Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 29:1-11

29  Ket dagiti Filisteo+ inummongda a sangsangkamaysa dagiti amin a kampoda idiay Afek, bayat nga agkamkampo idi dagiti Israelita iti sibay ti ubbog nga adda idiay Jezrael.+  Ket ti aliado nga appo+ dagiti Filisteo lumaslasatda a ginasut ken rinibu, ket ni David ken dagiti tattaona lumaslasatda kalpasanna a kadua ni Aquis.+  Ket rinugian a kunaen ti piprinsipe dagiti Filisteo: “Ania ti kayat a sawen dagitoy a Hebreo?”+ Gapu itoy kinuna ni Aquis iti piprinsipe dagiti Filisteo: “Saan aya a daytoy ni David nga adipen ni Saul nga ari ti Israel, a kaduak idi ditoy iti maysa wenno dua a tawen,+ ket saanak a nakasarak+ kenkuana iti maysa a banag manipud idi aldaw ti ipapanawna kaniak agingga itoy nga aldaw?”  Ket nagrurod kenkuana ti piprinsipe dagiti Filisteo; ket kinuna kenkuana ti piprinsipe dagiti Filisteo: “Pagsubliem ti lalaki,+ ket bay-am nga agsubli iti lugarna nga intudingmo kenkuana; ket dika palubosan a makipagsalog kadatayo a mapan iti bakal, tapno saan nga agbalin a manangsupiat+ kadatayo iti bakal. Ket ania koma ti panggun-od daytoy a tao iti anamong ni apona? Saan aya a babaen ti ul-ulo dagidiay tattaotayo?  Saan aya a daytoy ni David a simmungsungbatanda buyogen dagiti sala, a kinunada: ‘Kinabil ni Saul ti rinibuna, ket ni David ti pinullo a ribuna’?”+  Iti kasta ni Aquis+ inayabanna ni David ket kinunana kenkuana: “Kas sibibiag ni Jehova,+ nalintegka, ket ti pannakipagruarmo ken ti pannakipagserrekmo+ kaniak iti kampo naimbag kadagiti matak;+ ta saanak a nakasarak iti kinadakes kenka manipud idi aldaw ti iyaaymo kaniak agingga itoy nga aldaw.+ Ngem kadagiti mata ti aliado nga appo+ saanka a naimbag.  Ket ita agsublika ket mapanka a sitatalna, tapno saanka a makaaramid iti aniaman a dakes kadagiti mata ti aliado nga appo dagiti Filisteo.”  Nupay kasta, ni David kinunana ken Aquis: “Apay, ania ti inaramidko,+ ket ania ti nasarakam iti adipenmo manipud idi aldaw a kaaddak iti sangom agingga itoy nga aldaw,+ tapno saanko a rebbeng ti umay ket pudno a makirupakak kadagiti kabusor ti apok nga ari?”  Gapu itoy simmungbat ni Aquis ket kinunana ken David: “Pagaammok unay a naimbagka kadagiti bukodko a mata, kas iti maysa nga anghel ti Dios.+ Isuna laeng ta ti piprinsipe dagiti Filisteo ti nagkuna, ‘Dika palubosan a makipagsang-at kadatayo a mapan iti bakal.’ 10  Ket ita bumangonka a nasapa iti bigat agraman dagiti adipen ti apom a kimmuyog kenka; ket bumangonkayto a nasapa iti bigat inton naglawagen maipaay kadakayo. Kalpasanna mapankayo.”+ 11  Iti kasta bimmangon a nasapa ni David, isu ken dagiti tattaona, tapno mapanda iti bigat+ ket agsublida iti daga dagiti Filisteo; ket dagiti met laeng Filisteo simmang-atda a napan iti Jezrael.+

Footnotes