Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 7:1-40

7  Ita ti annak ni Isacar isu da Tola+ ken Pua,+ Jasub ken Simron,+ uppatda.  Ket ti annak ni Tola isu da Uzzi ken Refaias ken Jeriel ken Jamai ken Ibsam ken Semuel, dagiti pannakaulo ti balay dagidi ammada. Ken Tola adda idi mamaingel, nabileg a lallaki, sigun kadagiti kaputotanda. Duapulo ket dua a ribu innem a gasut ti bilangda idi kaaldawan ni David.+  Ket ti annak ni Uzzi isu da Izrahias; ket ti annak ni Izrahias isu da Miguel ken Abdias ken Joel, Issia, , limada, aminda ket pannakaulo.  Ket kadakuada sigun kadagiti kaputotanda, mayannurot iti balay dagidi ammada, adda dagiti tropa ti buyot maipaay iti gubat, tallopulo ket innem a ribu, ta addaanda idi iti adu nga assawa ken annak.+  Ket ti kakabsatda kadagiti amin a pamilia ni Isacar mamaingel, nabileg a lallaki,+ walopulo ket pito a ribuda sigun iti pannakaipasalistada amin a mayannurot iti kapuonan.+  Ti annak ni Benjamin+ isu da Bela+ ken Bequer+ ken Jediael,+ talloda.  Ket ti annak ni Bela+ isu da Ezbon ken Uzzi ken Uzziel ken Jerimot ken Iri, limada, dagiti pannakaulo ti balay dagidi ammada, mamaingel, nabileg a lallaki; ket ti pannakaipasalistada a mayannurot iti kapuonan+ duapulo ket dua a ribu tallopulo ket uppat.  Ket ti annak ni Bequer isu da Zemira ken Joas ken Eliezer ken Elioenai ken Omri ken Jeremot ken Abias ken Anatot ken Alemet, dagitoy amin ti annak ni Bequer.  Ket ti pannakaipasalistada a mayannurot iti kapuonan+ sigun kadagiti kaputotanda no maipapan kadagiti pannakaulo ti balay dagidi ammada, mamaingel, nabileg a lallaki, duapulo a ribu dua gasut. 10  Ket ti annak ni Jediael+ isu da Bilhan; ket ti annak ni Bilhan isu da Jeus ken Benjamin ken Ehud ken Kenaana ken Zetan ken Tarsis ken Ahisahar. 11  Dagitoy amin ti annak ni Jediael, sigun kadagiti pannakaulo dagidi ammada, mamaingel, nabileg a lallaki,+ sangapulo ket pito a ribu dua gasut a mapan iti buyot maipaay ti gubat. 12  Ket ti Suppim+ ken ti Huppim+ isuda ti annak ni Ir;+ ti Husim isuda ti annak ni Aher. 13  Ti annak ni Neftali+ isu da Jaziel+ ken Guni+ ken Jezer ken Sallum,+ ti annak ni Bilha.+ 14  Ti annak ni Manases+ isu da Asriel, nga impasngay ti kamalalana a Sirio. (Impasngayna ni Maquir+ nga ama ni Galaad. 15  Ket ni met laeng Maquir nangala iti asawa a maipaay ken Huppim ken maipaay ken Suppim, ket ti nagan ti kabsatna a babai Maaca.) Ket ti nagan ti maikadua Zelofehad,+ ngem ni Zelofehad naaddaan iti annak a babbai.+ 16  Idi agangay nangipasngay ni Maaca, asawa ni Maquir, iti anak a lalaki ket pinanagananna iti Peres; ket ti nagan ti kabsatna Seres; ket ti annakna isu da Ulam ken Rekem. 17  Ket ti annak ni Ulam isu da Bedan. Dagitoy ti annak ni Galaad nga anak ni Maquir nga anak ni Manases. 18  Ket ti kabsatna a babai isu ni Hammoleket. Impasngayna da Ishod ken Abi-ezer+ ken Mala. 19  Ket ti annak ni Semida isu idi da Ahian ken Siquem ken Likhi ken Aniam. 20  Ket ti annak ni Efraim+ isu da Sutela+ ken Bered nga anakna ken Tahat nga anakna ken Eleada nga anakna ken Tahat nga anakna, 21  ken Zabad nga anakna ken Sutela nga anakna ken Ezer ken Elead. Ket pinapatay ida dagiti lallaki ti Gat+ a nayanak iti daga agsipud ta simmalogda tapno alaenda dagiti dinguenda. 22  Ket ni Efraim nga amada nagtultuloy a nagleddaang iti adu nga aldaw,+ ket nagtultuloy nga immay ti kakabsatna tapno isu liwliwaenda. 23  Kalpasanna nakidenna iti asawana, iti kasta nagsikog+ ket nangipasngay iti anak a lalaki. Ngem pinanagananna iti Berias, agsipud ta buyogen ti didigra+ ti kaaddana idi iti balayna. 24  Ket ti anakna a babai isu ni Seera, ket binangonna ti Bet-horon,+ ti makimbaba+ ken ti makinngato,+ ken ti Uzzen-seera. 25  Ket adda ni Refa nga anakna, ken ni Resef, ken ni Tela nga anakna, ken ni Tahan nga anakna, 26  ni Ladan nga anakna, ni Amihud nga anakna, ni Elisama nga anakna, 27  ni Nun+ nga anakna, ni Jehosua+ nga anakna. 28  Ket ti sanikuada ken dagiti disso a pagnanaedanda isu ti Bethel+ ken dagiti agpampannuray nga ilina ket, iti daya, ti Naaran+ ket, iti laud, ti Gezer+ ken dagiti agpampannuray nga ilina, ken ti Siquem+ ken dagiti agpampannuray nga ilina agingga iti Gaza ken dagiti agpampannuray nga ilina; 29  ken iti dasig ti annak ni Manases ti Bet-sean+ ken dagiti agpampannuray nga ilina, ti Taanac+ ken dagiti agpampannuray nga ilina, ti Megiddo+ ken dagiti agpampannuray nga ilina, ti Dor+ ken dagiti agpampannuray nga ilina. Kadagitoy a nagnaed ti annak ni Jose+ nga anak ni Israel. 30  Ti annak ni Aser+ isu da Imnah+ ken Isva ken Isvi+ ken Berias;+ ket ni Sera ti kabsatda a babai. 31  Ket ti annak ni Berias isu da Heber ken Malkiel, nga ama ni Birzait. 32  No maipapan ken Heber, isu ti ama da Jaflet ken Somer ken Hotam, ken ni Sua a kabsatda a babai. 33  Ket ti annak ni Jaflet isu da Pasac ken Bimhal ken Asvat. Dagitoy ti annak ni Jaflet. 34  Ket ti annak ni Semer isu da Ahi ken Roga, Jehubba ken Aram. 35  Ket ti annak ni Helem a kabsatna isu da Zofa ken Imna ken Seles ken Amal. 36  Ti annak ni Zofa isu da Suah ken Harnefer ken Sual ken Beri ken Imra, 37  Bezer ken Hod ken Samma ken Silsa ken Itran ken Beera. 38  Ket ti annak ni Jeter isu da Jefune ken Pispa ken Ara. 39  Ket ti annak ni Ulla isu da Arah ken Haniel ken Rizia. 40  Dagitoy amin ti annak ni Aser, dagiti pannakaulo+ ti balay dagidi amma, napili, mamaingel,+ nabileg a lallaki, dagiti pannakaulo ti papanguluen; ket ti pannakaipasalistada a mayannurot iti kapuonan+ adda iti buyot iti gubat. Ti bilangda duapulo ket innem a ribu a lallaki.+

Footnotes