Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Pedro 3:1-22

3  Iti umasping a pamay-an,+ dakayo nga assawa a babbai, agpasakupkayo+ kadagiti bukodyo nga assawa, tapno iti kasta, no ti asinoman saan a natulnog+ iti sao, mabalin a magun-od+ ida nga awan ti sao babaen iti kababalin dagiti assawada a babbai,+  agsipud ta nasaksianda ti nadalus a kababalinyo+ agraman ti nauneg a panagraem.  Ket ti arkosyo saan koma a daydiay makinruar a panangsallapid iti buok+ ken ti panangikapet kadagiti balitok a pagarkos+ wenno ti panangikawes kadagiti makinruar a kawes,  no di ket isu koma ti nalimed a kinatao+ ti puso iti di agrupsa a pagan-anay+ ti naulimek ken naalumamay nga espiritu,+ nga addaan dakkel a pateg iti imatang ti Dios.  Ta idi unana, dagiti nasantuan a babbai a nangin-inanama iti Dios kasta met ti panangarkosda iti bagbagida, nga agpaspasakupda kadagiti bukodda nga assawa,  kas iti panagtulnog idi ni Sara ken Abraham, nga inawaganna iti “apo.”+ Ket nagbalinkayo nga annakna, no agtultuloykayo nga agaramid iti naimbag ket saanyo a pagbutngan ti aniaman a pakaigapuan ti panagaligaget.+  Dakayo nga assawa a lallaki, agtultuloykayo a makipagtaeng kadakuada iti umasping a pamay-an+ maitunos iti pannakaammo,+ nga itudinganyo ida iti dayaw+ a kas iti narasrasi a basehas, ti babai, yantangay makipagtawidkayo+ met kadakuada iti di kaikarian a parabur ti biag, tapno saan a malappedan dagiti kararagyo.+  Kamaudiananna, agkakapanunotankay koma amin,+ a mangipakitakayo iti pannakipagmaymaysa ti rikna, addaan iti nainkabsatan a panagayat, nadungngo a mannakipagrikna,+ napakumbaba iti panagpampanunot,+  a saan nga isupapak ti panangdangran iti panangdangran+ wenno panangrabngis iti panangrabngis,+ no di ket, iti kasupadina, mangipaay iti pamendision,+ agsipud ta naayabankayo itoy a dana, tapno makatawidkayo iti bendision. 10  Ta, “ti agtarigagay nga agayat iti biag ken makakita iti naimbag nga al-aldaw,+ medmedanna koma ti dilana+ iti dakes ken ti bibigna iti panagsao iti allilaw,+ 11  ngem umadayo koma iti dakes+ ket aramidenna ti naimbag; sapulenna koma ti talna ket surotenna dayta.+ 12  Ta dagiti mata+ ni Jehova addada kadagidiay nalinteg, ket dagiti lapayagna situturong iti ararawda;+ ngem ti rupa ni Jehova bumusor kadagidiay agar-aramid iti dakes a bambanag.”+ 13  Pudno unay, siasino ti tao a mangdangranto kadakayo no agregtakayo iti naimbag?+ 14  Ngem uray no agsagabakayo maipagapu iti kinalinteg, naragsakkayo.+ Nupay kasta, ti pagbutbutnganda saanyo a pagbutngan,+ saankayo met nga aglagaw.+ 15  No di ket santipikarenyo ti Kristo kas Apo kadagiti pusoyo,+ a kankanayon a sisasagana nga agikalintegan+ iti sanguanan ti tunggal maysa nga agkalikagum kadakayo iti rason maipaay iti namnama nga adda kadakayo, ngem aramidenyo ti kasta buyogen ti naalumamay a kababalin+ ken nauneg a panagraem. 16  Salimetmetanyo ti naimbag a konsiensia,+ tapno iti daydiay banag a pangsawanda iti maibusor kadakayo mabainan+ dagidiay agsasao buyogen ti panangtagibassit iti naimbag a kababalinyo mainaig ken Kristo.+ 17  Ta nasaysayaat ti agsagaba gapu ta agar-aramidkayo iti naimbag,+ no tarigagayan dayta ti pagayatan ti Dios, ngem no gapu ta agar-aramidkayo iti dakes.+ 18  Ay ket, uray ni Kristo natay a namimpinsanen maipapan iti basbasol,+ maysa a nalinteg a persona maipaay kadagiti nakillo,+ tapno maiturongnakayo iti Dios,+ daydiay napapatay iti lasag,+ ngem napagbiag iti espiritu.+ 19  Iti daytoy met a kasasaad napan ket nangasaba kadagiti espiritu a sibabalud,+ 20  nga adda tiempo a nagsukirda+ idi a ti kinaanus ti Dios+ nagur-uray idi kaaldawan ni Noe, bayat a maibangbangon daydi daong,+ nga iti dayta sumagmamano a tattao, kayatna a sawen, walo a kararua, ti sitatalged a nailasat iti danum.+ 21  Daydiay katupag daytoy ket isalsalakannakayo met ita,+ awan sabali, ti bautismo, (saan a ti panangiwaksi iti rugit ti lasag, no di ket ti panagkiddaw iti Dios iti naimbag a konsiensia,)+ babaen ti panagungar ni Jesu-Kristo.+ 22  Isu adda iti makannawan ti Dios,+ ta napan sadi langit; ket dagiti anghel+ ken dagiti autoridad ken dagiti pannakabalin naipasakupda kenkuana.+

Footnotes