Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Juan 3:1-24

3  Kitaenyo no ania a kita ti ayat+ ti inted kadatayo ti Ama, tapno iti kasta maawagantayo iti annak ti Dios;+ ket kastatayo. Dayta ti makagapu a ti lubong+ awanan iti pannakaammo kadatayo, agsipud ta saanna a naam-ammo.+  Dungdungnguen, ita annaknatayo ti Dios,+ ngem kaskasdi a saan pay a naiparangarang no anianto ti pagbalinantayo.+ Ammotayo a kaanoman nga isu maiparangarang+ agbalintayto a kas kenkuana,+ agsipud ta isu makitatayto kas iti kinaisuna.+  Ket tunggal maysa a nakaipasdekan daytoy a namnama gugoranna+ ti bagina no kasano nga isu ket nasin-aw.+  Tunggal maysa a mangyugali iti basol+ iyug-ugalina met ti kinakillo,+ ket ngarud ti basol+ kinakillo.  Ammoyo met nga isu naiparangarang tapno ikkatenna dagiti basoltayo,+ ket awan basol+ kenkuana.  Tunggal maysa nga agtalinaed a naikaykaysa+ kenkuana saanna nga iyugali ti panagbasol;+ ti asinoman a mangyugali iti panagbasol saan a nakakita kenkuana wenno nakaam-ammo kenkuana.+  Babassit nga annak, awan koma ti mangyaw-awan kadakayo; ti agar-aramid iti kinalinteg ket nalinteg, no kasano nga isu ket nalinteg.+  Ti agar-aramid iti basol nagtaud iti Diablo, agsipud ta ti Diablo agbasbasolen nanipud pay idi damo.+ Iti daytoy a panggep naiparangarang ti Anak ti Dios,+ awan sabali, tapno dadaelenna dagiti aramid ti Diablo.+  Tunggal maysa a nayanak manipud iti Dios ket saan nga agar-aramid iti basol,+ agsipud ta ti bin-ina a pagpaadu agtalinaed iti kasta a maysa, ket saanna a mabalin nga iyugali ti panagbasol, agsipud ta isu nayanak manipud iti Dios.+ 10  Ti annak ti Dios ken ti annak ti Diablo nabatadda babaen itoy a kinapudno: Tunggal maysa a saan nga agar-aramid iti kinalinteg+ saan a nagtaud iti Dios, uray met ti saan nga agayat iti kabsatna.+ 11  Ta daytoy ti mensahe a nangngegyo nanipud idi damo,+ a rebbeng a maaddaantayo iti ayat iti maysa ken maysa;+ 12  saan a kas ken Cain, a nagtaud iti daydiay nadangkes ken nangpapatay+ iti kabsatna. Ket maigapu iti ania a pinapatayna? Agsipud ta nadangkes ti bukodna nga ar-aramid,+ ngem ti ar-aramid ti kabsatna nalinteg.+ 13  Saanyo a pagsiddaawan, kakabsat, a ti lubong guraennakayo.+ 14  Ammotayo nga immakartayo manipud ken patay nga agturong iti biag,+ agsipud ta ay-ayatentayo dagiti kakabsat.+ Ti di agayat agtalinaed ken patay.+ 15  Tunggal maysa a manggura+ iti kabsatna mananggudas,+ ket ammoyo nga awan ti mananggudas+ nga agtalinaed kenkuana ti biag nga agnanayon.+ 16  Babaen itoy naammuantayo ti ayat,+ agsipud ta isu insukona ti kararuana maipaay kadatayo;+ ket pagrebbengantayo nga isuko dagiti kararuatayo maipaay kadagiti kakabsattayo.+ 17  Ngem siasinoman nga addaan kadagiti sanikua daytoy a lubong a pangtaginayon iti biag+ ket makitana ti kabsatna nga agkasapulan+ ket kaskasdi a punitanna ti ruangan dagiti nadungngo a panangngaasi kenkuana,+ iti ania a pamay-an nga agtalinaed kenkuana ti ayat ti Dios?+ 18  Babassit nga annak, agayattayo koma,+ saan nga iti sao wenno babaen iti dila,+ no di ket iti aramid+ ken kinapudno.+ 19  Babaen itoy maammuantayto a nagtaudtayo iti kinapudno,+ ket pagtalgedentayto dagiti pusotayo iti sanguananna 20  maipapan iti aniaman a pangkondenaran kadatayo dagiti pusotayo,+ agsipud ta ti Dios dakdakkel ngem kadagiti pusotayo ket ammona ti amin a bambanag.+ 21  Dungdungnguen, no dagiti pusotayo saandatayo a kondenaren, addaantayo ti wayawaya nga agsao iti Dios;+ 22  ket aniaman a dawatentayo awatentayo kenkuana,+ agsipud ta tungtungpalentayo dagiti bilinna ken ar-aramidentayo ti bambanag a makaay-ayo kadagiti matana.+ 23  Pudno unay, daytoy ti bilinna, a maaddaantayo ti pammati iti nagan ti Anakna a ni Jesu-Kristo+ ken ayatentayo ti maysa ken maysa,+ a kas iti imbilinna kadatayo. 24  Mainayon pay, ti mangtungpal kadagiti bilinna agtalinaed a naikaykaysa kenkuana, ket isu naikaykaysa iti kasta a maysa;+ ket babaen iti daytoy magun-odantayo ti pannakaammo nga isu agtalinaed a naikaykaysa kadatayo,+ maigapu iti espiritu+ nga intedna kadatayo.

Footnotes