Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 28:1-25

28  Ket naaramid kadagidi nga aldaw a rinugian dagiti Filisteo nga ummongen dagiti kampoda maipaay iti buyot tapno makigubatda iti Israel.+ Gapuna ni Aquis kinunana ken David: “Di pagduaduaan nga ammom a siak ti rebbeng a pakikuyogam a rummuar a mapan iti pakarso, sika ken dagiti tattaom.”+  Iti kasta ni David kinunana ken Aquis: “Dayta ti makagapu a sika ammuem no ania ti aramiden ti adipenmo.” Gapuna ni Aquis kinunana ken David: “Dayta ti makagapu nga agaywan iti ulok ti kanayon a pangitudingakto kenka.”+  Ita natayen a mismo ni Samuel, ket dinung-awan ti intero nga Israel ket intabonda idiay Rama a bukodna a siudad.+ No maipapan ken Saul, inikkatna dagiti mannakiuman iti espiritu ken dagiti propesional a managipadles kadagiti pasamak manipud iti daga.+  Kalpasanna naguummong a sangsangkamaysa dagiti Filisteo ket dimtengda ken nangibangonda iti kampo idiay Sunem.+ Gapuna inummong a sangsangkamaysa ni Saul ti intero nga Israel ket nangibangonda iti kampo idiay Gilboa.+  Idi nakita ni Saul ti kampo dagiti Filisteo isu nagbuteng, ket nangrugi nga agpigerger iti kasta unay ti pusona.+  Nupay ni Saul agimtuod ken Jehova,+ saan a pulos sinungbatan ni Jehova,+ uray babaen kadagiti tagtagainep+ wenno babaen ti Urim+ wenno babaen kadagiti mammadto.+  Kamaudiananna kinuna ni Saul kadagiti adipenna: “Isapulandak iti babai a kalaingan iti pannakiuman iti espiritu,+ ket mapanakto kenkuana ket umumanak kenkuana.” Idin kinuna kenkuana dagiti adipenna: “Adtoy! Adda babai a kalaingan iti pannakiuman iti espiritu idiay En-dor.”+  Gapuna nanglimlimo ni Saul+ ket kinawesanna ti bagina kadagiti sabali a kawes ket napan, isu ken dua a lallaki a naikuyog kenkuana; ket dimtengda iti babai iti rabii.+ Kinunana ita: “Aramatem ti panagpadles,+ pangngaasim, maipaay kaniak babaen ti pannakiuman iti espiritu ket iruarmo maipaay kaniak daydiay itudingkonto kenka.”  Nupay kasta, kinuna kenkuana ti babai: “Adtoy sika pagaammom unay no ania ti inaramid ni Saul, no kasano a ginessatna dagiti mannakiuman iti espiritu ken dagiti propesional a managipadles kadagiti pasamak manipud iti daga.+ Apay, ngarud, nga agtigtignayka a kasla maysa a mannilo maibusor iti kararuak tapno maipapataynak?”+ 10  Dagus a nagsapata kenkuana ni Saul babaen ken Jehova, a kunkunana: “Kas sibibiag ni Jehova,+ ti pannakabasol gapu iti biddut saanto a mapagteng kenka itoy a banag!” 11  Gapu itoy kinuna ti babai: “Siasino ti iruarko maipaay kenka?” Iti daytoy kinunana: “Iruarmo ni Samuel maipaay kaniak.”+ 12  Idi a ti babai nakitana ni “Samuel”+ isu nangrugi nga imkis iti kapigsaan ti timekna; ket ti babai kinunana ken Saul: “Apay nga inallilawnak, idinto ta sika ni Saul?” 13  Ngem kinuna kenkuana ti ari: “Dika agbuteng, ngem ania ti nakitam?” Ket ti babai kinunana ken Saul: “Maysa a dios+ ti nakitak nga umul-uli manipud iti daga.” 14  Madagdagus a kinunana kenkuana: “Ania ti langana?” nga iti dayta kinunana: “Maysa a lakay ti umul-uli, ket nakaabbungot iti awan manggasna a lambon.”+ Iti kasta nabigbig ni Saul nga isu ni “Samuel,”+ ket nagrukob a ti rupana dumanon iti daga ket inruknoyna ti bagina. 15  Ket rinugian ni “Samuel” a kunaen ken Saul: “Apay a sininganak babaen ti panangpaiyegmo kaniak?”+ Iti daytoy kinuna ni Saul: “Agpaspasarak kadagiti nakaro unay a pakarigatan,+ ta makiruprupak kaniak dagiti Filisteo, ket ti met laeng Dios pimmanaw+ kaniak ket saannakon a sinungbatan, uray babaen kadagiti mammadto wenno babaen kadagiti tagtagainep;+ iti kasta aw-awaganka tapno ipakaammom kaniak no ania ti aramidekto.”+ 16  Ket kinuna ni “Samuel”: “Apay, ngarud, nga agimtuodka kaniak, idinto ta ni met laeng Jehova pimmanaw kenka+ ket agbalin a kabusormo?+ 17  Ket aramidento ni Jehova maipaay iti bagina kas iti sinaona babaen kaniak, ket pisangento ni Jehova ti pagarian manipud ita imam+ ket itedna iti padam a tao a ni David.+ 18  Yantangay saanka a nagtulnog iti timek ni Jehova,+ ket saanmo nga intungpal ti sumsumged nga ungetna maibusor ken Amalek,+ dayta ti makagapu a daytoy ti banag a sigurado nga aramiden kenka ni Jehova itoy nga aldaw. 19  Ket ni Jehova iyawatnanto met ti Israel a maikanunong kenka iti ima dagiti Filisteo,+ ket inton bigat sika+ ken ti annakmo+ kaduakayto. Uray ti pakarso ti Israel iyawatto ni Jehova iti ima dagiti Filisteo.”+ 20  Iti kasta sidadaras a nagpasag ni Saul a nagunnat iti daga ket nagbuteng iti kasta unay gapu iti sasao ni “Samuel.” Kasta met, naawanan iti bileg, agsipud ta saan a nangan iti taraon iti agmalmalem ken iti agpatpatnag. 21  Ti babai immay ita ken Saul ket nakitana a nariribukan iti kasta unay. Gapuna kinunana kenkuana: “Adtoy ti adipenmo a babai nagtulnog iti timekmo, ket inkabilko ti kararuak iti dakulapko+ ket nagtulnogak iti sasao a sinaom kaniak. 22  Ket ita, pangngaasim, sika, kalpasanna, agtulnogka iti timek ti adipenmo a babai; ket bay-am a mangidasarak iti sangom ti sangkapisi a tinapay, ket manganka, tapno maaddaanka iti bileg, agsipud ta mapankanto iti dalanmo.” 23  Ngem nagkitakit ket kinunana: “Saanak a mangan.” Nupay kasta, ginuyguyugoy dagiti adipenna ken kasta met ti babai. Kamaudiananna nagtulnog iti timekda ket bimmangon manipud iti daga ket nagtugaw iti sopa. 24  Ita addaan ti babai iti maysa a pinalukmeg a kigaw a baka+ iti balay. Gapuna sidadaras nga insakripisiona dayta+ ket nangala iti arina ket nanggamay iti bellaay ket linutona a pinagbalin a di pinaalsa a tintinapay. 25  Kalpasanna inserbina ida ken Saul ken kadagiti adipenna, ket nanganda. Kalpasan dayta timmakderda ket pimmanawda bayat dayta a rabii.+

Footnotes