ni Samuel ket kinunana: “Samuel, anakko!” Gapu itoy kinunana: “Adtoyak.” 17  Ket kinunana: “Ania ti sao a sinaona kenka? Pangngaasim, dika ilimed kaniak.+ Kasta koma ti aramiden kenka ti Dios ket iti kasta nayonanna koma dayta+ no ilimedmo kaniak ti maysa a sao iti isuamin a sao nga insaona kenka.” 18  Gapuna imbaga kenkuana ni Samuel ti amin a sasao, ket saanna nga inlimed ti aniaman a banag kenkuana. Iti kasta kinunana: “Ni Jehova dayta. No ania ti naimbag kadagiti matana aramidenna koma.”+ 19  Ket nagtultuloy a dimmakkel ni Samuel, ket ni met laeng Jehova adda idi kenkuana+ ket saanna a pinagtinnag iti daga ti aniaman kadagiti amin a saona.+ 20  Ket ti intero nga Israel manipud Dan agingga iti Beer-seba+ naammuanda a ni Samuel isu ti napatalgedan maipaay iti saad a mammadto ken Jehova.+ 21  Ket nagparang manen ni Jehova+ idiay Silo, agsipud ta impanayag ni Jehova ti bagina ken Samuel idiay Silo babaen ti sao ni Jehova.+

Footnotes