Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Juan 4:1-21

4  Dungdungnguen, saanyo a patien ti tunggal naipaltiing nga ebkas,+ no di ket subokenyo dagiti naipaltiing nga ebkas tapno makitayo no nagtaudda iti Dios,+ agsipud ta adu nga ulbod a mammadto ti nakastrek ditoy lubong.+  Magun-odanyo ti pannakaammo iti naipaltiing nga ebkas a naggapu iti Dios+ babaen iti daytoy: Tunggal naipaltiing nga ebkas a mangipudno a ni Jesu-Kristo immay a naglasag nagtaud iti Dios,+  ngem tunggal naipaltiing nga ebkas a saan a mangipudno ken Jesus saan a nagtaud iti Dios.+ Kanayonanna pay, daytoy ti naipaltiing nga ebkas ti antikristo a nangngegyo nga um-umay,+ ket ita addan ditoy lubong.+  Nagtaudkayo iti Dios, babassit nga annak, ket naparmekyo dagidiay a tattao,+ agsipud ta ti naikaykaysa+ kadakayo dakdakkel+ ngem ti naikaykaysa iti lubong.+  Nagtaudda iti lubong;+ dayta ti makagapu a sawenda no ania ti aggapu iti lubong ket ti lubong imdenganna ida.+  Nagtaudtayo iti Dios.+ Ti makagun-od iti pannakaammo iti Dios imdengannatayo;+ ti saan a nagtaud iti Dios saannatay nga imdengan.+ Kastoy ti pakaammuantayo iti naipaltiing nga ebkas ti kinapudno ken ti naipaltiing nga ebkas ti biddut.+  Dungdungnguen, itultuloytayo koma nga ayaten ti maysa ken maysa,+ agsipud ta ti ayat+ naggapu iti Dios, ket tunggal maysa nga agayat nayanak manipud iti Dios+ ket magun-odanna ti pannakaammo iti Dios.+  Ti saan nga agayat saanna a naam-ammo ti Dios, agsipud ta ti Dios ket ayat.+  Babaen itoy naiparangarang ti ayat ti Dios iti kasasaadtayo,+ agsipud ta ti Dios imbaonna ti bugbugtong nga Anakna+ ditoy lubong tapno magun-odantayo ti biag babaen kenkuana.+ 10  Ti ayat adda itoy a banag, saan a gapu ta inayattayo ti Dios, no di ket gapu ta inayatnatayo ket imbaonna ti Anakna a kas pangikappia+ a sakripisio+ maipaay kadagiti basoltayo.+ 11  Dungdungnguen, no kastoy ti panangayat kadatayo ti Dios, ngarud datayo pagrebbengantayo nga ayaten ti maysa ken maysa.+ 12  Iti uray kaano awan asinoman a nakakita iti Dios.+ No itultuloytayo nga ayaten ti maysa ken maysa, ti Dios agtalinaed kadatayo ket ti ayatna agbalin a naan-anay kadatayo.+ 13  Babaen itoy magun-odantayo ti pannakaammo nga agtalinaedtayo a naikaykaysa+ kenkuana ken isu naikaykaysa kadatayo,+ agsipud ta impaayna kadatayo ti espirituna.+ 14  Kas kanayonan, dakami nakitami+ ken saksaksianmi+ a ti Ama imbaonna ti Anakna kas Manangisalakan iti lubong.+ 15  Siasinoman a mangipudno a ni Jesu-Kristo isu ti Anak ti Dios,+ ti Dios agtalinaed a naikaykaysa iti kasta a maysa ket isu naikaykaysa iti Dios.+ 16  Ket dakami naammuanmi ken namatikami iti ayat+ ti Dios nga adda iti kasasaadtayo. Ti Dios ket ayat,+ ket ti agtalinaed iti ayat+ agtalinaed a naikaykaysa iti Dios ket ti Dios agtalinaed a naikaykaysa+ kenkuana. 17  Kastoy ti pannakaan-anay kadatayo ti ayat, tapno maaddaantayo iti wayawaya nga agsao+ iti aldaw a panangukom,+ agsipud ta, kas iti daydiay, kastatayo met iti daytoy a lubong.+ 18  Awan ti buteng iti ayat,+ no di ket ti naan-anay nga ayat paksiatenna ti buteng,+ agsipud ta ti buteng agserbi a pangmedmed. Kinapudnona, ti adda iti sidong ti buteng saan a nagbalin a naan-anay iti ayat.+ 19  No maipapan kadatayo, agayattayo, agsipud ta isu ti immuna a nagayat kadatayo.+ 20  No ti asinoman kunaenna: “Ay-ayatek ti Dios,” ket kaskasdi a gurguraenna ni kabsatna, isu ket naulbod.+ Ta ti saan nga agayat iti kabsatna,+ a nakitana, saanna a mabalin nga ayaten ti Dios, a saanna a nakita.+ 21  Ket addaantayo iti daytoy a bilin manipud kenkuana,+ a daydiay agayat iti Dios rebbeng nga ayatenna met ni kabsatna.+

Footnotes