Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 27:1-12

27  Nupay kasta, kinuna ni David iti pusona: “Ita mapunasakto iti maysa nga aldaw babaen ti ima ni Saul. Awanen ti nasaysayaat kaniak ngem ti panagtalawko+ latta a mapan iti daga dagiti Filisteo;+ ket masapul a maupay kaniak ni Saul a mangsapul pay kaniak iti intero a teritoria ti Israel,+ ket sigurado a makatalawakto iti imana.”  Gapuna timmakder ni David ket isu ken ti innem a gasut a lallaki+ a naikuyog kenkuana immallatiwda ken Aquis+ nga anak ni Maoc, ti ari ti Gat.  Ket ni David nagtultuloy a makipagnaed ken Aquis idiay Gat, isu ken dagiti tattaona, tunggal maysa agraman ti sangakabbalayanna,+ ni David ken ti dua nga assawana, da Ahinoam+ a Jezraelita ken Abigail,+ asawa ni Nabal, ti Carmelita.  Idi agangay naipadamag ken Saul a nagtaray ni David nga agturong iti Gat, ket ngarud saannan a sinapul iti sabali pay a tiempo.+  Kalpasanna ni David kinunana ken Aquis: “No, ita, nakasarakak iti pabor kadagita matam, ipaayandak koma iti lugar iti maysa kadagiti siudad ti aw-away, tapno agnaedak sadiay; ta apay koma a makipagnaed kenka ti adipenmo iti naarian a siudad?”  Iti kasta ni Aquis intedna kenkuana ti Siclag+ iti dayta nga aldaw. Dayta ti makagapu a ti Siclag nagbalin a kukua ti ar-ari ti Juda agingga itoy nga aldaw.  Ket ti bilang ti al-aldaw a panagnaed ni David iti aw-away dagiti Filisteo nagdagup iti makatawen ken uppat a bulan.+  Ket simmang-at ni David agraman dagiti tattaona tapno marubbuotda dagiti Gesurita+ ken dagiti Girzeo ken dagiti Amalekita;+ ta agnanaedda idi iti daga a nayunnat manipud Telam+ agingga iti Sur+ ken agingga idiay daga ti Egipto.  Ket kinabil ni David ti daga, ngem saanna a tinaginayon a sibibiag ti uray lalaki wenno babai;+ ket nangala iti ar-arban ken pangpangen ken as-asno ken kamkamelio ken kawkawes, a kalpasan dayta isu nagsubli ket dimteng ken Aquis. 10  Idin kinuna ni Aquis: “Sadino ti nagrubbuotanyo ita nga aldaw?” Iti daytoy kinuna ni David:+ “Iti abagatan ti Juda+ ken iti abagatan dagiti Jerameelita+ ken iti abagatan dagiti Keneo.”+ 11  No maipapan iti lalaki ken babai, saan a tinaginayon a sibibiag ni David ti asinoman tapno iyegna ida iti Gat, a kunkunana: “Tapno saanda a maibaga kadatayo, a kunaenda, ‘Kastoy ti inaramid ni David.’”+ (Ket kastoy ti pamay-anna iti amin nga al-aldaw a panagnaedna iti aw-away dagiti Filisteo.) 12  Iti kasta ni Aquis namati+ ken David, a kunkunana iti bagina: “Di pagduaduaan a nagbalin a buyok iti tengnga ti ilina nga Israel;+ ket agbalinto nga adipenko agingga iti tiempo a di nakedngan.”

Footnotes