Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Samuel 13:1-23

13  Ni Saul agtawen iti [?] idi nangrugi nga agturay,+ ket nagturay iti Israel iti dua a tawen.  Ket nangpili ni Saul maipaay iti bagina iti tallo a ribu a lallaki manipud Israel; ket dua a ribu ti naikuyog ken Saul idiay Micmas+ ken iti nakabambantay a rehion ti Bethel, ket sangaribu ti naikuyog ken Jonatan+ idiay Gabaa+ ti Benjamin, ket ti natedda kadagiti umili pinagawidna, tunggal maysa iti toldana.  Kalpasanna kinabil ni Jonatan ti garison+ dagiti Filisteo+ nga adda idi idiay Geba;+ ket nangngeg dayta dagiti Filisteo. No maipapan ken Saul, impapuyotna ti tangguyob+ iti intero a daga, a kunkunana: “Dumngeg koma dagiti Hebreo!”  Ket nangngeg ti intero nga Israel a maibagbaga: “Kinabil ni Saul ti maysa a garison dagiti Filisteo, ket ita ti Israel nagbalin a naangot+ kadagiti Filisteo.” Gapuna naayaban nga agsangsangkamaysa dagiti umili a sumurot ken Saul idiay Gilgal.+  Ket dagiti Filisteo, iti biangda, naguummongda a sangsangkamaysa a makirupak iti Israel, tallopulo a ribu a karuahe a pakigubat+ ken innem a ribu a kumakabalio ken tattao a kas kadagiti binukel ti darat nga adda iti aplaya ti kaaduda;+ ket simmang-atda ket nangrugida a nagpakarso idiay Micmas iti agpadaya ti Bet-aven.+  Ket dagiti met laeng tattao ti Israel nakitada nga agpaspasarda kadagiti nakaro a pakarigatan,+ agsipud ta marigrigatan dagiti umili; ket naglemmeng dagiti umili kadagiti rukib+ ken kadagiti lungog ken kadagiti napasdok a bato ken kadagiti pagilemmengan ken kadagiti bito.  Dagiti Hebreo bimmallasiwda pay iti Jordan+ nga agturong iti daga ti Gad+ ken Galaad. Ngem ni Saul a mismo adda pay laeng idiay Gilgal, ket nagpigpigerger dagiti amin nga umili bayat a sumursurotda kenkuana.+  Ket nagtultuloy a naguray iti pito nga aldaw agingga iti naituding a tiempo a kinuna ni Samuel;+ ket saan nga immay ni Samuel iti Gilgal, ket nawarawara dagiti umili manipud kenkuana.  Kamaudiananna kinuna ni Saul: “Iyasidegyo kaniak ti mapuoran a sakripisio ken dagiti sakripisio a pakikaykaysa.” Gapuna indatonna ti mapuoran a sakripisio.+ 10  Ket naaramid nga apaman a nalpasna nga indaton ti mapuoran a sakripisio, ay ket, adtoy um-umay idi ni Samuel. Gapuna rimmuar ni Saul a sumabet kenkuana ken mangbendision kenkuana.+ 11  Kalpasanna kinuna ni Samuel: “Ania ti inaramidmo?”+ Iti daytoy kinuna ni Saul: “Nakitak a nawarawara manipud kaniak dagiti umili,+ ket sika—saanka nga immay iti las-ud ti naituding nga al-aldaw,+ ket maum-ummong idin a sangsangkamaysa dagiti Filisteo idiay Micmas,+ 12  gapuna kinunak iti bagik,+ ‘Ita sumalogto dagiti Filisteo maibusor kaniak iti Gilgal, ket saanko a napalukneng ti rupa ni Jehova.’ Gapuna pinilitko ti bagik+ ket indatonko ti mapuoran a sakripisio.” 13  Gapu itoy ni Samuel kinunana ken Saul: “Nagtignayka a simamaag.+ Saanmo a sinalimetmetan ti bilin+ ni Jehova a Diosmo nga imbilinna kenka,+ agsipud ta, no sinalimetmetam, pinatibker koma ni Jehova ti pagariam iti Israel agingga iti tiempo a di nakedngan. 14  Ket ita saanto nga agpaut ti pagariam.+ Sigurado a mangsapulto ni Jehova maipaay kenkuana iti maysa a lalaki a naanamongan iti pusona;+ ket parebbenganto ni Jehova a kas panguluen+ iti ilina, agsipud ta saanmo a sinalimetmetan ti imbilin kenka ni Jehova.”+ 15  Kalpasanna timmakder ni Samuel ket simmang-at manipud Gilgal nga agturong iti Gabaa ti Benjamin, ket binilang ni Saul dagiti tattao, dagidiay nasarakan a naikuyog pay laeng kenkuana, agarup innem a gasut a lallaki.+ 16  Ket ni Saul ken ni Jonatan nga anakna ken dagiti tattao a nasarakan a naikuyog pay laeng kadakuada agnanaedda idi idiay Geba+ ti Benjamin. No maipapan kadagiti Filisteo, nagpakarsoda idiay Micmas.+ 17  Ket ti puersa dagiti manangkamkam rummuar a dumarup manipud pakarso dagiti Filisteo iti tallo a bunggoy.+ Ti maysa a bunggoy bumaw-ing iti dalan nga agturong iti Ofra,+ agingga iti daga ti Sual, 18  ket ti sabali a bunggoy bumaw-ing iti dalan ti Bet-horon,+ ket ti maikatlo a bunggoy bumaw-ing iti dalan nga agturong iti beddeng a tumannawag iti ginget ti Zeboim, nga agpalet-ang. 19  Ita awan idi ti masarakan nga agpampanday iti intero a daga ti Israel, agsipud ta kinuna dagiti Filisteo: “Tapno saan a makaaramid dagiti Hebreo iti kampilan wenno pika.”+ 20  Ket amin dagiti Israelita sumalogda a mapan kadagiti Filisteo tapno ipaasa tunggal maysa ti subsob ti aradona wenno pikona wenno wasayna wenno kumpayna.+ 21  Ket ti ngina idi ti panagpaasa maysa a pim maipaay kadagiti subsob ti arado ken maipaay kadagiti piko ken maipaay kadagiti tallo ti ngipenna nga alikamen ken maipaay kadagiti wasay ken maipaay iti panangisaad a siiirut iti tirad a pagabug iti kapon a baka.+ 22  Ket napasamak idi aldaw ti bakal nga awan ti nasarakan a kampilan+ wenno pika iti ima ti asinoman kadagiti tattao a naikuyog kada Saul ken Jonatan; ngem adda maysa a masarakan a kukua ni Saul+ ken ni Jonatan nga anakna. 23  Ita ti maysa a kampo+ dagiti Filisteo rummuar a dumarup nga agturong iti baw-ang a bessang ti Micmas.+

Footnotes