Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 22:1-23

22  Gapuna napan ni David manipud sadiay+ ket nagtalaw+ nga agturong iti rukib+ ti Adullam;+ ket nangngeg dayta ti kakabsatna ken ti intero a balay ni amana ket simmalogda sadiay a mapan kenkuana.  Ket amin a tattao a maparparigatan+ ken amin a tattao nga adda nakautanganda+ ken amin a tattao a sipapait ti kararuada+ nangrugida nga aguummong a sangsangkamaysa kenkuana,+ ket isu nagbalin a panguluen kadakuada;+ ket adda idi kenkuana ti agarup uppat a gasut a lallaki.  Idi agangay napan ni David manipud sadiay agingga iti Mizpe idiay Moab ket kinunana iti ari ti Moab:+ “Bay-am ni amak ken ni inak,+ pangngaasim, a makipagnaedda kadakayo agingga a maammuak no anianto ti aramiden kaniak ti Dios.”  Iti kasta insaadna ida iti sango ti ari ti Moab, ket nagtultuloyda a nakipagnaed kenkuana iti amin nga al-aldaw a kaadda idi ni David iti di madanon a disso.+  Idi agangay ni Gad+ a mammadto kinunana ken David: “Dika agtultuloy nga agnaed iti di madanon a disso. Pumanawka, ket masapul a dumtengka iti daga ti Juda.”+ Gapuna pimmanaw ni David ket dimteng iti bakir ti Heret.  Ket nangngeg ni Saul a ni David ken dagiti tattao a naikuyog kenkuana natakuatanen, bayat a situtugaw idi ni Saul idiay Gabaa iti sirok ti kayo a tamarisko+ iti nangato a disso a ti pikana+ adda iti imana ket amin dagiti adipenna naisaadda iti aglawlawna.  Idin kinuna ni Saul kadagiti adipenna a naisaad iti aglawlawna: “Umimdengkayo, pangngaasiyo, dakayo a Benjaminita. Ti anak ni Jesse+ mangtedto met aya kadakayo amin iti taltalon ken kaubasan?+ Dutokannakayto kadi amin a pangpanguluen ti rinibu+ ken pangpanguluen ti ginasut?  Ta nagkukumplotkayo, dakayo amin, maibusor kaniak; ket awan ti asinoman a nangibutaktak iti lapayagko+ idi a ti bukodko nga anak mamatalged iti tulag+ iti anak ni Jesse, ket awan kadakayo ti asinoman a nakipagrikna kaniak ken nangibutaktak iti lapayagko a ti bukodko nga anak pinatakderna ti bukodko nga adipen maibusor kaniak kas maysa nga agsansaneb a kas itoy nga aldaw.”  Gapu itoy ni Doeg+ nga Edomita, a naisaad a kas panguluen dagiti adipen ni Saul, simmungbat ket kinunana: “Nakitak ti anak ni Jesse nga immay idiay Nob ken Ahimelec+ nga anak ni Ahitub.+ 10  Ket nagimtuod+ ken Jehova maipaay kenkuana; ket inikkanna kadagiti abasto,+ ket ti kampilan+ ni Goliat a Filisteo intedna kenkuana.” 11  Madagdagus a nagbaon ti ari tapno paayabanna ni Ahimelec nga anak ni Ahitub a padi ken ti intero a balay ni amana, ti papadi nga adda idiay Nob.+ Gapuna immayda amin iti ari. 12  Kinuna ita ni Saul: “Umimdengka, pangngaasim, sika nga anak ni Ahitub!” nga iti dayta kinunana: “Adtoyak, apok.” 13  Ket kinuna kenkuana ni Saul: “Apay a nagkumplotkayo maibusor kaniak,+ sika ken ti anak ni Jesse, babaen ti panangtedmo kenkuana iti tinapay ken maysa a kampilan, ket adda panagimtuod iti Dios maipaay kenkuana, tapno tumakder a maibusor kaniak kas maysa nga agsansaneb a kas itoy nga aldaw?”+ 14  Gapu itoy simmungbat ni Ahimelec iti ari ket kinunana: “Ket siasino kadagiti amin nga adipenmo ti kas ken David,+ matalek,+ ken ti manugang+ ti ari ken maysa a panguluen ti para-guardiam ken napadayawan iti balaymo?+ 15  Ita aya nga aldaw ti panangrugik nga agimtuod+ iti Dios maipaay kenkuana? Narigat a pagarupen iti biangko! Saan koma a mangipatay ti ari iti aniaman maibusor iti adipenna ken maibusor iti intero a balay ni amak, ta iti isuamin daytoy saan nga ammo ti adipenmo ti banag a bassit wenno dakkel.”+ 16  Ngem kinuna ti ari: “Di bumurong a mataykanto,+ Ahimelec, sika agraman ti intero a balay ni amam.”+ 17  Gapuna kinuna ti ari kadagiti tumataray+ a naisaad iti aglawlawna: “Agbueltakayo ket papatayenyo ti papadi ni Jehova, agsipud ta ti imada met adda ken David ken agsipud ta ammoda nga isu maysa a nagtalaw ket saanda nga imbutaktak dayta iti lapayagko!”+ Ket saan a kinayat dagiti adipen ti ari nga iyunnat ti imada tapno darupenda ti papadi ni Jehova.+ 18  Kamaudiananna ti ari kinunana ken Doeg:+ “Agbueltaka ket darupem ti papadi!” Dagus a nagbuelta ni Doeg nga Edomita+ ket dinarupna ti papadi ket pinapatayna+ iti dayta nga aldaw ti walopulo ket lima a tattao nga addaan iti efod+ a lienso. 19  Uray ti Nob+ a siudad ti papadi kinabilna babaen ti tadem ti kampilan, lalaki kasta met ti babai, ubing kasta met ti agsussuso ken toro ken asno ken karnero babaen ti tadem ti kampilan. 20  Nupay kasta, ti maysa nga anak ni Ahimelec nga anak ni Ahitub, nga agnagan Abiatar,+ nakapagtalaw ket nagtartaray a simmurot ken David. 21  Kalpasanna ni Abiatar imbagana ken David: “Pinatay ni Saul ti papadi ni Jehova.” 22  Gapu itoy ni David kinunana ken Abiatar: “Pagaammok unay iti daydi nga aldaw,+ agsipud ta adda idi sadiay ni Doeg nga Edomita, a di bumurong nga ibagana ken Saul.+ Siak a mismo naranggasak ti tunggal kararua iti balay ni amam. 23  Makipagnaedka latta kaniak. Dika agbuteng, ta siasinoman a mangsapul iti kararuak sapulenna ti kararuam, ta maysaka nga agkasapulan iti salaknib a kaduak.”+

Footnotes