Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Samuel 21:1-15

21  Idi agangay dimteng ni David iti Nob+ ken Ahimelec+ a padi; ket nangrugi nga agpigerger ni Ahimelec idi simmabet ken David ket kalpasanna kinunana kenkuana: “Apay a siksika, ket awan kaduam?”+  Gapu itoy ni David kinunana ken Ahimelec a padi: “Ti met laeng ari binilinnak maipapan iti maysa a banag,+ ket kinunana kaniak, ‘Awan koma a pulos ti makaammo iti aniaman iti banag a maipapan iti dayta ibaonka ken maipapan iti dayta binilinka.’ Ket nakitinnulagak kadagiti agtutubo a lallaki iti kasta ken kastoy a lugar.  Ket ita, no adda lima a tinapay iti aywanmo, itedmo lattan dagita iti imak, wenno ti aniaman a masarakan.”+  Ngem ti padi simmungbat ken David ket kinunana: “Awan ti gagangay a tinapay iti imak, ngem adda nasantuan a tinapay;+ no la ket ta dagiti agtutubo a lallaki inaluadanda koma ti bagbagida manipud kadagiti babbai.”+  Gapuna simmungbat ni David iti padi ket kinunana kenkuana: “Ngem nayadayon dagiti babbai manipud kadakami a kas iti sigud idi rimmuarak,+ ket dagiti bagi dagiti agtutubo a lallaki agtultuloy a nasantuan, nupay ti mismo a mision ket gagangay. Ket anian nga ad-adda pay ita nga aldaw, no ti maysa agbalin a nasantuan iti bagina?”  Iti kasta ti padi intedna kenkuana ti nasantuan,+ agsipud ta awan idi ti tinapay sadiay no di ti tinapay ti pamarang a naikkat iti sanguanan ni Jehova+ tapno maikabil sadiay ti kabarbaro a tinapay iti aldaw a pannakaikkatna.  Ita ti maysa kadagiti adipen ni Saul adda idi sadiay iti dayta nga aldaw, a napagtalinaed+ iti sanguanan ni Jehova, ket ti naganna Doeg+ nga Edomita,+ daydiay kangrunaan kadagiti pastor a kukua ni Saul.+  Ket ni David kinunana ken Ahimelec: “Ket awan kadi ditoy ti aniaman nga ay-aywanam, maysa a pika wenno maysa a kampilan? Ta uray ti bukodko a kampilan wenno uray dagiti igamko saanko nga intugot iti imak, agsipud ta naganat ti banag ti ari.”  Iti daytoy kinuna ti padi: “Ti kampilan ni Goliat+ a Filisteo, a pinapataymo idiay nababa a tanap ti Elah+—adda ditoy, nabungon iti kagay, iti likudan ti efod.+ No dayta ti alaem maipaay kenka, alaem, agsipud ta awanen ti sabali ditoy malaksid iti dayta.” Ket kinuna ni David: “Awan ti kas iti dayta. Itedmo kaniak.” 10  Kalpasanna timmakder ni David ket nagtultuloy a nagtaray+ maigapu ken Saul iti dayta nga aldaw, ket iti kamaudiananna dimteng ken Aquis nga ari ti Gat.+ 11  Ket rinugian a kunaen kenkuana dagiti adipen ni Aquis: “Saan aya a daytoy ni David nga ari+ ti daga? Saan aya nga isu daytoy ti simmungsungbatanda buyogen dagiti sala,+ a kinunada, ‘Kinabil ni Saul ti rinibuna, Ket ni David ti pinullo a ribuna’?”+ 12  Ket rinugian nga ipapuso ni David dagitoy a sasao, ket nagbuteng iti kasta unay+ maigapu ken Aquis nga ari ti Gat. 13  Gapuna inlimlimona+ ti kinasimbengna iti imatangda+ ket nangrugi a naginmamauyong iti imada ket nangar-aramid kadagiti nagbinnallangan a marka kadagiti rikep ti ruangan ket binay-anna ti katayna nga agayus iti barbasna. 14  Kamaudiananna kinuna ni Aquis kadagiti adipenna: “Adtoy makitayo ti maysa a lalaki nga agtigtignay a simamauyong. Apay nga iyegyo kaniak? 15  Agkasapulanak kadi iti tattao nga agmauyong, iti kasta inyegyo daytoy a tao tapno agtignay a simamauyong iti sibayko? Rebbeng kadi nga umay daytoy a tao iti pagtaengak?”

Footnotes