Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Pedro 1:1-25

1  Ni Pedro, maysa nga apostol+ ni Jesu-Kristo, agpaay kadagiti temporario nga agnanaed+ a naiwarawara+ idiay Ponto, Galacia, Capadocia,+ Asia, ken Bitinia, agpaay kadagiti napili+  sigun iti nasakbay a pannakaammo ti Dios nga Ama,+ buyogen ti pannakasantipikar babaen ti espiritu,+ iti panggep a panagbalinda a natulnog ken nawarsian+ iti dara ni Jesu-Kristo:+ Rumang-ay koma kadakayo ti di kaikarian a kinamanangngaasi ken talna.+  Bendito koma ti Dios ken Ama ni Apotayo a Jesu-Kristo,+ ta maitunos iti naindaklan nga asina impaayannatayo iti baro a pannakayanak+ nga agturong iti maysa a sibibiag a namnama+ babaen ti panagungar+ ni Jesu-Kristo manipud kadagiti natay,  nga agturong iti maysa a di agrupsa ken di natulawan ken di agkupas a tawid.+ Naisagana dayta iti langlangit maipaay kadakayo,+  dakayo a salsaluadan ti pannakabalin ti Dios babaen ti pammati+ maipaay iti pannakaisalakan+ a sisasagana a maipanayag+ iti kamaudianan a las-ud ti tiempo.+  Iti daytoy a kinapudno agragrag-okayo unay, nupay iti apagbiit a kanito iti agdama, no isu ti masapul, napagleddaangkayo babaen iti nadumaduma a pakasuotan,+  tapno ti nasubok a kualidad ti pammatiyo,+ a dakdakkel unay ti pategna ngem ti balitok a madadael agpapan pay pannakasubokna babaen iti apuy,+ masarakan koma a pakaigapuan ti pannakaidayaw ken dayag ken dayaw inton pannakaipanayag+ ni Jesu-Kristo.  Nupay saanyo a pulos nakita, isu ay-ayatenyo.+ Nupay saankayo a kumitkita kenkuana iti agdama, kaskasdi a watwatwatenyo ti pammati kenkuana ken agragrag-okayo unay buyogen ti di mayebkas ken naipadayag a rag-o,  bayat nga aw-awatenyo ti pagtungpalan ti pammatiyo, ti pannakaisalakan dagiti kararuayo.+ 10  Maipapan itoy met laeng a pannakaisalakan sigaganetget a nagsukimat ken siaannad a nagsirarak+ dagiti mammadto a nagipadto+ maipapan iti di kaikarian a kinamanangngaasi a nairanta nga agpaay kadakayo.+ 11  Sinuksukisokda no ania a mismo a panawen+ wenno no ania a kita ti panawen ti ipaspasimudaag idi ti espiritu+ nga adda kadakuada maipapan ken Kristo+ no mangsaksaksi idi dayta a nasaksakbay maipapan kadagiti panagsagaba maipaay ken Kristo+ ken maipapan kadagiti dayag+ a sumaruno kadagitoy. 12  Naipalgak kadakuada a, saan nga iti bagbagida,+ no di ket kadakayo, nagserserbida iti bambanag a naiwaragawag+ itan kadakayo babaen kadagidiay nangideklara kadakayo iti naimbag a damag buyogen ti nasantuan nga espiritu+ a naibaon manipud langit. Dagitoy met laeng a banag ti tartarigagayan dagiti anghel a matmatan.+ 13  Gapuna patibkerenyo dagiti panunotyo maipaay iti trabaho,+ sipupuotkayo a naan-anay;+ isaadyo ti namnamayo iti di kaikarian a kinamanangngaasi+ a maiyeg kadakayo inton pannakaipanayag+ ni Jesu-Kristo. 14  Kas natulnog nga annak, sumardengkayo a maisuksukog+ maitunos kadagiti tarigagay a sigud nga adda kadakayo iti kinaignoranteyo, 15  no di ket, maitunos iti Daydiay Santo a nangayab kadakayo, agbalinkayo met a nasantuan a mismo iti isuamin a kababalinyo,+ 16  agsipud ta adda a naisurat: “Masapul a nasantuankayo, agsipud ta nasantuanak.”+ 17  Kanayonanna pay, no umaw-awagkayo iti Ama a mangukom nga awanan panangidumduma+ sigun iti aramid ti tunggal maysa, agbiagkayo a buyogen ti panagbuteng+ kabayatan ti tiempo a panagnaedyo kas ganggannaet.+ 18  Ta ammoyo a saan a babaen iti agrupsa a bambanag,+ iti pirak wenno balitok, a naispalkayo+ iti awanan bunga a kita ti panagbibiagyo nga inawatyo babaen iti tradision manipud kadagidi ammayo. 19  No di ket babaen iti napateg a dara,+ a kas iti dara ti awan pakapilawanna ken di namulitan a kordero,+ ti mismo a dara ni Kristo.+ 20  Pudno, isu ket nasapsapa a naammuan sakbay ti pannakabangon+ ti lubong, ngem naiparangarang iti pagnguduan dagiti tiempo maigapu kadakayo+ 21  a gapu kenkuana manamatikayo iti Dios,+ daydiay nangibangon kenkuana manipud kadagiti natay+ ken nangted kenkuana iti dayag;+ tapno ti pammati ken namnamayo adda koma iti Dios.+ 22  Ita ta ginugoranyon+ dagiti kararuayo babaen ti panagtulnogyo iti kinapudno a ti imbungana ket di managinsisingpet a nainkabsatan a panagayat,+ ayatenyo ti maysa ken maysa a nasged unay manipud iti puso.+ 23  Ta naipaayankayon iti baro a pannakayanak,+ saan a babaen iti agrupsa,+ no di ket babaen iti di agrupsa+ a bin-i a pagpaadu,+ babaen iti sao+ ti sibibiag ken manayon+ a Dios. 24  Ta “isuamin a lasag kasla ruot, ket isuamin a dayagna kasla sabong ti ruot;+ ti ruot malaylay, ket ti sabong agregreg,+ 25  ngem ti sasao ni Jehova agtalinaed iti agnanayon.”+ Ala ket, isu daytoy ti “sasao,”+ daytoy a naideklara+ kadakayo kas naimbag a damag.

Footnotes