Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 2:1-36

2  Ket nagkararag ni Anna+ ket kinunana: “Ti pusok agrag-o ken Jehova,+ Ti sarak pudno a maitan-ok ken Jehova.+ Mapalawa ti ngiwatko maibusor kadagiti kabusorko, Ta agrag-oak iti panangisalakanmo.+   Awan ti asinoman a nasantuan a kas ken Jehova, ta awanen ti sabali no di siksika;+ Ket awan ti bato a kas iti Diostayo.+   Dikay agsao a buyogen ti kasta unay a kinatangsit, Awan koma ti rummuar a di namedmedan manipud ngiwatyo,+ Ta ni Jehova ket Dios ti pannakaammo,+ Ket babaen kenkuana siuumiso a mapattapatta dagiti aramid.+   Dagiti nabileg a lallaki ti bai mapnoda iti panagaligaget,+ Ngem dagidiay maitibtibkol agbarikesda iti kired.+   Dagiti nabsog pagpatangdandanto ti bagbagida maipaay iti tinapay,+ Ngem dagiti mabisin pudno a sumardeng nga agbisin.+ Uray ti lupes nagpasngay iti pito,+ Ngem daydiay naruay idi iti annak naglumen.+   Ni Jehova ket Mammapatay ken Manangtaginayon iti biag,+ Manangipababa agingga iti Sheol,+ ket Isu mangaon.+   Ni Jehova ket Manangpapanglaw+ ken Manangpabaknang,+ Manangipababa, kasta met a Manangitan-ok,+   Manangpatakder iti daydiay nanumo manipud tapok;+ Manipud abut ti dapo ingatona daydiay napanglaw,+ Tapno pakikatugawenna ida kadagiti natan-ok; ket ti maysa a trono ti dayag+ itedna kadakuada a kas sanikua.+ Ta kukua ni Jehova dagiti sadiri ti daga,+ Ket isaadna iti rabawda ti nabunga a daga.   Ti saksaka dagiti nasungdona saluadanna;+ No maipapan kadagidiay nadangkes, mapagulimekda iti kinasipnget,+ Ta saan a babaen ti pannakabalin a nabilbileg ti maysa a tao.+ 10  No maipapan ken Jehova, dagidiay makisupsupiat kenkuana mapagkullayawto;+ Maibusor kadakuada isu aggurruodto iti langlangit.+ Ni met laeng Jehova ukomennanto dagiti ungto ti daga,+ Tapno maipaayanna iti pigsa ti arina,+ Tapno maitan-okna ti sara daydiay pinulotanna.”+ 11  Kalpasanna napan ni Elcana idiay Rama iti balayna; ket no maipapan iti ubing, nagbalin a ministro+ ni Jehova iti sango ni Eli a padi. 12  Ita ti annak ni Eli awan kaes-eskanda a lallaki;+ saanda a binigbig ni Jehova.+ 13  No maipapan iti maiparbeng a kalintegan ti papadi manipud kadagiti umili,+ kaanoman a mangidaton idi ti asinoman a tao iti sakripisio, ti maysa a katulongan ti padi immay a siiiggem iti tinidor a tallo ti tudokna, bayat a mailamlambong ti karne,+ 14  ket dimmugsol iti palanggana wenno iti dua ti pagiggamanna a paglutuan a banga wenno iti kaldero wenno iti maysa ti pagiggamanna a paglutuan a banga. Aniaman a mayaon ti tinidor alaen ti padi nga agpaay iti bagina. Kasta ti aramidenda idiay Silo kadagiti amin nga Israelita a dumteng sadiay.+ 15  Kasta met, sakbay pay a mapagasukda ti taba,+ immay ti maysa a katulongan ti padi ket kinunana iti tao nga agisaksakripisio: “Mangtedka iti karne a tunuen nga agpaay iti padi tapno awatenna kenka, saan a ti linambong a karne, no di ket naata.”+ 16  No kunaen kenkuana ti tao: “Umuna pay a siguraduenda a pagasuken ti taba.+ Kalpasanna iyalaam ta bagim iti aniaman a garteman ti kararuam,”+ kinapudnona kinunana: “Saan, no di ket rebbeng nga itedmo itan; ket, no saan, kasapulan a puersaan nga alaek!”+ 17  Ket ti basol dagiti katulongan dimmakkel unay iti sango ni Jehova;+ ta dagiti lallaki saanda a rinaem ti daton ni Jehova.+ 18  Ket agserserbi idi ni Samuel+ iti sango ni Jehova, kas maysa nga ubing, a nabariksan iti efod a lienso.+ 19  Kasta met, iyaramidan ni inana iti awan manggasna a lambon a bassit, ket impanna kenkuana iti tinawentawen idi simmang-at a kadua ti asawana tapno isakripisio ti tinawen a sakripisio.