Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Pedro 2:1-25

2  Gapuna, iwaksiyo ti isuamin a kinadakes+ ken isuamin a panangallilaw ken panaginsisingpet ken ap-apal ken amin a kita ti panangpadpadakes,+  ket, kas kayanak a maladaga,+ patanorenyo ti panagtarigagay iti awan lalaokna a gatas+ a kukua ti sao, tapno babaen iti dayta dumakkelkayo koma nga agturong iti pannakaisalakan,+  no la ket naramananyo a ti Apo manangngaasi.+  Iti iyaay kenkuana a kas iti maysa a sibibiag a bato,+ inlaksid,+ pudno dayta, dagiti tattao,+ ngem napili, napateg, iti Dios,+  dakayo met kas sibibiag a batbato maibangbangonkayo kas maysa a naespirituan a balay+ maipaay iti panggep ti nasantuan a kinapadi, tapno mangidatonkayo kadagiti naespirituan a sakripisio+ a makaay-ayo iti Dios baeten ken Jesu-Kristo.+  Ta adda a nailanad iti Kasuratan: “Adtoy! Mangisaadak idiay Sion iti bato, napili, maysa a pamuon a bato a pasuli, napateg; ket awan asinoman a mangwatwatwat iti pammati iti dayta ti dumtengto iti pannakaupay iti aniaman a pamay-an.”+  Kadakayo, ngarud, nga isu ket napateg, agsipud ta manamatikayo; ngem kadagidiay saan a mamatpati, “ti kapadpada a bato a linaksid+ dagiti managibangon nagbalin nga ulo ti nagsulian,”+  ken “bato a pakaitibkolan ken dakkel a bato a pakabasolan.”+ Dagitoy ket pakaitibkolan agsipud ta nasukirda iti sao. Gapu itoy a panggep natudinganda met.+  Ngem dakayo ket “maysa a napili a puli, maysa a naarian a kinapadi, maysa a nasantuan a nasion,+ maysa nga ili nga agpaay a naisangsangayan a sanikua,+ tapno ideklarayo a sisasaknap dagiti kinatan-ok”+ daydiay nangayab kadakayo manipud iti kinasipnget nga agturong iti nakaskasdaaw a lawagna.+ 10  Ta idi naminsan saankayo a maysa nga ili, ngem itan ket ili ti Dios;+ dakayo idi dagidiay saan a naipakitaan iti asi, ngem itan dagidiay naipakitaan iti asi.+ 11  Dungdungnguen, bagbagaankayo kas ganggannaet ken temporario nga agnanaed+ nga itultuloyyo ti umadayo kadagiti nainlasagan a tarigagay,+ nga isuda a mismo ti makibimbinnusor iti kararua.+ 12  Taginayonenyo a nasayaat ti kababalinyo iti tengnga dagiti nasion,+ tapno, iti banag a pangsasawanda iti maibusor kadakayo a kasla managaramid iti dakes, dayawenda koma ti Dios iti aldaw a panangsukimatna+ kas bunga ti nasayaat nga ar-aramidyo+ nga isuda ti saksi kadagita. 13  Maigapu iti Apo agpasakupkayo+ iti tunggal natauan a parsua:+ uray pay iti ari+ a kas nangatngato 14  wenno kadagiti gobernador a kas imbaonna tapno mangipatayda iti pannusa kadagiti managaramid iti dakes ngem mangidayawda kadagiti managaramid iti naimbag.+ 15  Ta kasta ti pagayatan ti Dios, a babaen ti panagaramid iti naimbag mabusalanyo ti ignorante a panagsao dagiti di nainkalintegan a tattao.+ 16  Agbalinkayo a kas siwayawaya a tattao,+ ket kaskasdi a salsalimetmetanyo ti wayawayayo, saan a kas pangabbong iti kinadakes,+ no di ket kas ad-adipen ti Dios.+ 17  Padayawanyo dagiti amin a kita ti tattao,+ maaddaankayo iti ayat iti intero a timpuyog dagiti kakabsat,+ agbutengkayo iti Dios,+ padayawanyo ti ari.+ 18  Dagiti adipen iti balay agpasakupda+ koma kadagiti makinkukua kadakuada buyogen ti isuamin a maiparbeng a panagbuteng,+ saan laeng a kadagiti naimbag ken nainkalintegan, no di ket kasta met kadagidiay narigat nga ay-aywen. 19  Ta no ti asinoman, gapu iti konsiensia maipuon iti Dios, agibtur iti sidong ti makapaladingit a bambanag ken di nainkalintegan nga agsagaba, makaay-ayo a banag daytoy.+ 20  Ta ania ti pagsayaatanna no, inton agbasbasolkayo ken matungtungpakayo, ibturanyo dayta?+ Ngem no, inton agar-aramidkayo iti naimbag ket agsagabakayo,+ ibturanyo dayta, makaay-ayo a banag daytoy iti Dios.+ 21  Iti kinapudnona, naayabankayo iti daytoy a dana, agsipud ta uray ni Kristo nagsagaba a maipaay kadakayo,+ a nangibati kadakayo iti pagwadan tapno sisisinged a surotenyo dagiti addangna.+ 22  Saan a nakaaramid iti basol,+ awan met ti nasarakan nga allilaw iti ngiwatna.+ 23  Idi narabrabngis,+ saanna a sinubadan iti panangrabngis.+ Idi agsagsagaba,+ saan a nagipangpangta, no di ket intultuloyna nga intalek ti bagina iti daydiay+ mangukom a sililinteg. 24  Isu inawitna dagiti basoltayo+ iti bukodna a bagi iti rabaw ti kayo,+ tapno awan pakainaigantayon kadagiti basol+ ket agbiagtayo iti kinalinteg. Ket “babaen kadagiti pannakasaplitna napaimbagkayo.”+ 25  Ta kaslakayo karkarnero idi, a maiwawwawa;+ ngem ita nakasublikayon iti pastor+ ken manangaywan dagiti kararuayo.

Footnotes