Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Juan 5:1-21

5  Tunggal maysa a mamati a ni Jesus isu ti Kristo nayanak manipud iti Dios,+ ket tunggal maysa nga agayat iti daydiay nangigapu a mayanak ayatenna daydiay nayanak manipud iti dayta.+  Babaen itoy magun-odantayo ti pannakaammo nga ay-ayatentayo+ ti annak ti Dios,+ no ay-ayatentayo ti Dios ken ar-aramidentayo dagiti bilinna.+  Ta daytoy ti kaipapanan ti ayat+ iti Dios, a tungpalentayo dagiti bilinna;+ ket kaskasdi a dagiti bilinna saanda a makapadagsen,+  agsipud ta ti isuamin a nayanak+ manipud iti Dios parmekenna ti lubong.+ Ket daytoy ti panagballigi+ a nangparmek+ iti lubong, ti pammatitayo.+  Siasino daydiay mangparmek+ iti lubong+ no di ti addaan pammati+ a ni Jesus isu ti Anak ti Dios?+  Isu daytoy daydiay immay babaen ti danum ken dara, ni Jesu-Kristo; saan nga iti danum+ laeng, no di ket iti danum ken iti dara.+ Ket ti espiritu+ isu daydiay mangsaksaksi, agsipud ta ti espiritu isu ti kinapudno.  Ta adda tallo a manangsaksi,  ti espiritu+ ken ti danum+ ken ti dara,+ ket dagitoy a tallo sangsangkatunosda.+  No awatentayo ti pangsaksi nga ipaay ti tattao,+ ti pangsaksi nga ipaay ti Dios dakdakkel, agsipud ta daytoy ti pangsaksi nga ipaay ti Dios, ti kinapudno a sinaksianna+ ti maipapan iti Anakna. 10  Ti tao nga addaan pammati iti Anak ti Dios addaan pangsaksi+ a naited iti mismo a kasasaadna. Ti tao nga awanan pammati iti Dios isu pinagbalinna a naulbod,+ agsipud ta saan a naaddaan iti pammati iti naited a pangsaksi,+ a ti Dios kas saksi+ impaayna maipapan iti Anakna. 11  Ket daytoy ti naited a pangsaksi, a ti Dios inikkannatayo iti agnanayon a biag,+ ket daytoy a biag adda iti Anakna.+ 12  Daydiay adda kenkuana ti Anak addaan iti daytoy a biag; daydiay awan kenkuana ti Anak ti Dios awan kenkuana daytoy a biag.+ 13  Isuratko kadakayo dagitoy a banag tapno maammuanyo nga addaankayo iti biag nga agnanayon,+ dakayo nga addaan pammati iti nagan ti Anak ti Dios.+ 14  Ket daytoy ti adda kadatayo a panagtalek kenkuana,+ nga, uray ania ti dawatentayo maitunos iti pagayatanna, denggennatayo.+ 15  Kanayonanna, no ammotayo a denggennatayo maipapan iti aniaman a dawdawatentayo,+ ammotayo a maaddaantayo iti bambanag a dinawattayo yantangay dinawattayo ida kenkuana.+ 16  No ti asinoman makitana ni kabsatna nga agbasbasol iti basol a saan nga agbanag iti ipapatay,+ isu agdawatto, ket itednanto kenkuana ti biag,+ wen, kadagidiay saan nga agbasbasol iti agbanag iti ipapatay.+ Adda basol nga agbanag iti ipapatay. Maipapan iti dayta a basol diak ibaga kenkuana nga idawatanna.+ 17  Isuamin a kinakillo ket basol;+ ket kaskasdi nga adda basol a saan nga agbanag iti ipapatay. 18  Ammotayo a tunggal tao a nayanak manipud iti Dios+ saanna nga iyugali ti panagbasol, no di ket Daydiay+ nayanak manipud iti Dios ti mangaluad kenkuana, ket daydiay nadangkes saanna a mapairut ti panangtengngelna kenkuana.+ 19  Ammotayo a nagtaudtayo iti Dios,+ ngem ti intero a lubong adda iti pannakabalin daydiay nadangkes.+ 20  Ngem ammotayo a ti Anak ti Dios immayen,+ ket inikkannatayo iti pannakabael nga agpanunot+ tapno magun-odantayo ti pannakaammo iti daydiay napudno.+ Ket naikaykaysatayo+ iti daydiay napudno, babaen ti Anakna a ni Jesu-Kristo. Daytoy ti pudno+ a Dios ken biag nga agnanayon.+ 21  Babassit nga annak, igagayo ti bagbagiyo manipud kadagiti idolo.+

Footnotes