+ 20  Ket ni Eli binendisionanna+ ni Elcana ken ti asawana ket kinunana: “Ni Jehova mangituding koma kenka iti putot manipud itoy nga asawa a babai a mangsandi iti naipabulod a banag, a naipabulod ken Jehova.”+ Ket napanda iti dissoda. 21  Gapuna inturong ni Jehova ti asikasona ken Anna,+ iti kasta nagsikog ket nagpasngay iti tallo nga annak a lallaki ken dua nga annak a babbai.+ Ket ni ubing a Samuel nagtultuloy a dimmakkel iti sango ni Jehova.+ 22  Ket lakay unayen ni Eli, ket nangngegna+ ti isuamin nga ar-aramiden idi ti annakna a lallaki+ iti intero nga Israel ken no kasano a makikaiddada kadagiti babbai+ nga agserserbi iti pagserkan ti tolda ti gimong.+ 23  Ket kinunkunana kadakuada:+ “Apay nga agar-aramidkayo iti bambanag a kas kadagitoy?+ Ta dakes ti bambanag a mangmangngegko maipapan kadakayo manipud kadagiti amin nga umili.+ 24  Saan,+ annakko, agsipud ta saan a nasayaat ti damag a mangmangngegko, a pagsaksaknapen ti ili ni Jehova.+ 25  No ti maysa a tao agbasol maikaniwas iti maysa a tao,+ bumallaet ti Dios maipaay kenkuana;+ ngem no maikaniwas ken Jehova nga agbasol ti maysa a tao,+ siasino ti mangikararag kenkuana?”+ Ngem saanda nga umimdeng iti timek ni amada,+ agsipud ta naay-ayo ita ni Jehova a papatayen ida.+ 26  Kabayatanna dumakdakkel idi ni ubing a Samuel ken ad-adda a pagay-ayat agpadpada iti panangmatmat ni Jehova ken panangmatmat dagiti tattao.+ 27  Ket ti maysa a lalaki ti Dios+ immay ken Eli ket kinunana kenkuana: “Daytoy ti kinuna ni Jehova, ‘Saan kadi nga iti kinapudnona impanayagko ti bagik iti balay daydi amam bayat nga addada idi idiay Egipto kas ad-adipen iti balay ni Faraon?+ 28  Ket adda idi panangpili kenkuana manipud kadagiti amin a tribu ti Israel maipaay kaniak,+ tapno agakem a kas padi ket sumang-at iti altarko+ tapno mangpaasimbuyok iti asuk a sakripisio, tapno mangikawes iti efod iti sangok, iti kasta maitedko iti balay daydi amam dagiti amin a naipuor a daton ti annak ti Israel.+ 29  Apay a kugkugtaranyo ti sakripisiok+ ken ti datonko nga imbilinko iti pagnanaedak,+ ket padpadayawam ti annakmo a nangnangruna ngem siak babaen ti panangpalpalukmegyo iti bagbagiyo+ manipud kasayaatan ti tunggal daton ti Israel nga ilik?+ 30  “‘Dayta ti makagapu a ti sao ni Jehova a Dios ti Israel ket: “Pudno a kinunak, No maipapan iti balaymo ken iti balay daydi amam, magnadanto iti sangok agingga iti tiempo a di nakedngan.”+ Ngem ita ti sao ni Jehova ket: “Narigat a pagarupen, iti biangko, agsipud ta dagidiay mangpadayaw kaniak+ padayawakto,+ ket dagidiay mangumsi kaniak bassitto ti pategda.”+ 31  Adtoy! Umay ti al-aldaw inton sigurado a tigpasek ti takiagmo ken ti takiag ti balay daydi amam, tapno awanto ti lakay iti balaymo.+ 32  Ket pudno a maimatangamto ti maysa a kabusor iti pagnanaedak iti baet ti isuamin a naimbag a naaramid iti Israel;+ ket awanto a pulos ti lakay iti balaymo. 33  Ket kaskasdi adda lalaki kenka a saanko a gessaten iti kaaddana iti altarko tapno pagkapuyenna dagiti matam ken mamagutoy iti kararuam; ngem matayto amin ti ad-adu iti balaymo babaen ti kampilan dagiti tattao.+ 34  Ket daytoy ti pagilasinan maipaay kenka a dumtengto iti dua nga annakmo, da Hofni ken Finehas:+ Iti maymaysa nga aldaw mataydanto a dua.+ 35  Ket sigurado nga ibangonakto ti bagik iti matalek a padi.+ Aramidennanto ti maitunos iti adda iti pusok ken iti kararuak; ket sigurado nga ibangonakto iti agpaut a balay, ket sigurado a magnanto a kankanayon iti sango daydiay pinulotak.+ 36  Ket mapasamakto nga asinoman a natedda+ iti balaymo umayto ket agtamed kenkuana maipaay iti bayad a kuarta ken maysa a nagbukel a tinapay, ket sigurado a kunaennanto: “Ikabilnak, pangngaasim, iti maysa kadagiti akem a kinapadi tapno manganak iti sangkapisi a tinapay.”’”+

Footnotes